കാമുകിയുടെ മകളെ വേശ്യാവൃത്തിക്ക് പ്രേരിപ്പിച്ചയാള് അറസ്റ്റില്
ഹൈദരാബാദ്: കാമുകിയുടെ പ്രായപൂര്ത്തിയാകാത്ത മകളെ വേശ്യാവൃത്തിക്ക് പ്രേരിപ്പിച്ചെന്ന കുറ്റത്തിന് ഒരാളെ പോലീസ് അറസ്റ്റ് ചെയ്തു. ഹൈദരാബാദിലെ ബന്ജാര ഹില് പോലീസ് ആണ് ഗോവിന്ദ് എന്നയാളെ അറസ്റ്റ് ചെയ്തത്. ഇയാള് പെണ്കുട്ടിയെ നിരന്തരം വേശ്യാവൃത്തിക്ക് പ്രേരിപ്പിക്കുകയും മര്ദ്ദിക്കുകയും ചെയ്തതായി പോലീസ് ഇന്സ്പെക്ടര് എസ് സന്തോഷ് പറഞ്ഞു.
പതിനേഴുവയസുള്ള പെണ്കുട്ടിയുടെ അമ്മയുമായി ഗോവിന്ദിന് ഏറെക്കാലമായി അടുപ്പമുണ്ട്. അടുപ്പത്തിന്റെ പേരില് സ്ഥിരമായി സ്ത്രീയുടെ വീട സന്ദര്ശിക്കുന്ന ഗോവിന്ദ് പെണ്കുട്ടിയെ ലൈംഗിക വൃത്തിക്ക് ഉപയോഗിച്ച് പണം സമ്പാദിക്കാമെന്ന് യുവതിയെ പ്രേരിപ്പിക്കുകയായിരുന്നു. വിസമ്മതിച്ച പെണ്കുട്ടിയെ ഇയാള് മര്ദ്ദിക്കുന്നതും പതിവാക്കി.
കഴിഞ്ഞവര്ഷം പെണ്കുട്ടിയെ കാണാതായിരുന്നു. പിന്നീട് കണ്ടെത്തിയെങ്കിലും ജനുവരി 3ന് വീണ്ടും കാണാതായി. പെണ്കുട്ടിയുടെ അമ്മയുടെ പരാതിപ്രകാരം പോലീസ് നടത്തിയ തിരച്ചിലിലാണ് പിന്നീട് കണ്ടെത്തിയത്. അടിക്കടി കാണാതാകുന്നതിനെക്കുറിച്ച് പോലീസ് പെണ്കുട്ടിയോട് ചോദിച്ചപ്പോഴായിരുന്നു ഗോവിന്ദിന്റെ പീഡനം പുറത്തായത്.
പെണ്കുട്ടിയുടെ പ്രായം പോലീസ് സ്ഥിരീകരിച്ചു. ഇവരെ വൈദ്യ പരിശോധനയ്ക്ക് വിധേയയാക്കുകയും ചെയ്തു. പെണ്കുട്ടിയുടെ പരാതിപ്രകാരം നടത്തിയ അന്വേഷണത്തിനൊടുവിലാണ് പ്രതിയെ പിടികൂടിയത്. സ്ത്രീകള്ക്കെതിരായ അതിക്രമത്തിന ഗോവിന്ദിനെതിരെ കേസ് ചാര്ജ് ചെയ്തിട്ടുണ്ട്.