Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
625 ടണ്‍ പുതിയ നോട്ടുകള്‍ വ്യോമസേന എത്തിച്ചു; മുന്‍ സേനാ മേധാവിയുടെ വെളിപ്പെടുത്തല്‍
മുംബൈ: 2016ല്‍ മോദി സര്‍ക്കാര്‍ നോട്ട് നിരോധിച്ച ശേഷം അച്ചടിച്ച പുതിയ നോട്ടുകളുടെ വന്‍ ശേഖരം വിവിധ മേഖലകളില്‍ എത്തിച്ചുവെന്ന് മുന്‍ എയര്‍ ചീഫ് മാര്‍ഷല്‍ ബിഎസ് ധനോവ. 625 ടണ്‍ നോട്ടുകളാണ് വ്യോമസേന രാജ്യത്തിന്റെ വിവിധ ഭാഗങ്ങളില്‍ എത്തിച്ചത്. ബോംബെ ഐഐടി സംഘടിപ്പിച്ച ടെക്‌ഫെസ്റ്റില്‍ സംസാരിക്കുകയായിരുന്നു മുന്‍ വ്യോമസേന ചീഫ് മാര്‍ഷല്‍.
നോട്ട് നിരോധിച്ച വേളയില്‍ തങ്ങളാണ് പുതിയ നോട്ടുകള്‍ ജനങ്ങളിലേക്ക് എത്തിച്ചത്. ഒരു കോടി രൂപയുടെ നോട്ടുകള്‍ക്ക് 20 കിലോ വരും. എന്നാല്‍ തങ്ങള്‍ കൊണ്ടുപോയ നോട്ടുകെട്ടുകള്‍ എത്ര രൂപ മൂല്യമുള്ളതാണെന്ന് അറിയില്ലെന്നും ബിഎസ് ധനോവ പറഞ്ഞു.
വ്യോമ സേന സര്‍ക്കാരിന്റെ ആവശ്യം പരിഗണിച്ച് ആഭ്യന്തര സര്‍വീസുകള്‍ നടത്താറുണ്ട്. നോട്ട് നിരോധനത്തിന് ശേഷം ഇത്തരത്തില്‍ 33 സര്‍വീസുകള്‍ നടത്തി. 625 ടണ്‍ പുതിയ നോട്ടുകളാണ് രാജ്യത്തിന്റെ വിവിധ ഭാഗങ്ങളില്‍ എത്തിച്ചത്. 2016 ഡിസംബര്‍ 31 മുതല്‍ 2019 സപ്തംബര്‍ 30 വരെ വ്യോമസേനാ മേധാവി ആയിരുന്നു ബിഎസ് ധനോവ. റാഫേല്‍ ഇടപാട് സംബന്ധിച്ച വിവാദങ്ങളും അദ്ദേഹം പ്രസംഗത്തില്‍ പരാമര്‍ശിച്ചു.
റാഫേല്‍ പോലുള്ള വിവാദങ്ങള്‍ സേനയുടെ വീര്യത്തെ തകര്‍ക്കും. പ്രതിരോധ സംവിധാനങ്ങള്‍ സൈന്യത്തിന് ലഭിക്കുന്നത് തടയാന്‍ മാത്രമേ വിവാദങ്ങള്‍ സഹായിക്കൂ. രാജീവ് ഗാന്ധി സര്‍ക്കാരിന്റെ കാലത്ത് വിവാദമായ ബൊഫോഴ്‌സ് ഇടപാട് സംബന്ധിച്ചും അദ്ദേഹം സൂചിപ്പിച്ചു. ബൊഫോഴ്‌സ് തോക്കുകള്‍ പിന്നീട് മികച്ചതായിരുന്നില്ലേ എന്നും ബിഎസ് ധനോവ ചോദിച്ചു. പാകിസ്താനുമായുള്ള സംഘര്‍ഷത്തിനിടെ അഭിനന്ദന്‍ വര്‍ധമാന്‍ മിഗ് 21ന് പകരം റാഫേല്‍ യുദ്ധവിമാനം ആയിരുന്നു പറത്തിയതെങ്കില്‍ ഫലം മറ്റൊന്നാകുമായിരുന്നുവെന്നും ബിഎസ് ധനോവ പറഞ്ഞു.
