Click it and Unblock the Notifications
Just In
Don't Miss
-
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല' -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സര്‍ക്കാര്‍ ഇടപെട്ടു; ഏകദിന മല്‍സരം തിരുവനന്തപുരത്ത്, കൊച്ചിയില്‍ ക്രിക്കറ്റിന് പുതിയ സ്റ്റേഡിയം
Recommended Video
കൊച്ചി: ഇന്ത്യ-വെസ്റ്റ് ഇന്‍ഡീസ് ക്രിക്കറ്റ് മല്‍സരം തിരുവനന്തപുരം കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ നടത്താന്‍ തീരുമാനം. കായിക മന്ത്രി എസി മൊയ്തീന്‍ കെസിഎ ഭാരവാഹികളുമായി നടത്തിയ ചര്‍ച്ചയിലാണ് ധാരണ. ശനിയാഴ്ച കെസിഎ യോഗം ചേര്‍ന്ന് ഇക്കാര്യത്തില്‍ അന്തിമ തീരുമാനം കൈക്കൊള്ളുമെന്ന് കെസിഎ സെക്രട്ടറി ജയേഷ് ജോര്‍ജ് പറഞ്ഞു.
കൊച്ചിയില്‍ മല്‍സരം നടത്താനൊരുങ്ങിയത് വന്‍ വിവാദമായിരുന്നു. കൊച്ചിയില്‍ ഫുട്‌ബോള്‍ മല്‍സരം മതിയെന്നാണ് സച്ചിന് ടെണ്ടുല്‍ക്കര്‍ നിലപാട് സ്വീകരിച്ചത്. എന്നാല്‍ കേരളാ ബ്ലാസ്റ്റേഴ്‌സ് ഉടമയായതു കൊണ്ടാണ് സച്ചിന് അങ്ങനെ പറയുന്നതെന്ന് ജയേഷ് ജോര്‍ജ് പറഞ്ഞു.
സച്ചിന്റെ നിലപാട് കൂടി വന്നതോടെയാണ് കെസിഎ ഭാരവാഹികള്‍ ശക്തമായ വാദവുമായി രംഗത്തെത്തിയത്. തുടര്‍ന്ന് പ്രശ്‌നത്തില്‍ സര്‍ക്കാര്‍ ഇടപെടുകയായിരുന്നു. ക്രിക്കറ്റ് മല്‍സരം തിരുവനന്തപുരത്ത് നടത്താമെന്ന് സര്‍ക്കാര്‍ നിര്‍ദേശിച്ചു. ഇക്കാര്യം കെസിഎ ഭാരവാഹികള്‍ സമ്മതിക്കുകയായിരുന്നു.
ക്രിക്കറ്റ് മല്‍സരങ്ങള്‍ക്ക് വേണ്ടി കൊച്ചിയില്‍ പുതിയ സ്റ്റേഡിയം വരുമെന്ന് സര്‍ക്കാര്‍ ഉറപ്പ് നല്‍കിയിട്ടുണ്ട്. കൊച്ചിയില്‍ ക്രിക്കറ്റ് മല്‍സരങ്ങള്‍ക്ക് വേണ്ടി മാത്രം സ്റ്റേഡിയം വേണമെന്ന് കെസിഎ നേരത്തെ ആവശ്യപ്പെട്ടിരുന്നു. ഈ ആവശ്യമാണിപ്പോള്‍ സര്‍ക്കാര്‍ അംഗീകരിച്ചിട്ടുള്ളത്.
സച്ചിനെതിരെ കെസിഎ ഭാരവാഹികള്‍ രൂക്ഷമായയ പ്രതികരണം നടത്തി. കേരളാ ബ്ലാസ്റ്റേഴ്‌സ് ഉടമയാണ് സച്ചിന്. അതുകൊണ്ടാണ് കൊച്ചിയില്‍ ക്രിക്കറ്റ് നടത്തരുതെന്ന് അദ്ദേഹം വാദിക്കുന്നത്. സച്ചിന് വിക്കറ്റ് തയ്യാറാക്കാന്‍ അറിയില്ല. വിക്കറ്റ് പൊളിക്കുക എന്ന് പറഞ്ഞാല്‍ കെട്ടിടം പൊളിക്കുന്ന പോലെ അല്ലെന്നും ജയേഷ് ജോര്‍ജ് പറഞ്ഞു.
മന്ത്രിയുടെ അഭ്യര്‍ഥന മാനിച്ചാണ് പുതിയ തീരുമാനമുണ്ടായിരിക്കുന്നത്. എന്നാല്‍ അത് താല്‍ക്കാലികമാണെന്നും കൊച്ചിയില്‍ ഇനിയും മല്‍സരം നടത്തുമെന്നും കെസിഎ അറിയിച്ചു. നവംബര്‍ ഒന്നിനാണ് ഇന്ത്യ-വെസ്റ്റ് ഇന്‍ഡീസ് മല്‍സരം.
