കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മോദിയുടെ ഐഎസ്ഒ 9001 സര്‍ക്കാര്‍!

Google Oneindia Malayalam News

ദില്ലി: ലോകത്തെ ആദ്യ ഐ എസ് ഒ 9001 സര്‍ട്ടിഫിക്കറ്റ് സര്‍ക്കാരാകാന്‍ നരേന്ദ്ര മോദിയുടെ എന്‍ ഡി എ സര്‍ക്കാര്‍. പെര്‍ഫോമന്‍സ് മാനേജ്‌മെന്റ് വിഭാഗം സെക്രട്ടറി പ്രജാപതി ത്രിവേദിയാണ് വിവിധ വകുപ്പുകള്‍ക്ക് ഇത് സംബന്ധിച്ച് കത്തെഴുതിയത്. ഐ എസ് ഒ 9001 സര്‍ട്ടിഫിക്കറ്റ് സര്‍ക്കാരാകാനുള്ള കര്‍മപദ്ധതികള്‍ എല്ലാ മന്ത്രാലയങ്ങള്‍ക്കും വിവരിക്കുന്നതാണ് കത്ത്.

കൃത്യമായ പ്രവര്‍ത്തനത്തിലൂടെ തങ്ങള്‍ക്ക് ഐ എസ് ഒ 9001 സര്‍ട്ടിഫിക്കറ്റ് കിട്ടുന്ന ആദ്യത്തെ സര്‍ക്കാരാകാന്‍ കഴിയും എന്നാണ് കത്ത്. സര്‍ക്കാരിന്റെ എല്ലാ വിഭാഗങ്ങളിലും തീരുമാനങ്ങള്‍ എടുക്കാനും അവ നടപ്പിലാക്കാനുമുള്ള വേഗം കൂട്ടുന്നതിനായാണ് ഇത്തരം പരിപാടികള്‍ ആവിഷ്‌കരിക്കുന്നത്. സര്‍ക്കാര്‍ പ്രൊഫഷണല്‍ ആകുതോടെ ഭരണവേഗവും കൂടും.

modi-new

ഗുജറാത്ത് മുഖ്യമന്ത്രിയായിരിക്കേ നരേന്ദ്ര മോദി തന്റെ സംസ്ഥാനത്തെ ഐ എസ് ഒ 9001 സര്‍ട്ടിഫൈഡ് സംസ്ഥാനമാക്കി മാറ്റിയിരുന്നു. കാബിനറ്റ് സെക്രട്ടറിമാര്‍ ഇതിനായി കൂടുതല്‍ ശ്രദ്ധ വെക്കണമെന്നും കത്തില്‍ പെര്‍ഫോമന്‍സ് മാനേജ്‌മെന്റ് വിഭാഗം നിര്‍ദ്ദേശിക്കുന്നു. യു പി എ സര്‍ക്കാരിന്റെ കാലത്ത് തന്നെ ഇതിനായുള്ള പ്രവര്‍ത്തനങ്ങള്‍ തുടങ്ങിയിരുന്നു

എന്താണ് ഐ എസ് ഒ 9001
പ്രവര്‍ത്തന നിലവാരം തിട്ടപ്പെടുത്തുന്നതിനുള്ള അന്തര്‍ദേശീയ മാനദണ്ഡമാണ് ഐ.എസ്.ഒ 9001. നേതൃപാടവം, തീരുമാനങ്ങള്‍ എടുക്കാനുള്ള വേഗത, പ്രവര്‍ത്തന മികവ്, സംയോജനം, ഗുണനിലവാരം, ജനപങ്കാളിത്തം തുടങ്ങിയവയാണ് പ്രധാന മാനദണ്ഡങ്ങള്‍. കേന്ദ്രസര്‍ക്കാരിന്റെ 72 ഡിപ്പാര്‍ട്ട്‌മെന്റുകളില്‍ 37 എണ്ണവും ഐ എസ് ഒ സ്‌കീമില്‍ പ്രവര്‍ത്തിക്കുന്നവയാണ്.

English summary
GOI to get world’s first ISO 9001 certificate. Secretary in Performance Management Division at Centre, Prajapati Trivedi, has shot a letter to all ministries and departments informing about the plan.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X