Click it and Unblock the Notifications
Just In
Don't Miss
-
IPL 2024: സഞ്ജു കൊള്ളാം, അടുത്ത 6-7 വര്ഷം റോയല്സ് വിലസും! കാരണം നിരത്തി എബിഡി -
മറ്റുള്ളവര്ക്ക് കണ്ടന്റാകുന്ന ജാസ്മിനും ഗബ്രിയും; ഒരു സംഭവം ട്രെന്ഡ് ആകുന്നുണ്ട്, ശ്രദ്ധിച്ചോ? -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി -
ദുല്ഖര് ചിത്രത്തിലെ നായികയാണെങ്കിലും 'സിമ്പിള്' കാര് മതി! ബിഗ് ബോസ് താരത്തെ മനസ്സിലായോ? -
മുടികൊഴിച്ചിലിന് വിട, പോയ മുടി കിളിര്ത്തുവരും; ആഴ്ചയില് രണ്ടുതവണ ഉപയോഗം -
10,000 ശതമാനം ലാഭം നൽകിയ ഓഹരി, 1 ലക്ഷം രൂപ ഇന്ന് 1 കോടിയാണ്, മുന്നേറ്റം തുടരും, കൂടെക്കൂട്ടുന്നോ -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
ചൈനയ്ക്ക് എതിരെ നീക്കം കടുപ്പിച്ച് കേന്ദ്രം, ദേശീയപാത പദ്ധതികളിൽ നിന്നൊഴിവാക്കും
ദില്ലി: ടിക് ടോക് അടക്കമുളള 59 ചൈനീസ് ആപ്പുകള്‍ക്ക് നിരോധനം ഏര്‍പ്പെടുത്തിയതിന് പിന്നാലെ ചൈനയ്ക്ക് എതിരെ കൂടുതല്‍ കടുത്ത നീക്കങ്ങളിലേക്ക് കേന്ദ്ര സര്‍ക്കാര്‍. ദേശീയപാതാ വികസന പദ്ധതികളില്‍ നിന്നും ചൈനീസ് കമ്പനികളെ ഒഴിവാക്കുമെന്ന് കേന്ദ്ര ഉപരിതല ഗതാഗത വകുപ്പ് മന്ത്രി നിതിന്‍ ഗഡ്കരി വ്യക്തമാക്കി. മാത്രമല്ല ചെറുകിട, ഇടത്തരം വ്യവസായ സംരഭങ്ങളില്‍ നിക്ഷേപം നടത്താനും ഇനി ചൈനീസ് കമ്പനികളെ അനുവദിക്കില്ലെന്നും മന്ത്രി പറഞ്ഞു.
സംയുക്ത സംരഭങ്ങളിലും ഇനി ചൈനീസ് കമ്പനികളെ പങ്കാളികളാക്കില്ല എന്നതാണ് കേന്ദ്ര സര്‍ക്കാര്‍ തീരുമാനം. 20 ഇന്ത്യന്‍ സൈനികര്‍ വീരമൃത്യു വരിച്ച അതിര്‍ത്തി സംഘര്‍ഷത്തിന് ശേഷമാണ് ചൈനയ്ക്ക് എതിരെ കേന്ദ്ര സര്‍ക്കാര്‍ നടപടികള്‍ ശക്തമാക്കുന്നത്. ദേശീയപതാ പദ്ധതികളുടെ ഭാഗമാകുന്നത് ഇന്ത്യന്‍ കമ്പനികള്‍ക്ക് അവസരമൊരുക്കുന്ന തരത്തില്‍ സര്‍ക്കാര്‍ പുതിയ മാര്‍ഗനിര്‍ദേശം രൂപീകരിക്കും.
Recommended Video
നിലവില്‍ ചില പദ്ധതികള്‍ രാജ്യത്ത് ചൈനീസ് പങ്കാളിത്തത്തോട് കൂടി പുരോഗമിക്കുന്നുണ്ട്. പുതിയ തീരുമാനം ഈ പദ്ധതികളെ ബാധിച്ചേക്കില്ല. അതേസമയം ഇനിയങ്ങോട്ട് ചൈനീസ് പങ്കാളിത്തം വേണ്ടെന്ന് നിതിന്‍ ഗഡ്കരി വ്യക്തമാക്കി. സാങ്കേതിക രംഗത്തും മറ്റും വിദേശ സഹായം തേടേണ്ടി വന്നാലും അത് ചൈനീസ് കമ്പനികളില്‍ നിന്നാകില്ലെന്നും നിതിന്‍ ഗഡ്കരി പറഞ്ഞു. ചൈനയില്‍ നിന്നുളള ഇറക്കുമതി നിരുത്സാഹപ്പെടുത്തുമെന്നും രാജ്യം സ്വയംപര്യാപ്തതയിലേക്ക് കുതിക്കുമെന്നും മന്ത്രി ചൂണ്ടിക്കാട്ടി.
അതിനിടെ അതിര്‍ത്തിയിലെ സംഘര്‍ഷ മേഖലകളില്‍ നിന്നും സൈന്യത്തെ പിന്‍വലിക്കുന്നത് സംബന്ധിച്ച് ഇരുരാജ്യങ്ങളും തമ്മില്‍ ധാരണയില്‍ എത്തിയതായി റിപ്പോര്‍ട്ടുകളുണ്ട്. ഘട്ടംഘട്ടമായി സൈന്യത്തെ പിന്‍വലിക്കാനാണ് ധാരണ. ഇന്ത്യയുടേയും ചൈനയുടേയും കമാന്‍ഡര്‍ തലത്തിലുളള സേനാ പ്രതിനിധികള്‍ തമ്മില്‍ നടത്തിയ ചര്‍ച്ചയില്‍ ആണ് ധാരണയായിരിക്കുന്നത്. അതേസമയം ഇത് സംബന്ധിച്ച് ഇരുരാജ്യങ്ങളും ഔദ്യോഗിക സ്ഥിരീകരണം പുറത്ത് വിട്ടിട്ടില്ല.
