നടി ഒളിച്ചോടിപ്പോയി, മരിച്ചെന്ന് പ്രചാരണം

മുംബൈ: ഭര്‍ത്താവിനെ ഒന്ന് ഒഴിവാക്കി കിട്ടാന്‍ ചിലര്‍ എന്ത് കടും കൈയും കാണിക്കും. ചിലപ്പോള്‍ ഭര്‍ത്താവിനെ കാമുകന്റെ സഹായത്തോടെ കൊന്ന് കളയുക വരെ ചെയ്യും. എന്നാല്‍ ഇവിടെ ഒരു നടി ചെയ്ത പണി കേള്‍ക്കണോ...

മറാത്തിയിലെ അത്യാവശ്യം അറിയപ്പെടുന്ന നടിയാണ് അല്‍ക്ക പുനെവാര്‍. ഭര്‍ത്താവിന്റെ ശല്യം ഒഴിവാക്കാനും തന്‍റെ ൊളിച്ചോട്ടം മക്കള്‍ക്കൊരു പ്രശ്നവും ഉണ്ടാക്കാതിരിക്കാനുമായി ഇവര്‍ താന്‍ മരിച്ചുപോയി എന്ന രീതിയില്‍ പ്രചരണം അഴിച്ചുവിടുകയാണ് ചെയ്തത്.

സംഭവം മഹാരാഷ്ട്രയില്‍ വന്‍ വാര്‍ത്തയായിരുന്നു. മുംബൈയില്‍ നിന്നും പൂനെയിലേക്ക് പോകും വഴി അല്‍ക്കയെ കാണാതായി എന്നായിരുന്നു ആദ്യം വാര്‍ത്ത പുറത്ത് വന്നത്. പിന്നീട് മാസങ്ങള്‍ക്ക് ശേഷം അല്‍ക്കയുടെ മരണം സ്ഥിരീരികരിക്കുകയും ചെയ്തു. പക്ഷേ പോലീസുകാര്‍ പിന്നീട് അല്‍ക്കയെ ജീവനോടെ തന്നെ ബാംഗ്ലൂരില്‍ വച്ച് പിടികൂടി. അതും കാമുകന്റെ കൂടെ.

വ്യക്തമാക്കി തയ്യാറാക്കിയ പദ്ധതി പ്രകാരമായിരുന്നു അല്‍ക്ക ഇതെല്ലാം ചെയ്തത്. തനിക്ക് ഭര്‍ത്താവിനെ വിട്ട് കാമുകന്റെ ഒപ്പം പോകണം. അങ്ങനെ ഒരു ഒളിച്ചോട്ടം ഭാവിയില്‍ തന്റെ മക്കള്‍ക്ക് പ്രശ്‌നമൊന്നും ഉണ്ടാക്കരുത്. അമ്മ മരിച്ചുപോയി എന്ന് പറഞ്ഞാല്‍ ഭര്‍ത്താവ് വീണ്ടും കല്യാണം കഴിച്ചാല്‍ പോലും കുട്ടികള്‍ക്ക് വലിയ പ്രശ്‌നമുണ്ടാവില്ലല്ലോ എന്നായിരുന്നത്രെ അല്‍ക്ക ചിന്തിച്ചത്. ഇരട്ടകളായ രണ്ട് കുട്ടികളാണ് ഇവര്‍ക്ക് ഉള്ളത്.

എന്നാല്‍ തന്നെ കാണാതായതും പിന്നീട് മരിച്ചതായി സ്ഥിരീകരിച്ചതും ഇത്രയും വലിയ പ്രശ്‌നങ്ങള്‍ നാട്ടില്‍ ഉണ്ടാക്കുമെന്ന് അല്‍ക്ക കരുതിയില്ലത്രെ.ബാംഗ്ലൂരില്‍ പുതിയ കാമുകനുമൊത്ത് ഒരു പ്രൊഡക്ഷന്‍ കമ്പനിയില്‍ ജോലി ചെയ്തുകൊണ്ടിരിക്കുമ്പോഴാണ് പോലീസ് വന്ന് പിടികൂടിയത്.

ഇപ്പോള്‍ എന്തായാലും അല്‍ക്കയും ഭര്‍ത്താവും നിയമപരമായി തന്നെ പിരിയാന്‍ തിരുമാനിച്ചു. പരസ്പര സമ്മതത്തോടെ വിവാഹമോചനത്തിനുള്ള അപേക്ഷയും നല്‍കി.

English summary

I faked my death for the sake of my sons: Alka Punewar.