Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഇംഗ്ലണ്ടുകാര്‍ ഇംഗ്ലീഷെങ്കില്‍ ഇന്ത്യക്കാര്‍ ഹിന്ദുക്കള്‍?
കട്ടക്ക്: ഇംഗ്ലണ്ട് നിവാസികള്‍ ഇംഗ്ലീഷുകാരും ജര്‍മനി നിവാസികള്‍ ജര്‍മന്‍കാരും യു എസ് നിവാസികള്‍ അമേരിക്കക്കാരും ആകുന്നത് പോലെ ഇന്ത്യയില്‍ അഥവാ ഹിന്ദുസ്ഥാനില്‍ വസിക്കുന്നവര്‍ എല്ലാവരും ഹിന്ദുക്കളാണ് എന്ന് ആര്‍ എസ് എസ് തലവന്‍ മോഹന്‍ ഭാഗവത്. ഇന്ത്യയുടെ സാംസ്‌കാരിക സ്വത്വം എന്നത് ഹിന്ദുത്വമാണ്. ഇന്ത്യയില്‍ ഇപ്പോള്‍ താമസിക്കുന്നവര്‍ എല്ലാവരും ഈ സംസ്‌കാരത്തിന്റെ പിന്തുടര്‍ച്ചക്കാരാണ്.
ഹിന്ദുത്വം എന്നത് ഒരു ജീവിതരീതിയാണ്. ഹിന്ദുക്കള്‍ എന്നത് ഏത് മതത്തില്‍ വിശ്വസിക്കുന്നവരോ ജാതിക്കാരോ ആകാം. ഇവര്‍ വെവ്വേറെ ദൈവങ്ങളെ ആരാധിക്കുന്നവരോ ദൈവവിശ്വാസം തന്നെ ഇല്ലാത്തവരോ ആകാം - കട്ടക്കില്‍ ഒരു ഒഡിയ വാരികയുടെ സുവര്‍ണ ജൂബിലി ആഘോഷപരിപാടിയില്‍ സംസാരിക്കുകയായിരുന്നു മോഹന്‍ ഭാഗവത്.
ദൈവങ്ങളില്‍ വിശ്വാസമില്ലാത്തവരെല്ലാവരും നിരീശ്വര വാദികളാകണം എന്നില്ല. അവനവന്റെ സ്വത്വത്തില്‍ പോലും വിശ്വാസമില്ലാത്തവര്‍ നിരീശ്വര വാദികളാണ്. ഇന്ത്യയെ ഒന്നാക്കി നിലനിര്‍ത്താനുള്ള ഒരേയൊരു സാധ്യത ഹിന്ദുത്വമാണ് എന്ന് ലോകം മൊത്തം തിരിച്ചറിഞ്ഞിരിക്കുകയാണ്. ഇത് തിരിച്ചറിയാത്ത പലരും ഇന്ത്യയിലുണ്ട്. ഇക്കാര്യം വിളിച്ചുപറയുന്നവരെ വര്‍ഗീയവാദികളായി മുദ്രകുത്തുകയാണ് ചെയ്യുന്നത്.
ലോകം മുഴുവന്‍ അന്ധകാരം കൊണ്ട് നിറഞ്ഞിരിക്കുകയാണ്. പ്രകാശത്തിനായി ലോകം ഉറ്റുനോക്കുന്നത് ഇന്ത്യയെ ആണ്. ഭാരതത്തിന്റെ പോക്ക് ശരിയായ ദിശയിലാണ്. ധര്‍മം നിലനില്‍ക്കുന്നിടത്തോളം കാലം ലോകം ഭാരതത്തെ ബഹുമാനിക്കും. ധര്‍മം എന്ന് നശിക്കുന്നുവോ പിന്നെ ഭാരതത്തെ നാശത്തില്‍ നിന്നും തടയാന്‍ ഒന്നിനും സാധിക്കില്ല.
