• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

2018ല്‍ ഇന്ത്യയില്‍ ദിനംപ്രതി 109 കുട്ടികള്‍ ലൈംഗികാതിക്രമം നേരിട്ടതായി റിപ്പോര്‍ട്ട്

  • By Desk

ദില്ലി: നാഷണല്‍ ക്രൈം റെക്കോര്‍ഡ് ബ്യൂറോയുടെ ഏറ്റവും പുതിയ കണക്കുകള്‍ പ്രകാരം 2018ല്‍ ഇന്ത്യയില്‍ ഓരോ ദിവസവും 109 കുട്ടികള്‍ ലൈംഗികമായി പീഡിപ്പിക്കപ്പെട്ടതായി റിപ്പോര്‍ട്ട്. തൊട്ട് മുന്‍പത്തെ വര്‍ഷവുമായി താരതമ്യം ചെയ്യുമ്പോള്‍ 22 ശതമാനം വര്‍ധനവാണ് ഇത്. പോക്‌സോ പ്രകാരം 2017ല്‍ 32,608 കേസുകളും 2018ല്‍ 39,827 കേസുകളും രജിസ്റ്റര്‍ ചെയ്തതായി റിപ്പോര്‍ട്ടില്‍ പറയുന്നു.

പൗരത്വ ഭേദഗതി നിയമം; മോദിക്ക് നന്ദി അറിയിച്ച് ലഭിച്ച അഞ്ചര ലക്ഷം കത്തുകളുമായി അമിത് ഷാ

2018ല്‍ 21,605 കുട്ടികള്‍ ബലാത്സംഗത്തിന് ഇരയായെന്ന ഞെട്ടിക്കുന്ന കണക്കും റിപ്പോര്‍ട്ടിലുണ്ട്. ഇതില്‍ 21,401 പെണ്‍കുട്ടികളും 204 ആണ്‍കുട്ടികളും ഉള്‍പ്പെടുന്നു. ഏറ്റവും കൂടുതല്‍ കുട്ടികള്‍ ബലാത്സംഗത്തിന് ഇരയായത് മഹാരാഷ്ട്രയിലാണ്. 2,832 കേസുകളാണ് ഇവിടെ റിപ്പോര്‍ട്ട് ചെയ്തിരിക്കുന്നത്. തൊട്ടുപിന്നാലെ 2023 കേസുകളോടെ ഉത്തര്‍പ്രദേശും 1457 കേസുകളോടെ തമിഴ്‌നാടുമുണ്ട്.

2008-2018 കാലയളവില്‍ കുട്ടികള്‍ക്കെതിരായ കുറ്റകൃത്യങ്ങള്‍ ആറ് മടങ്ങ് വര്‍ദ്ധിച്ചതായി റിപ്പോര്‍ട്ടില്‍ പറയുന്നു. 2008ല്‍ റിപ്പോര്‍ട്ട് ചെയ്ത 22,500 കേസുകളില്‍ നിന്ന് 2018ലെത്തുമ്പോള്‍ 1,41,764 കേസുകളായി വര്‍ധിച്ചിട്ടുണ്ട്. കുട്ടികള്‍ക്കെതിരായി നടന്ന ലൈംഗിക അതിക്രമങ്ങളുമായി ബന്ധപ്പെട്ട് 2017ല്‍ മാത്രം 1,29,032 കേസുകള്‍ രജിസ്റ്റര്‍ ചെയ്തു.

കുട്ടികള്‍ക്കെതിരെയുള്ള ലൈംഗിക കുറ്റകൃത്യങ്ങളുടെ എണ്ണത്തിലുള്ള വര്‍ധന പേടിപ്പെടുത്തുന്നതാണെങ്കിലും ഇത്തരം കേസുകള്‍ റിപ്പോര്‍ട്ട് ചെയ്യപ്പെടുന്നത് തികച്ചും പോസിറ്റീവായ അടയാളമാണെന്നും ജനങ്ങള്‍ക്ക് സിസ്റ്റത്തിലുള്ള വിശ്വാസത്തെ ഇത് പ്രതിഫലിപ്പിക്കുന്നതായും ചൈല്‍ഡ് റൈറ്റ്‌സ് ആന്‍ഡ് യുവിലെ പോളിസി റിസര്‍ച്ച് ആന്‍ഡ് അഡ്വക്കസി ഡയറക്ടര്‍ പ്രീതി മഹാര പറഞ്ഞു. ഇത്തരം കേസുകളില്‍ സര്‍ക്കാര്‍ ഇടപെടലുകള്‍ നടത്തണമെന്നും തെളിവുകള്‍ കൃത്യമായി കണ്ടെത്തണമെന്നും അവര്‍ ആവശ്യപ്പെട്ടു. കുട്ടികളുടെ സംരക്ഷണം ഉറപ്പാക്കാന്‍ ശ്രമങ്ങള്‍ നടത്തുന്നുണ്ടെങ്കിലും പ്രതീക്ഷിച്ച ഫലം കാണാന്‍ ഇനിയും വളരെയധികം കാര്യങ്ങള്‍ ചെയ്യേണ്ടതുണ്ടെന്നും അവര്‍ കൂട്ടിച്ചേര്‍ത്തു.

English summary
In 2018 109 children abused every day in India
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X