ദില്ലി ഫലം കൃത്യമായി പ്രവചിച്ചത് ഒരേയൊരു സര്വേ... ഹരിയാനയ്ക്കും ജാര്ഖണ്ഡിനും പിന്നാലെ നേട്ടം!!
ദില്ലി: ആംആദ്മി പാര്ട്ടി ദില്ലിയില് വമ്പന് ജയം നേടിയതോടെ ഒരിക്കല് കൂടി എക്സിറ്റ് പോളുകള് വാര്ത്തയായിരിക്കുകയാണ്. എല്ലാവരും അരവിന്ദ് കെജ്രിവാൡന്റെയും എഎപിയുടെയും ജയം പ്രവചിച്ചിരുന്നു. എന്നാല് സീറ്റുകളിലെ കൃത്യത ഇന്ത്യാ ടുഡേ-ആക്സിസ് മൈ ഇന്ത്യ സര്വേക്ക് മാത്രമാണ് അവകാശപ്പെടാനാവുക. 59 മുതല് 68 സീറ്റുകള് വരെ എഎപി നേടുമെന്നായിരുന്നു പ്രവചനം. 62 സീറ്റ് നേടിയാണ് എഎപി അധികാരം നിലനിര്ത്തിയത്. ഏറ്റവും കൃത്യമായ പ്രവചനമാണിത്.
അതേസമയം ഇന്ത്യാ ടുഡേയ്ക്ക് വിജയം തുടര്ക്കഥയാണ്. മാസങ്ങള്ക്ക് മുമ്പ് കഴിഞ്ഞ ഹരിയാന, ജാര്ഖണ്ഡ്, തിരഞ്ഞെടുപ്പിലും കൃത്യമായ പ്രവചനം ഇന്ത്യാ ടുഡേ നടത്തിയിരുന്നു. ഹരിയാനയില് ആര്ക്കും ഭൂരിപക്ഷം ലഭിക്കില്ലെന്നായിരുന്നു പ്രവചനം. അതേസമയം കോണ്ഗ്രസിന് 30 മുതല് 42 സീറ്റ് വരെ ലഭിക്കുമെന്നായിരുന്നു പ്രവചനം. കോണ്ഗ്രസിന് 31 സീറ്റാണ് ലഭിച്ചത്. ഹരിയാനയില് ഇഞ്ചോടിഞ്ച് പോരാട്ടം നടക്കുമെന്നും ഇന്ത്യാ ടുഡേ പ്രവചിച്ചിരുന്നു.
ജാര്ഖണ്ഡില് 38 സീറ്റ് മുതല് 50 സീറ്റ് വരെ നേടുമെന്നായിരുന്നു പ്രവചനം. ജെഎംഎം കോണ്ഗ്രസ് സഖ്യത്തിന് കൃത്യം 50 സീറ്റ് വരെ ലഭിക്കുകയും ചെയ്തു. വേറൊരു സര്വേയും ഇത്ര കൃത്യമായി സീറ്റ് നില പ്രവചിച്ചിട്ടില്ല. ബിജെപി സഖ്യത്തിന് 22 മുതല് 32 സീറ്റായിരുന്നു പ്രവചിച്ചത്. ഇതും കൃത്യമായി തന്നെ വന്നു. സഖ്യം 30 സീറ്റാണ് നേടിയത്. പ്രവചനത്തിലെ ആധികാരികതയാണ് ഈ സര്വേകളിലെ ഞെട്ടിപ്പിക്കുന്ന സാദൃശ്യം.
നേരത്തെ ദില്ലിയില് എഎപിക്ക് ഭൂരിപക്ഷം ലഭിക്കുമെന്ന് ഭൂരിഭാഗം സര്വേകളും അവകാശപ്പെട്ടിരുന്നു. 62 സീറ്റുകളില് വിജയിച്ച എഎപി അടുത്ത ദിവസം തന്നെ സര്ക്കാരുണ്ടാക്കും. എന്നാല് ബിജെപിക്ക് വെറും 8 സീറ്റുകളാണ് നേടാനായത്. കോണ്ഗ്രസ് ഇത്തവണയും അക്കൗണ്ട് തുറന്നില്ല. അതേസമയം തോല്വിയില് ബിജെപിയിലും കോണ്ഗ്രസിലും വലിയ പ്രശ്നങ്ങള് ആരംഭിച്ചിട്ടുണ്ട്.