Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അശ്ലീല വീഡിയോ കാണുന്നതിനിടെ ഭാര്യ വൈഫൈ ഓഫ് ചെയ്തുു: ദേഷ്യം മൂത്ത ഭര്‍ത്താവ് ചെയ്തത്, പോലീസ് കേസ്!!
ഹൈദരാബാദ്: ഭാര്യ വൈഫൈ ഓഫ് ചെയ്തതില്‍ കോപിഷ്ഠനായ തുടര്‍ന്ന് ഭര്‍ത്താവ് ഭാര്യയെ ആക്രമിച്ചു. മൊബൈല്‍ ഫോണില്‍ അശ്ലീല വീഡിയോ കാണുന്നതിനിടെ വൈഫൈ ഓഫ് ചെയ്തതാണ് ഭര്‍ത്താവിനെ പ്രകോപിപ്പിച്ചത്. 23കാരിയായ രേഷ്മ സുല്‍ത്താനയാണ് ഭര്‍ത്താവിന്റെ ആക്രമണത്തിന് ഇരയായത്. മാര്‍ച്ച് ഏട്ടിനാണ് സംഭവം. മുഖത്ത് നിരവധി പരിക്കേറ്റ ഇവരെ ആശുപത്രിയില്‍ പ്രവേശിപ്പിച്ചിട്ടുണ്ട്. വനിതാ ദിനത്തില്‍ ഹൈദരാബാദിലാണ് സംഭവം.
ഭാര്യയെ ആക്രമിച്ച സംഭവത്തില്‍ 30കാരനായ ഉമര്‍ പഷയാണ് അറസ്റ്റിലായിട്ടുള്ളത്. ക്യാബ് ഡ്രൈവറായ ഇയാള്‍ ഭാര്യയ്ക്കും മൂന്ന് മക്കള്‍ക്കുമൊപ്പം ദുണ്ഡിഗലിലാണ് താമസിക്കുന്നത്. ഭര്‍ത്താവ് എപ്പോഴും ഫോണില്‍ അശ്ലീല വീഡിയോ കണ്ടിരിക്കുന്നത് ശ്രദ്ധയില്‍പ്പെട്ടതിനെ തുടര്‍ന്നാണ് ഇതൊഴിവാക്കാന്‍ വൈഫൈ ഓഫ് ചെയ്തത്. ഫോണ്‍ മാറ്റിവെയ്ക്കാനും വീഡിയോ കാണുന്നതില്‍ നിന്ന് വിട്ടുനില്‍ക്കാനും ആവശ്യപ്പെട്ടിരുന്നു എങ്കിലും ഇതൊന്നും അനുസരിക്കാന്‍ ഭര്‍ത്താവ് തയ്യാറായിരുന്നില്ല. ഇതോടെയാണ് ഭാര്യ വൈഫൈ ഓഫ് ചെയ്തത്. തുടര്‍ന്നുണ്ടായ പ്രകോപനത്തില്‍ ഭര്‍ത്താവ് ഭാര്യയുടെ തലയില്‍ ആക്രമിക്കുകയായിരുന്നു. 2013ലാണ് ഇരുവരും വിവാഹിതരായത്.
വൈഫൈ ഓഫ് ചെയ്തതോടെ ഭര്‍ത്താവ് തന്നെ ആക്രമിക്കാന്‍ തുടങ്ങുകയായിരുന്നു. തലയിലും ചെവിയിലും കണ്ണിനു സമീപത്തും ഇടിച്ചതായും ഭാര്യ പറയുന്നു. താന്‍ ഓടിപ്പോയപ്പോള്‍ ഭര്‍ത്താവ് തന്നെ തനിച്ചാക്കിയെന്നും ഭാര്യ കൂട്ടിച്ചേര്‍ക്കുന്നു. രേഷ്മയെ ഉദ്ധരിച്ചാണ് മാധ്യമങ്ങള്‍ വാര്‍ത്ത റിപ്പോര്‍ട്ട് ചെയ്തിട്ടുള്ളത്. ആക്രമിച്ച ശേഷം രാത്രി 12. 30ഓടെ ഭര്‍ത്താവ് തന്നെ വീട്ടിലെത്തിച്ച ശേഷം പോയെന്നും ഭാര്യ കൂട്ടിച്ചേര്‍ക്കുന്നു. പിന്നീട് പുലര്‍ച്ചെ രണ്ട് മണിയോടെയാണ് സുല്‍ത്താനയുടെ കുടുംബം പരാതിയുമായി പോലീസിനെ സമീപിക്കുന്നത്. പരാതിയുടെ അടിസ്ഥാനത്തില്‍ പോലീസ് ഇയാള്‍ക്കെതിരെ ക്രിമിനല്‍ കേസ് രജിസ്റ്റര്‍ ചെയ്തിട്ടുണ്ട്.
ഭര്‍ത്താവിന്റെ ആക്രമണത്തിന് ഇരയായ രേഷ്മയെ യശോദ ആശുപത്രിയില്‍ പ്രവേശിപ്പിച്ച് ചികിത്സ ലഭ്യമാക്കിയിട്ടുണ്ട്. യുവതിയുടെ പരാതിയില്‍ കേസെടുത്ത പോലീസ് ഉമര്‍ പഷ് വയ്ക്കെതിരെ ഇന്ത്യന്‍ ശിക്ഷാ നിയമത്തിലെ 324, 341, 498 വകുപ്പുകള്‍ പ്രകാരമുള്ള കുറ്റങ്ങളാണ് ചുമത്തിയിട്ടുള്ളത്.
