കൊവിഡ് ആശങ്കയൊഴിയാതെ ഇന്ത്യ; 96551 പുതിയ രോഗികള്; രോഗ ബാധിതര് 45 ലക്ഷം കടന്നു
ദില്ലി: ഇന്ത്യയില് കൊവിഡ് രോഗികളുടെ എണ്ണം കുത്തനെ ഉയരുന്നു. ഇക്കഴിഞ്ഞ 24 മണിക്കൂറിനിടെ 96551 പേര്ക്കാണ് കൊവിഡ് സ്ഥിരീകരിച്ചത്. ഇതോടെ ഇന്ത്യയില് കൊവിഡ് ബാധിതര് 45,62,415 ആയി.ഇന്ത്യയില് ഒരു ലക്ഷത്തിനടുത്ത് കൊവിഡ് കേസുകളാണ് റിപ്പോര്ട്ട് ചെയ്യുന്നത്.
ഇക്കഴിഞ്ഞ 24 മണിക്കൂറിനിടെ ഇന്ത്യയില് കൊവിഡ് രോഗത്തെ തുടര്ന്ന് 1209 പേരാണ് മരണപ്പെട്ടത്. ഇന്ത്യയില് ഇതുവരേയും കൊവിഡ് രോഗത്തെ തുടര്ന്ന് 76271 പേര് മരണപ്പെട്ടു. 1.67 ശതമാനമാണ് രാജ്യത്തെ മരണനിരക്ക്.
ഇതുവരേയും 35,42,665 പേര് കൊവിഡ് മുക്തി നേടിയിട്ടുണ്ട്. 943480 പേരാണ് നിലവില് ചികിത്സയില് തുടരുന്നത്. 77.65 ശതമാനമാണ് ഇന്ത്യയിലെ കൊവിഡ് രോഗമുക്തി നിരക്ക്. സെപ്തംബര് 10 വരെ രാജ്യത്ത് 5.40 കോടി കൊവിഡ് പരിശോധനകള് നടത്തിയിട്ടുണ്ട്. വ്യാഴാഴ്ച്ച മാത്രം 11,63,542 പേരിലാണ് കൊവിഡ് പരിശോധനകള് നടത്തിയതെന്ന് ഐസിഎംആര് അറിയിച്ചു.
ലോകത്ത് 28316605 പേര്ക്കാണ് കൊവിഡ്.913284 പേര് ഇതുവരേയും കൊവിഡിനെ തുടര്ന്ന് മരണപ്പെട്ടിട്ടുണ്ട്. 20331838 പേരാണ് ഇതുവരേയും കൊവിഡ് മുക്തി നേടിയത്.
ഇന്ത്യക്ക് പുറമേ അമേരിക്കയിലും ബ്രസീലിലുമാണ് ഏറ്റഴും കൂടുതല് പേരില് കൊവിഡ് സ്ഥിരീകരിച്ചത്. എന്നാല് ഇക്കഴിഞ്ഞ 24 മണിക്കൂറിനിടെ ഇന്ത്യയില് ഒരു ലക്ഷത്തിനടുത്ത് കൊവിഡ് കേസുകള് റിപ്പോര്ട്ട് ചെയ്തപ്പോള് ബ്രസീലില് 40431 പേര്ക്കും യുഎസിഎസ്എയില് 38811 പേരിലും മാത്രമാണ് രോഗം സ്ഥിരീകരിച്ചത്. ഈ കണക്കൂകള് ഇന്ത്യയെ സംബന്ധിച്ച് ആശങ്കാജനകമാണ്.
ബ്രസീലില് ഇതുവരേയും 4,239,763 പേര്ക്കും യുഎസ്എയില് 6,588,163 പേര്ക്കുമാണ് ഇതുവരേയും കൊവിഡ് സ്ഥിരീകരിച്ചിരിക്കുന്നത്. ഇക്കഴിഞ്ഞ 24 മണിക്കൂറിനിടെയുണ്ടായ മരണനിരക്കിലും ഇന്ത്യ തന്നെയാണ് മുന്നിട്ട് നില്ക്കുന്നത്. ഇന്ത്യയില് 1213 പേര് കൊവിഡ് രോഗത്തെ തുടര്ന്ന് മരണപ്പെട്ടപ്പോള് അമേരിക്കയില് 1090 പേര്ക്കും ബ്രസീലില് 922 പേര്ക്കുമാണ് ജീവന് നഷ്ടപ്പെട്ടത്.
Click it and Unblock the Notifications
Sign in with Google