വിവാഹാഭ്യര്ത്ഥന നിരസിച്ച 16കാരിയെ 21കാരനായ കാമുകന് കഴുത്തറുത്തു കൊന്നു;കാരണം?
ഹൈദരാബാദ്: വിവാഹാഭ്യര്ത്ഥന നിരസിച്ചതിനെ തുടര്ന്ന് പ്രായപൂര്ത്തിയാവാത്ത പെണ്കുട്ടിയെ 21 കാരന് ദാരുണമായി കൊലപ്പെടുത്തി. തെലുങ്കാനയിലെ ആദിലാബാദ് ജില്ലയിലാണ് സംഭവം. ഗോപാല് നഗര് സ്വദേശിനിയായ സന്ധ്യയാണ് കൊല്ലപ്പെട്ടത്. സംഭവത്തില് പ്രതിയായ മഹേഷിനെ പോലീസ് അറസ്റ്റു ചെയ്തു.
ശനിയാഴ്ച്ച വൈകിട്ടാണ് സംഭവം. വീടിനടുത്തുളള കടയിലെത്തിയ സന്ധ്യയെ മഹേഷ് ആക്രമിക്കുകയും കുതറിയോടിയ പെണ്കുട്ടിയെ പിന്തുടര്ന്ന് പിടികൂടി കഴുത്തറുക്കുകയുമായിരുന്നു. കൊലപാതകം നടത്താനുളള കാരണങ്ങളിതാണ്...
:ബാഗ്ദാദില് ഇരട്ട സ്ഫോടനം; 83 പേര് മരിച്ചു ,176 പേര്ക്ക് പരിക്ക്
ഒന്നരവര്ഷമായുളള പ്രണയം
ഒന്നരവര്ഷത്തിലേറെയായി സന്ധ്യയും മഹേഷും പ്രണയത്തിലായിരുന്നു. വീട്ടുകാരുടെ എതിര്പ്പിനെ തുടര്ന്ന് സന്ധ്യയ്ക്ക് വേറെ വിവാഹം ആലോചിച്ചുറപ്പിച്ചതോടയാണ് പ്രശ്നങ്ങള് തുടങ്ങിയത്.
നിശ്ചയ ദിവസം
വിവാഹ നിശ്ചയ ദിവസം സന്ധ്യയുടെ വീട്ടിലെത്തിയ മഹേഷ് വിവാഹം നടത്താന് അനുവദിക്കില്ലെന്നു ഭീഷണിമുഴക്കിയതിനെ തുടര്ന്ന് വരന്റെ വീട്ടുകാര് പിന്മാറി
മഹേഷിനെതിരെ പരാതി നല്കി
സംഭവത്തെ തുടര്ന്ന് സന്ധ്യയുടെ മാതാപിതാക്കള് മഹേഷിനെതിരെ പരാതി നല്കി. ഇതോടെ മഹേഷിന്റെ പ്രതികാരം വര്ദ്ധിച്ചു
വീട്ടുകാര് രമ്യതയില്
പിന്നീട് മകളുടെ ഭാവിയെ ഓര്ത്ത് വീട്ടുകാര് രമ്യതയിലെത്തുകയും വിവാഹത്തിന് സമ്മതിക്കുകയും ചെയ്തു. പക്ഷേ സന്ധ്യയുടെ മനസ്സ് മാറുകയും മഹേഷിനെ വിവാഹം കഴിക്കാന് സമ്മതമില്ലെന്നറിയിക്കുകയുമായിരുന്നു
മഹേഷ് കൊലപാതക പദ്ധതിയൊരുക്കുന്നു
വിവാഹത്തിന് വഴങ്ങാത്ത സന്ധ്യയോട് പ്രതികാരം ചെയ്യാന് മഹേഷ് തീരുമാനിക്കുകയും കൊല നടത്തുകയും ചെയ്തു
പുതിയ സ്റ്റൈല് പ്രതികാരം ആവര്ത്തിക്കുന്നു
വിവാഹാഭ്യര്ത്ഥന നിരസിച്ചതിന് ചെന്നൈയില് ഇന്ഫോസിസ് ജീവനക്കാരിയെ റെയില്വേ സ്റ്റേഷനില് വെട്ടിക്കൊന്ന സംഭവത്തിന്റെ നടുക്കം മാറുന്നതിനുമുന്പാണ് ഈ സംഭവം.