മദ്യപിച്ച് തെറിവിളിച്ചെന്ന വാര്‍ത്ത തെറ്റെന്ന് നടി അഞ്ജലി

By Meera Balan

Published: Sunday, January 25, 2015, 16:28 [IST]

ഹൈദരാബാദ്: നിശാപാര്‍ട്ടിയ്ക്കിടെ പബ്ബില്‍ മദ്യപിച്ച് അസഭ്യവര്‍ഷം നടത്തിയെന്ന ആരോപണം നിഷേധിച്ച് നടി അഞ്ജലി രംഗത്ത്. വെള്ളിയാഴ്ചയാണ് ഹൈദാരാബാദിലെ ഒരു പബ്ബില്‍ വച്ച് അഞ്ജലി മദ്യപിയ്ക്കുകയും അസഭ്യ വര്‍ഷം നടത്തിയതായും വാര്‍ത്ത പരന്നത് . വാര്‍ത്ത പരന്നതോടെ പൊലീസ് സ്ഥലത്തെത്തിയെങ്കിലും അഞ്ജലിയെ കാണാന്‍ കഴിഞ്ഞില്ല .

തനിയ്‌ക്കെതിരെ നടന്നത് വെറും നുണ പ്രചരാണമാണെന്ന് ആരോപിച്ച് അഞ്ജലിയും രംഗത്തെത്തിയിട്ടുണ്ട്.

ഒരു സുഹൃത്തിന്റെ ബര്‍ത്ത് ഡേ പാര്‍ട്ടിയില്‍ പങ്കെടുക്കുന്നതിന് വേണ്ടിയാണ് താന്‍ പബ്ബില്‍ പോയത്. ഈ സമയം ചില മാധ്യമ പ്രവര്‍ത്തകര്‍ എത്തുകയും തന്നോട് ഫോട്ടോയ്ക്ക് പോസ് ചെയ്യണമെന്ന് ആവശ്യപ്പെടുകയും ചെയ്തു.

എന്നാല്‍ സ്വകാര്യ ചടങ്ങായയതിനാല്‍ അഞ്ജലി ഫോട്ടോയ്ക്ക് പോസ് ചെയ്യാന്‍ വിസമ്മതിച്ചത്രേ.

രാത്രി ഒന്‍പത് മണിയോടെയാണ് പബ്ബിലെത്തിയതെന്നും അരമണിയ്ക്കൂര്‍ മാത്രമാണ് പബ്ബില്‍ ചെലഴിച്ചതെന്നും അഞ്ജലി പറയുന്നു .

പാര്‍ട്ടിയ്ക്ക് ശേഷം മടങ്ങിയെത്തുമ്പോഴാണ് താന്‍ മദ്യപിച്ച പബ്ബില്‍ പ്രശ്‌നമുണ്ടാക്കിയെന്ന വാര്‍ത്ത അറിയുന്നതെന്നും ഞെട്ടിപ്പോയെന്നും അഞ്ജലി പറയുന്നു .