കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പ്രവാസി യുവതിയെ ബലാത്സംഗം ചെയ്ത സോഫ്റ്റ് വെയര്‍ എഞ്ചിനീയര്‍ അറസ്റ്റില്‍

  • By Anwar Sadath
Google Oneindia Malayalam News

ഹൈദരാബാദ്: 32 വയസുള്ള പ്രവാസി യുവതിയെ ബലാത്സംഗം ചെയ്‌തെന്ന പരാതിയില്‍ സോഫ്റ്റ് വെയര്‍ എഞ്ചിനീയര്‍ അറസ്റ്റില്‍. ഹൈദരാബാദ് സ്വദേശിയായ വിഷ്ണു വര്‍ദ്ധനെയാണ് പോലീസ് കഴിഞ്ഞദിവസം അറസ്റ്റ് ചെയ്തത്. വിദേശത്ത് സോഫ്റ്റ്‌വെയര്‍ കമ്പനിയില്‍ ജോലി ചെയ്തുവരികയായിരുന്ന യുവതിയുടെ പരാതിയെ തുടര്‍ന്നാണ് അറസ്റ്റ്.

ഇരുവരും തമ്മില്‍ ആറു മാസത്തോളമായി സൗഹൃത്തിലാണെന്ന് പോലീസില്‍ നല്‍കിയ പരാതിയില്‍ പറയുന്നു. ഒരു ഡേറ്റിങ് ആപ്പിലൂടെയാണ് ഇവര്‍ പരിചയത്തിലായത്. പിന്നീട് വാട്‌സ് ആപ്പിലൂടെയുള്ള ചാറ്റാന്‍ തുടങ്ങിയതോടെ ഇരുവരും കൂടുതല്‍ അടുപ്പത്തിലായി. അടുത്തിടെ നാട്ടിലെത്തിയ യുവതിയുമായി വിഷ്ണു കറങ്ങാന്‍ പോവുക പതിവായിരുന്നു.

arrested

ബഞ്ജാര ഹില്‍സിലെ ഐടി കമ്പനിയിലെ ഉദ്യോഗസ്ഥനാണ് വിഷ്ണു. കേസിനാസ്പദമായ സംഭവം നടന്ന ഫിബ്രുവരി 2ന് ഇരുവരും കൂടി പുറത്തേക്ക് പോയിരുന്നു. ചായകുടിക്കാമെന്ന വാഗ്ദാനത്തിലാണ് സുഹൃത്തിനൊപ്പം പുറത്തുപോയതെന്ന് യുവതി പറഞ്ഞു. പിന്നീട് അമേരിക്കയിലെ യാത്രയ്ക്കുവേണ്ട ചില സാധനങ്ങള്‍ വാങ്ങാനായി വിഷ്ണുവിനൊപ്പം അയാളുടെ വീട്ടിലേക്ക് പോവുകയായിരുന്നു.

അവിടെവെച്ച് നല്‍കിയ ശീതളപാനീയം കുടിച്ചതോടെ പാതി മയക്കത്തിലായ തന്നെ വിഷ്ണു ബലാത്സംഗത്തിനിരയാക്കുകയായിരുന്നെന്ന് യുവതി പരാതിയില്‍ പറയുന്നു. പരാതിയില്‍ പ്രാഥമിക അന്വേഷണം നടത്തിയശേഷമാണ് പ്രതിയെ അറസ്റ്റ് ചെയ്തതെന്ന് പോലീസ് പറഞ്ഞു. വിശദമായ അന്വേഷണം നടന്നുകൊണ്ടിരിക്കുകയാണെന്നും പോലീസ് സൂചിപ്പിച്ചു.

English summary
Hyderabad: Software professional who rape NRI women, arrested
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X