• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പ്രിയാസ് മാസ്‌ക് മലയാളം അടക്കം 3 ഭാഷകളില്‍, കൊവിഡിനെതിരെ വനിതാ സൂപ്പര്‍ ഹീറോയുടെ പോരാട്ടം!!

ചെന്നൈ: ഇന്ത്യയിലെ ആദ്യത്തെ വനിതാ സൂപ്പര്‍ ഹീറോയുടെ കഥ പറയുന്ന പ്രിയാസ് മാസ്‌ക് എന്ന കോമിക് ബുക്കിന്റെ ഓണ്‍ലൈന്‍ പതിപ്പുകള്‍ പുറത്തിറക്കി. ചെന്നൈയിലെ യുഎസ് കോണ്‍സുലേറ്റ് ജനറലാണ് ഇത് പുറത്തിറക്കിയത്. കന്നട, തമിഴ്, മലയാളം പതിപ്പുകളാണ് ഓണ്‍ലൈനില്‍ ലഭ്യമാകുക. ലോകത്താകമാനമുള്ള സ്ത്രീകളുടെ കരുത്തിനെയും മാറ്റത്തെയും സൂചിപ്പിക്കുന്നതാണ് ഈ സൂപ്പര്‍ ഹീറോ കഥാപാത്രം. കൊവിഡിനെ കുറിച്ചുള്ള ഭയവും വ്യാജ വാര്‍ത്തകളെയും നീക്കുന്നതാണ് സൂപ്പര്‍ ഹീറോയുടെ ദൗത്യം.

യുഎസ് ആസ്ഥാനമായ മീഡിയ ഹൗസ് സ്ഥാപകനും ഡോക്യുമെന്ററി സംവിധായകനുമായ രാം ദേവിനേനിയാണ് പ്രിയാസ് മാസ്‌കിന്റെ സംവിധായകന്‍. സുഭാഷ് പ്രകാശാണ് തിരക്കഥ എഴുതിയത്. ഓഗ്മെന്റ് റിയാലിറ്റി കോമിക് ബുക്ക് ആയിട്ടാണ് ഇത് റിലീസ് ചെയ്തിരുന്നത്. അമേരിക്കയിലെയും ഇന്ത്യയിലെയും മികച്ചവര്‍ ആരോഗ്യമേഖലയില്‍ ലോകം നേരിടുന്ന വെല്ലുവിളികളെ നേരിടാനായി ഒന്നിക്കുന്നു എന്നതിന് ഉത്തമ ഉദാഹരണമാണ് ഈ കോമിക് ബുക്കെന്ന് ചെന്നൈയിലെ യുഎസ് കോണ്‍സുലേറ്റ് ജനറലിന്റെ വക്താവ് കോറി ബിക്കല്‍ പറഞ്ഞു.

രാം ദേവിനേനിയുടെ സൂപ്പര്‍ ഹീറോ പുസ്തകം ഇപ്പോള്‍ രക്ഷിതാക്കള്‍ക്കും അധ്യാപകര്‍ക്കും കുട്ടികള്‍ക്കുമായി തമിഴ്, കന്നട, മലയാളം ഭാഷകളില്‍ ലഭ്യമാണ്. കൊവിഡ് വ്യാപനം തടയാനുള്ള പ്രിയയുടെ മിഷനെ കുറിച്ചാണ് പ്രിയാസ് മാസ്‌ക് പറയുന്നത്. കുട്ടികള്‍ നേരിടുന്ന ഏകാന്തതയും ഭയവും ഇതില്‍ പ്രതിപാദിക്കുന്നുണ്ട്. മൂന്ന് ഭാഷകളിലും ഈ സൂപ്പര്‍ ഹീറോ പുസ്തകം സൗജന്യമായി ഡൗണ്‍ലോഡ് ചെയ്യാം. https://www.priyashakti.com/priyas-mask എന്ന വെബ്‌സൈറ്റില്‍ ബുക്ക് ഡൗണ്‍ലോഡ് ചെയ്യാവുന്നതാണ്.

English summary
india's first female super hero book priya's mask now available in 3 languages
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X