രാജ്യത്ത് കൊവിഡ് വാക്സിൻ വിതരണം 155 കോടി കവിഞ്ഞു
ദില്ലി; വ്യാഴാഴ്ച നൽകിയ 73 ലക്ഷത്തിലധികം (73,08,669) ഡോസുള്പ്പെടെ, ഇന്നു രാവിലെ 7 വരെയുള്ള കണക്കനുസരിച്ച് ഇന്ത്യയിലെ കോവിഡ്-19 പ്രതിരോധ കുത്തിവയ്പുകളുടെ എണ്ണം 155.39 കോടി (1,55,39,81,819) പിന്നിട്ടു. 1,66,59,387 സെഷനുകളിലൂടെയാണ് ഈ നേട്ടം കൈവരിച്ചതെന്ന് കേന്ദ്രസർക്കാർ വാർത്താകുറിപ്പിൽ അറിയിച്ചു.
കേന്ദ്ര ഗവണ്മെന്റ് സൗജന്യമായി ലഭ്യമാക്കിയതും സംസ്ഥാനങ്ങള് നേരിട്ട് സംഭരിച്ചതുമുള്പ്പടെ ഇതുവരെ 157.50 കോടിയിലധികം (1,57,50,62,435) വാക്സിന് ഡോസുകള് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും കൈമാറിയിട്ടുണ്ട്. ഉപയോഗിക്കാത്ത 15.17 കോടിയിലധികം (15,17,25,871) വാക്സിന് ഡോസുകള് സംസ്ഥാനങ്ങളുടെ/കേന്ദ്രഭരണപ്രദേശങ്ങളുടെ പക്കല് ഇനിയും ബാക്കിയുണ്ടെന്ന് സർക്കാർ അറിയിച്ചു.
അതേസമയം രാജ്യത്ത് വെള്ളിയാഴ്ച 1,09,345 പേര് സുഖം പ്രാപിച്ചതോടെ രാജ്യത്താകെ ഇതുവരെ കോവിഡ് മുക്തരായവരുടെ എണ്ണം 3,48,24,706 ആയി. ദേശീയ രോഗമുക്തി നിരക്ക് 95.20 % ആണ്. കഴിഞ്ഞ 24 മണിക്കൂറിനുള്ളില് ഇന്ത്യയില് പുതുതായി രോഗം സ്ഥിരീകരിച്ചത് 2,64,202 പേര്ക്കാണ്.
നിലവില് 12,72,073 പേരാണ് ചികിത്സയിലുള്ളത്. നിലവില് ചികിത്സയിലുള്ളത് രാജ്യത്തെ ആകെ രോഗബാധിതരുടെ 3.48 ശതമാനമാണ്. രാജ്യത്തെ പരിശോധനാശേഷി തുടര്ച്ചയായി വര്ധിപ്പിക്കുകയാണ്. കഴിഞ്ഞ 24 മണിക്കൂറിനുള്ളില് 17,87,457 പരിശോധനകള് നടത്തി. ആകെ 69.90 കോടിയിലേറെ (69,90,99,084) പരിശോധനകളാണ് ഇന്ത്യ ഇതുവരെ നടത്തിയത്.
രാജ്യത്തുടനീളം പരിശോധനാശേഷി വര്ദ്ധിപ്പിച്ചപ്പോഴും പ്രതിവാര രോഗസ്ഥിരീകരണ നിരക്ക് 11.83 ശതമാനമാണ്. പ്രതിദിന രോഗസ്ഥിരീകരണ നിരക്ക് 14.78 ശതമാനമാണ്.
Click it and Unblock the Notifications
Sign in with Google