• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മുസ്ലിങ്ങള്‍ക്ക് വിഎച്ച്പിയുടെ താക്കീത്

ഇന്‍ഡോര്‍: കലാപങ്ങളുണ്ടാക്കാന്‍ ബോധപൂര്‍വ്വം ശ്രമം നടത്തിയാല്‍ അതിന്റെ പ്രത്യാഘാതം ഗുരുതരമായിരിക്കുമെന്ന് രാജ്യത്തെ മുസ്ലിങ്ങള്‍ക്ക് വിശ്വഹിന്ദു പരിഷതിന്റെ മുന്നറിയിപ്പ്. ഗുജറാത്ത് നിങ്ങള്‍ മറന്നിട്ടുണ്ടാകും, എന്നാല്‍ മുസാഫിര്‍നഗര്‍ മറക്കാതിരിക്കുക എന്നാണ് വി എച്ച് പി അധ്യക്ഷന്‍ പ്രവീണ്‍ തൊഗാഡിയ മുസ്ലിങ്ങളോട് പറയുന്നത്.

ഹനുമാന്റെ വാലില്‍ തീ കൊളുത്തിയാല്‍ ലങ്ക ചുട്ടുകരികരിക്കപ്പെടും. ഗുജറാത്ത് കലാപമുണ്ടാകാനുള്ള കാരണം ഗോധ്രയിലെ ആക്രമണമാണ്. മുസാഫിര്‍ നഗറില്‍ ഹിന്ദു പെണ്‍കുട്ടിയെ ബലാത്സംഗം ചെയ്തതാണ് കലാപത്തിലേക്ക് നീങ്ങിയത്- തൊഗാഡിയയുടെ വാക്കുകളെ ഉദ്ധരിച്ച് ഫ്രീ പ്രസ് ജേര്‍ണല്‍ റിപ്പോര്‍ട്ട് ചെയ്യുന്നു.

ഹിന്ദുക്കള്‍ നിശബ്ദരായിരിക്കുന്നത് പേടി കൊണ്ടാണ് എന്ന് കരുതരുത്. ഞങ്ങള്‍ ഭീരുക്കളല്ല. വിശ്വ ഹിന്ദു സമ്മേളനത്തിന് മുമ്പായി പത്രസമ്മേളനത്തില്‍ സംസാരിക്കുകയായിരുന്നു പ്രവീണ്‍ തൊഗാഡിയ. നവംബറില്‍ ദില്ലിയിലാണ് സമ്മേളനം നടക്കാനിരിക്കുന്നത്. ഇതിന് മുന്നോടിയായി നടന്ന പത്രസമ്മേളനത്തിലാണ് തൊഗാഡിയ രാജ്യത്തെ മുസ്ലിങ്ങള്‍ക്ക് മുന്നറിയിപ്പ് നല്‍കിയിരിക്കുന്നത്.

അമര്‍നാഥ് തീര്‍ഥാടനത്തിന്റെ ബേസ് ക്യാംപായ ബല്‍താലില്‍ കഴിഞ്ഞ ദിവസം പ്രശ്‌നങ്ങള്‍ ഉണ്ടായിരുന്നു. സംഘര്‍ഷത്തില്‍ 25 ലധികം പേര്‍ക്ക് പരിക്കേല്‍ക്കുകയും തീര്‍ഥാടനയാത്ര നിര്‍ത്തിവെക്കുകയും ചെയ്തിരുന്നു. സംഭവത്തില്‍ ഉടനടി അന്വേഷണം നടത്തണമെന്നും അതിവേഗ കോടതികള്‍ സ്ഥാപിക്കണമെന്നും പ്രവീണ്‍ തൊഗാഡിയ ആവശ്യപ്പെട്ടു.

ആക്രമണത്തില്‍ പരിക്കേറ്റ ഹിന്ദുക്കളുടെ ബന്ധുക്കള്‍ പ്രതികരിച്ചാല്‍ സംസ്ഥാന സര്‍ക്കാരിന് കാര്യങ്ങള്‍ നിയന്ത്രിക്കാന്‍ പറ്റി എന്ന് വരില്ല എന്നും തൊഗാഡിയ ഭീഷണിപ്പെടുത്തി. ഇതിന് മുന്‍പും വംശീയ വിദ്വേഷ പ്രസംഗങ്ങള്‍ നടത്തി വിവാദത്തിലായിട്ടുണ്ട് പ്രവീണ്‍ തൊഗാഡിയ.

English summary
If you set Hanuman's tail on fire, Lanka will burn, Togadia warns Muslims
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more