ഇത്തവണ സ്വാതന്ത്ര്യദിനം കുട്ടികള്ക്കൊപ്പം ആഘോഷിച്ചാലോ? അടിപൊളി ഐഡിയകള്
1947 ഓഗസ്റ്റ് 15 ന് ആണ് നമ്മുടെ രാജ്യം സ്വാതന്ത്ര്യം നേടിയത്. നീണ്ട രണ്ട് നൂറ്റാണ്ട് കാലത്തെ ബ്രീട്ടിഷ് ഭരണത്തില് ഇന്ത്യ സ്വതന്ത്രമായത്. നമ്മുടെ സ്വാതന്ത്ര്യസമര സേനാനികളുടെ വിയര്പ്പും രക്തവും ആണ് നമ്മള് ഇന്ന് അനുഭവിക്കുന്ന സ്വാതന്ത്ര്യം. സ്വാതന്ത്ര്യ സമരസേനാനികള് നടത്തിയ ത്യാഗങ്ങളെക്കുറിച്ചട് ചിന്തിക്കാനും ഓര്ക്കാനതും ചരിത്രത്തിലേക്ക് തിരിഞ്ഞുനോക്കാനും കൂടി ഉള്ള ദിവസമാണ് ഓഗസ്റ്റ് 15.
എല്ലാ വര്ഷവും, സ്കൂളുകള് മുതല് കോളേജുകള്, ഓഫീസുകള് വരെയുള്ള സ്ഥലങ്ങളില് ദേശസ്നേഹം പ്രമേയമാക്കിയ വിവിധ പരിപാടികള് നടക്കുന്നു. ഈ അവസരത്തെ അനുസ്മരിക്കാന്, ഇന്ത്യന് പതാക ഉയര്ത്തുകയും ദേശഭക്തി ഗാനങ്ങള് ആലപിക്കുകയും ചെയ്യുന്നു. ചെറുപ്പം മുതല്ക്ക് തന്നെ കുട്ടികളില് രാജ്യസ്നേഹവും സ്വാതന്ത്ര്യത്തിന്റെ പ്രാധാന്യവും വളര്ത്തിയെടുക്കേണ്ടത് വളരെ പ്രധാനമാണ്. ഈ അവിസ്മരണീയ ദിനത്തില് നിങ്ങളുടെ കുട്ടികളുമായി ചെയ്യാനുള്ള ചില പ്രവര്ത്തനങ്ങളാണ് താഴെ പറഞ്ഞിരിക്കുന്നത്.
ദേശിയ ഗാനാലാപനം:
ദേശീയ ഗാനം ആലപിക്കുമ്പോള് അയല്പക്കങ്ങളിലും സ്കൂളുകളിലും വീടിന്റെ ടെറസുകളിലും പോലും ഇന്ത്യന് പതാക ഉയര്ത്തുന്നു. ഈ ദിവസം, നിങ്ങളുടെ കുട്ടികള്ക്കൊപ്പം പതാക ഉയര്ത്തുകയും ത്രിവര്ണ്ണ പതാക ഉയരത്തില് പറക്കുന്നത് കാണുന്നതിന്റെ അഭിമാനം അനുഭവിക്കാന് നമുക്ക് പ്രോത്സാഹിപ്പിക്കുകയും ചെയ്യാം. പരിപാടിയില് പങ്കെടുക്കാന് അവരെ പ്രോത്സാഹിപ്പിക്കുക. അവരെ ദേശീയഗാനം ആലപിക്കുകയും എല്ലാവരുമായും വിശ്വസ്തതയുടെ പ്രതിജ്ഞ ചൊല്ലുകയും ചെയ്യുക.
പെയിന്റിംഗ്, ഡ്രോയിംഗ് മത്സരങ്ങള്: ചിത്ര രചന മത്സരം നടത്താം, ഇത് കുട്ടികള്ക്കിടയില് ആവേശം ജനിപ്പിക്കുകയും ചെയ്യും. നിങ്ങള്ക്ക് സ്വാതന്ത്ര്യദിന വിഷയത്തില് ചിത്രരചന, പെയിന്റിംഗ് മത്സരങ്ങള് നടത്താം. സ്വാതന്ത്ര്യം എന്ന ആശയം ഊന്നിപ്പറയുകയും യുവാക്കളെ നിറത്തിലൂടെ പ്രകടിപ്പിക്കാന് പ്രോത്സാഹിപ്പിക്കുകയും ചെയ്യുന്ന വിഷയങ്ങള് പരിഗണിക്കുക. നിങ്ങളുടെ രാജ്യസ്നേഹം പ്രകടിപ്പിക്കുന്നതിനുള്ള മറ്റൊരു മികച്ച മാര്ഗമാണ് ഫെയ്സ് പെയിന്റിംഗ്.
സാംസ്കാരിക നൃത്തം: രാജ്യ സ്നേഹം പ്രകടിപ്പിക്കുന്നതിനും വിവിധ പശ്ചാത്തലത്തില് നിന്നുള്ള കുട്ടികളെ ഒരുമിച്ച് കൊണ്ടുവരുന്നതിനുമുള്ള മികച്ച രീതിയാണ് നൃത്തം. സ്വാതന്ത്ര്യ ദിനവുമായി ബന്ധപ്പെട്ട് നടത്തുന്ന നിരവധി നൃത്ത പരിപാടികളില് നിങ്ങളുടെ കുട്ടികള്ക്ക് പങ്കെടുക്കാം. എളുപ്പം പഠിക്കാന് സാധിക്കുന്ന ചുവടുകള് പഠിപ്പിത്ത് കുട്ടികളെ നൃത്തം ചെയ്യാന് തയ്യാറാക്കാം. കഥക്, ഭരതനാട്യം, കഥകളി, കുച്ചിപ്പുടി, മണിപ്പൂരി, മറ്റ് ഇന്ത്യന് നൃത്തരൂപങ്ങള് എന്നിവയും നൃത്തങ്ങളുടെ ഒരു ശൃംഖലയായി സംയോജിപ്പിക്കാം.
സിനിമ കാണുക: മംഗള് പാണ്ഡെ മുതല് മദര് ഇന്ത്യ വരെ, ഇന്ന് നമുക്കുള്ള സ്വാതന്ത്ര്യം നേടുന്നതിനുള്ള പോരാട്ടം കാണിക്കുന്ന ദേശഭക്തി വ്യക്തമാക്കുന്ന സിനിമകളുടെ വിശാലമായ സ്പെക്ട്രമുണ്ട്. നിങ്ങളുടെ കുട്ടികള്ക്കൊപ്പം അത്തരം സിനിമകള് കാണാം.
Click it and Unblock the Notifications
Sign in with Google