ഹരിയാനയില്‍ ബലാത്സംഗത്തിനിരയായ 10വയസ്സുകാരിക്ക് അബോര്‍ഷന്‍ അനുവദിച്ചു

ഹരിയാനയിലെ റോട്ടക്കില്‍ രണ്ടാനച്ഛനാല്‍ പീഡിപ്പിക്കപ്പെട്ട പെണ്‍കുട്ടിക്ക് അബോര്‍ഷന്‍ അനുവദിച്ചു

ഹരിയാന: ഹരിയാനയില്‍ ബലാത്സംഗത്തിനിരയായ 10 വയസ്സുകാരിക്ക് ഡോക്ടര്‍മാര്‍ അബോര്‍ഷന് അനുമതി നല്‍കി. രണ്ടാനച്ഛനാല്‍ പീഡിപ്പിക്കപ്പെട്ട പെണ്‍കുട്ടിയുടെ പ്രത്യേക അപേക്ഷ പ്രകാരമാണ് അബോര്‍ഷന് അനുമതി നല്‍കിയത്. പെണ്‍കുട്ട് അഞ്ചു മാസം ഗര്‍ഭിണിയായിരുന്നു.

പെണ്‍കുട്ടിയുടെ അമ്മ വനിതാ ഹെല്‍പ്ലൈനില്‍ ബന്ധപ്പെട്ടതിനെത്തുടര്‍ന്നാണ് സംഭവം പുറത്തറിഞ്ഞത്. താന്‍ ജോലിക്കു പോയിരുന്ന സമയത്ത് ഭര്‍ത്താവ് മകളെ നിരന്തരം പീഡിപ്പിരുന്നതായി ഇവര്‍ പറഞ്ഞു.

ഇന്ത്യയില്‍ നിലവിലുള്ള നിയമം അനുസരിച്ച് അമ്മയുടെയോ കുഞ്ഞിന്റെയോ ജീവന് ഭീഷണിയല്ലെങ്കില്‍ 20 ആഴ്ചയോ അതില്‍ കൂടുതലോ പ്രായമായ ഭ്രൂണത്തെ അബോര്‍ട്ട് ചെയ്യുന്നത് കുറ്റകരമാണ്. എന്നാല്‍ ചില പ്രത്യേക സാഹചര്യങ്ങളില്‍ ഇതിന് ഇളവു ലഭിക്കാറുണ്ട്. ഡോക്ടര്‍മാര്‍ കോടതിയെയും മെഡിക്കല്‍ ബോര്‍ഡിനെയും സമീപിച്ചതിനെത്തുടര്‍ന്നാണ് പെണ്‍കുട്ടിക്ക് അനുകൂലമായ വിധിയുണ്ടായത്.

English summary

Indian doctors allow 10-year-old rape victim to abort who was raped by her stepfather