സഭയില്‍ ഇടിക്കാന്‍ അറിയുന്ന സ്ത്രീകള്‍വേണം:രാഹുല്‍

വാങ്ജിങ്: ബോക്‌സിങ് താരം മേരി കോമിനെ പോലുള്ള സ്ത്രീകളെയാണ് തനിക്ക് പാര്‍ലമെന്റില്‍ വേണ്ടതെന്ന് കോണ്‍സ് ഉപാധ്യക്ഷന്‍ രാഹുല്‍ ഗാന്ധി. മണിപ്പൂരില്‍ തിരഞ്ഞെടുപ്പ് പ്രചാരണത്തിനിടെയാണ് രാഹുലിന്റെ വാക്കുകള്‍.

സ്ത്രീശാക്തീകരണത്തിന്റെ മാതൃകയാണ് മേരികോം എന്നും അതുപോലെയുള്ള സ്ത്രീകളാണ് പാര്‍ലമെന്റില്‍ ഉണ്ടാകേണ്ടതെന്നും രാഹുല്‍ പറഞ്ഞു. അഞ്ച തവണ ലോകബോക്സിങ് ചാന്പ്യനായിട്ടുള്ള മേരികോം മണിപ്പൂരുകാരിയാണ് .

മേരികോം ഇന്ത്യയിലെ ഓരോ സ്ത്രീക്കും പ്രചോദനമാണ്. എങ്ങനെയാണ് താങ്കള്‍ ബോക്‌സിങ് പരിശീലനം നടത്തിയിരുന്നത് എന്ന് മേരി കോമിനോട് ചോദിച്ചപ്പോള്‍, ആണ്‍കുട്ടികള്‍ക്കൊപ്പം എന്നായിരുന്നു അവരുടെ മറുപടി. ശരിക്കും മേരികോം ഇന്ത്യന്‍ സ്ത്രീകള്‍ക്ക് പ്രചോദനമാണ്- രാഹുല്‍ പറഞ്ഞു.

എന്നാല്‍ ബോക്‌സിങ് അറിയാവുന്ന സ്ത്രീകള്‍ പാര്‍ലമെന്റില്‍ എത്തുന്നത് എന്തിനാണെന്ന് മാത്രം രാഹുല്‍ ഗാന്ധി പറഞ്ഞില്ല.

രാജ്യത്തെ ഓരോ പൗരനേയും ബഹുമാനിക്കുന്നതാണ് തന്റെ പാര്‍ട്ടിയുടെ രീതിയെന്ന് രാഹുല്‍ പറഞ്ഞു. മണിപ്പൂരില്‍ പ്രത്യേകിച്ചെന്തെങ്കിലും നിയമം ഏര്‍പ്പെടുത്താന്‍ തങ്ങള്‍ ആഗ്രഹിക്കുന്നില്ലെന്നും രാഹുല്‍ പറഞ്ഞു.

ദില്ലിയില്‍ കൊല്ലപ്പെട്ട അരുണാചല്‍ വിദ്യാര്‍ത്ഥി നിഡോ താനിയയും രാഹുലിന്റെ പ്രസംഗത്തില്‍ കടന്നുവന്നു. രാജ്യത്തെ എല്ലാ പൗരന്‍മാരും തുല്യമായി ബഹുമാനിക്കപ്പെടണമെന്ന് രാഹുല്‍ ആവര്‍ത്തിച്ചു.

English summary

I want women like Mary Kom in Parliament: Rahul.