ഋഷഭ് പന്തിന്റെ പാസ്റ്റിക് സര്ജറി കഴിഞ്ഞു; എംആര്ഐ ഫലം പുറത്ത്
ന്യൂദല്ഹി: വാഹനാപകടത്തില് പരിക്കേറ്റ ഇന്ത്യന് വിക്കറ്റ് കീപ്പര് ബാറ്റ്സ്മാന് ഋഷഭ് പന്തിന്റെ പരിശോധനാഫലങ്ങള് പുറത്ത്. വെള്ളിയാഴ്ച രാവിലെ ആണ് ഋഷഭ് പന്തിന് കാറപകടത്തില് ഗുരുതര പരിക്കേറ്റത്. ഋഷഭ് പന്ത് സഞ്ചരിച്ച ബി എം ഡബ്ല്യു കാര് ഡിവൈഡറിലിടിച്ച് മറിയുകയും തീ പിടിക്കുകയുമായിരുന്നു. നിലവില് ഋഷഭ് പന്തിന്റെ ആരോഗ്യനിലയില് പേടിക്കേണ്ട സാഹചര്യമില്ല എന്നാണ് മെഡിക്കല് ബുള്ളറ്റിന് പറയുന്നത്.
കഴിഞ്ഞ ദിവസം ഋഷഭ് പന്തിന്റെ തലച്ചോറിന്റെയും നട്ടെല്ലിന്റെയും എം ആര് ഐ പരിശോധന നടത്തിയിരുന്നു. ഇത് പ്രകാരം ശരീരത്തിന്റെ പ്രവര്ത്തനം സാധാരണ നിലയിലാണ് എന്നാണ് റിപ്പോര്ട്ട്. മുഖത്തെ മുറിവുകള്, ഉരച്ചിലുകള് എന്നിവയ്ക്ക് പ്ലാസ്റ്റിക് സര്ജറി നടത്തിയ ഋഷഭ് പന്ത് ശനിയാഴ്ച കണങ്കാലിലും കാല്മുട്ടിലും എം ആര് ഐ ചെയ്യും. മാരകമായ അപകടത്തില് നിന്ന് തലനാരിഴക്കാണ് ഋഷഭ് പന്ത് രക്ഷപ്പെട്ടത്.
കാര് റോഡ് ബാരിയറില് ഇടിച്ച് തീപിടിക്കുകയായിരുന്നു. കൂട്ടിയിടിയുടെ ശക്തിയില് ഡിവൈഡറില് ഇടിച്ച് മിനിറ്റുകള്ക്കകം പന്തിന്റെ കാര് കത്തിനശിച്ചു. പരിക്കേറ്റ ഋഷഭ് പന്ത് കാറിന്റെ ചില്ലുകള് തകര്ത്താണ് രക്ഷപ്പെട്ടത്. ഋഷഭ് പന്തിന്റെ നെറ്റിയില് രണ്ട് മുറിവുകളും വലത് കാല്മുട്ടില് ലിഗമെന്റിന് പൊട്ടലും വലത് കൈത്തണ്ടയ്ക്കും കണങ്കാലിനും കാല്വിരലിനും പരിക്കും ആണ് ഉള്ളത്.
മുതുകില് പൊള്ളലേറ്റ പരിക്കുകളുണ്ടെന്ന് ബി സി സി ഐ വെള്ളിയാഴ്ച പുറത്തിറക്കിയ പ്രസ്താവനയില് പറഞ്ഞു. നിലവില് ഋഷഭ് പന്തിനെ ഡെറാഡൂണിലെ മാക്സ് ഹോസ്പിറ്റലിലേക്ക് മാറ്റിയിരിക്കുകയാണ്. ഇന്ത്യന് ക്രിക്കറ്റ് ബോര്ഡ് പന്തിന്റെ കുടുംബവുമായി നിരന്തരം ബന്ധപ്പെടുന്നുണ്ട്. ഋഷഭ് പന്തിന്റെ ആരോഗ്യനില തൃപ്തികരമാണെന്ന് മാക്സ് ഹോസ്പിറ്റല് മെഡിക്കല് സൂപ്രണ്ട് ഡോ. ആശിഷ് യാഗ്നിക് പറഞ്ഞു.
ഋഷഭ് പന്തിന്റെ ചികിത്സാ ചെലവ് പൂര്ണമായും സംസ്ഥാന സര്ക്കാര് വഹിക്കുമെന്ന് ഉത്തരാഖണ്ഡ് മുഖ്യമന്ത്രി പുഷ്കര് സിങ് ധാമി പറഞ്ഞു. ഡല്ഹി-ഡെറാഡൂണ് ഹൈവേയില് ഡെറാണില് നിന്ന് 90 കിലോമീറ്റര് അകലെ നര്സനില് വെച്ച് വെള്ളിയാഴ്ച പുലര്ച്ചെയായിരുന്നു ഋഷഭ് പന്തിന്റെ കാര് അപകടത്തില്പ്പെട്ടത്. മാതാപിതാക്കളെ കാണുന്നതിനായി സ്വയം വാഹനമോടിച്ച് വരികയായിരുന്നു ഋഷഭ് പന്ത്.
മെഴ്സിഡസിന്റെ ജി എല് ഇ ബെന്സ് കാറായിരുന്നു ഋഷഭ് പന്ത് ഉപയോഗിച്ചത്. വെള്ളിയാഴ്ച പുലര്ച്ചെ ഏകദേശം 5.30 ഓടെയാണ് അപകടമുണ്ടാകുന്നത്. ഡിവൈഡറിലിടിച്ച വാഹനം പെട്ടെന്ന് കത്തുകയായിരുന്നു. അതുവഴി പോയ ലോറി ഡ്രൈവറും ശബ്ദം കേട്ട് ഒാടിയെത്തിയവരും ആണ് രക്ഷാപ്രവര്ത്തനം നടത്തിയത്. ഡ്രൈവിംഗിനിടെ ഉറങ്ങിപ്പോയതാണ് അപകടത്തിന് കാരണമായത് എന്നാണ് റിപ്പോര്ട്ട്.
-
വിജയ് ദേവരകൊണ്ടയ്ക്കൊപ്പം അഭിനയിക്കുന്നതില് വീട്ടുകാരുമായി വഴക്ക്; തുറന്ന് പറഞ്ഞ് രശ്മിക -
എണ്ണവില 150 ഡോളര് കടക്കുമോ? എങ്കില് പിന്നെ സ്വര്ണം വാങ്ങിവെച്ചവരെ കാത്തിരിക്കുന്നത് വന് നഷ്ടം! -
"സീറ്റ് പോയോ സരിൻ?" സ്ഥാനാർത്ഥി പട്ടിക വന്നതിന് പിന്നാലെ പി സരിന് ട്രോൾ മഴ -
ദിലീപ് ആണ് ആള്, പണികൊടുത്തിരിക്കും എന്ന് അറിയാം';ദിലീപ്-വിനയൻ വീഡിയോ വൈറൽ..കമൻ്റുകൾ -
മമ്മൂട്ടി ദുഷ്ടനല്ല, അങ്ങോട്ട് പേടിപ്പിച്ചാൽ പേടിക്കും..ഇതൊക്കെ നമ്മൾ അനുഭവിച്ചതാണ്': ഗണേഷ് കുമാർ -
ഓവര് ക്യൂട്ട്നെസ് വാരിവിതറാന് അറിയില്ല; അനുമോള്ക്കിട്ട് 'കുത്തി' അനീഷ്: റിലേഷന്ഷിപ്പ് സ്റ്റാറ്റസ് ഇങ്ങനെ -
സര്ക്കാര് ജീവനക്കാരേക്കാള് അധികശമ്പളം കെഎസ്ഇബി ജീവനക്കാര്ക്ക് നല്കേണ്ടതില്ല: സംസ്ഥാന സര്ക്കാര് -
'പാവം' ഗുണ്ടകൾക്ക് പോലും ഈ നാട്ടിൽ ജീവിക്കാൻ പറ്റാത്ത അവസ്ഥ ആയി, അനുഭവിച്ചേ പോകൂ; സന്തോഷ് പണ്ഡിറ്റ് -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
തനിച്ച് മല്സരിക്കും എന്ന് എസ്ഡിപിഐ; 111 മണ്ഡലങ്ങളില് സ്ഥാനാര്ഥികളായി, 'ബിജെപിയെ ഒറ്റപ്പെടുത്തണം' -
കൈനിറയെ പണം ലഭിക്കും... പലവഴിക്ക് ആസ്തി കൂടും; മഹാലക്ഷ്മിയുടെ അനുഗ്രഹത്തില് രാജയോഗം -
പ്രവാസികൾക്ക് വൻ തിരിച്ചടി; യുഎഇയിലേക്കുള്ള സർവീസുകൾ വെട്ടിച്ചുരുക്കി ഇന്ത്യൻ വിമാന കമ്പനികൾ
Click it and Unblock the Notifications
Sign in with Google