ശശികല കുടുംബത്തിന്റെ മിഡാസ് ഗ്രൂപ്പ് സ്ഥാപനങ്ങളിൽ ആദായനികുതി വകുപ്പിന്റെ റെയ്ഡ്...

എസ് വി എസ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ കോയമ്പത്തൂർ ഓഫീസിലും ആദായനികുതി വകുപ്പ് പരിശോധന നടത്തുന്നുണ്ട്.

ചെന്നൈ: ശശികലയുടെ കുടുംബത്തിന്റെ ഉടമസ്ഥതയിലുള്ള മിഡാസ് ഡിസ്റ്റലറീസിൽ ആദായനികുതി വകുപ്പിന്റെ റെയ്ഡ്. ചെന്നൈ താംബരത്തെ ഫാക്ടറിയിലടക്കം മിഡാസ് ഗ്രൂപ്പിന്റെ ആറ് കേന്ദ്രങ്ങളിലാണ് റെയ്ഡ് നടക്കുന്നത്.

മിഡാസ് ഗ്രൂപ്പിന്റെ കോയമ്പത്തൂരിലെ ഓഫീസുകളിലും റെയ്ഡ് നടക്കുന്നുണ്ട്. മിഡാസ് ഗ്രൂപ്പ് സ്ഥാപനങ്ങൾക്ക് പുറമേ ശശികലയുടെ സഹോദരഭാര്യ ഇളവരശിയുടെ ബന്ധു കാർത്തികേയൻ കാലിയപെരുമാളിന്റെ ചെന്നൈ അഡയാർ കർപ്പകം ഗാർഡൻസിലെ വീട്ടിലും റെയ്ഡ് പുരോഗമിക്കുകയാണ്.

കാർത്തികേയന് ഓഹരി പങ്കാളിത്തമുള്ള എസ് വി എസ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ കോയമ്പത്തൂർ ഓഫീസിലും ആദായനികുതി വകുപ്പ് പരിശോധന നടത്തുന്നുണ്ട്. ശശികലയുടെ കുടുംബവുമായി ബന്ധപ്പെട്ട സ്ഥാപനങ്ങളിലും വീടുകളിലും രണ്ടു മാസം മുൻപും റെയ്ഡ് നടത്തിയിരുന്നു. അന്ന് 1500ഓളം കേന്ദ്രങ്ങളിലാണ് ആദായനികുതി വകുപ്പ് പരിശോധന നടത്തിയത്.

English summary

Income tax raid in midas group offices.