സല്മാന് ഖാന്റെ പേരും ഫോട്ടോയും; ഐഡി കാര്ഡുമായി വോട്ടര് പോളിങ് ബൂത്തില്
ഹൈദരാബാദ്: ബോളിവുഡ് നടന് സല്മാന് ഖാന്റെ പേരും ഫോട്ടോയുമായി ഒരു വോട്ടര് വോട്ടുചെയ്യാനെത്തിയത് കൗതുകക്കാഴ്ചയായി. ഹൈദരാബാദ് മുനിസിപ്പല് കോര്പ്പറേഷനിലേക്കുള്ള തെരഞ്ഞെടുപ്പില് വോട്ടു ചെയ്യാനായാണ് ഒരാള് പോളിങ് ബൂത്തിലെത്തിയത്. വോട്ടര് ഐഡി കാര്ഡ് കണ്ട പോളിങ് ഭദ്യോഗസ്ഥര് ശരിക്കും ഞെട്ടുകതന്നെ ചെയ്തു.
സല്മാന് ഖാന് പേര്, ഫോട്ടോ, അച്ഛന്റെ പേര് ഇവയെല്ലാം ഐഡികാര്ഡില് ഒന്നുതന്നെ. മാറ്റമുള്ളത് വയസുമാത്രം. 64 വയസാണ് ഐഡി കാര്ഡിലുള്ളത്. യഥാര്ഥ സല്മാന് ഖാന് 50 വയസും. ഗൗളിപുരയിലെ പോളിങ് ഉദ്യോഗസ്ഥര് തിരിച്ചും മറിച്ചുമൊക്കെ ചോദിച്ചിട്ടും വോട്ടര് കാര്യങ്ങളൊന്നും വിട്ടുപറഞ്ഞിട്ടില്ല.
തെരഞ്ഞെടുപ്പ് ഉദ്യോഗസ്ഥരുടെ പിടിപ്പുകേടാണ് ഇത്തരം സംഭവങ്ങള്ക്ക് കാരണമെന്ന് പ്രദേശവാസികള് ആരോപിച്ചു. ഇത്രയും പ്രമുഖനായ ഒരു വ്യക്തിയുടെ പേരുവിവരങ്ങള് ഉള്പ്പെടുത്തി ഐഡി കാര്ഡ് വിതരണം ചെയ്തവര്ക്കെതിരെ നടപടിവേണമെന്ന ആവശ്യവും ശക്തമായിട്ടുണ്ട്. യഥാര്ഥ വോട്ടര്മാരുടെ പേരുകള് ഡിലീറ്റ് ചെയ്യുമ്പോഴാണ് ഇത്തരം സംഭവങ്ങള് നടക്കുന്നതെന്നും അവര് പറയുന്നു.
സംഭവത്തെക്കുറിച്ച് തെരഞ്ഞെടുപ്പ് കമ്മീഷന് അന്വേഷണം തുടങ്ങിയിട്ടുണ്ടെന്നാണ് വിവരം. വോട്ടര് ഐഡി കാര്ഡുമായി ബൂത്തിലെത്തിയ ആളെ പോലീസിന്റെ സഹായത്തോടെ ചോദ്യം ചെയ്യും. ഇയാള് വോട്ടര് ഐഡി കാര്ഡ് കൃത്രിമമായി നിര്മിച്ചതാണോ എന്നും സംശയിക്കുന്നുണ്ട്.