Click it and Unblock the Notifications
Just In
Don't Miss
-
ഒരുപാട് ഇടങ്ങളിൽ പോകേണ്ടതല്ലേ ഇത് ഇരിക്കട്ടെ! വരിക്കാർക്ക് എക്സ്ട്രാ ഡാറ്റ നൽകുന്ന 4 ജിയോ പ്ലാനുകൾ -
സമ്പത്ത് ഉണ്ടാക്കാന് ഇന്ന് തന്നെ ആരംഭിക്കാവുന്ന നല്ല ശീലങ്ങള് -
IPL 2024: 3ല് രണ്ടും ഡെക്ക്, സൂര്യയെ എങ്ങനെ വിശ്വസിക്കും? ലോകകപ്പില് പകരം സഞ്ജു മതി -
അൻസിബയുടെയും റിഷിയുടെയും പേര് പറഞ്ഞില്ല..., റോക്കിയുടെ ഉറ്റ സുഹൃത്തായിരുന്നിട്ടും അനുവിന് ജാസ്മിനോടാണ് ഇഷ്ടം! -
ഇപ്പോൾ കുറഞ്ഞ വിലയിൽ വാങ്ങാം, ഭാവിയിൽ വില കൂടും, ചരിത്രം അതാണ്, നേട്ടമുണ്ടാക്കാൻ തയ്യാറാണോ..? -
മംഗളാദേവി ക്ഷേത്രം ചിത്ര പൗർണമി 23 ന്, രാവിലെ ആറുമുതൽ പ്രവേശനം, അറിയേണ്ടതെല്ലാം -
വെറും നാല് കാറുകളെ വെച്ച് കിയ നേടുന്നത് എജ്ജാതി കച്ചോടം! ആ ക്ലാവിസ് കൂടിയിങ്ങ് വന്നോട്ടെ
ജിഡിപി ഇടിഞ്ഞ് തകരുന്നു; ഇന്ത്യയുടെ റേറ്റിങ് കുറച്ചു, ആറു വര്‍ഷത്തിന് ശേഷം ആദ്യം
ദില്ലി: 2019 ഇന്ത്യന്‍ സാമ്പത്തിക രംഗത്തിന് തിരിച്ചടിയുടെ വര്‍ഷമാണ്. സാമ്പത്തിക മേഖലയിലെ മന്ദഗതി, കമ്പനികളിലെ തൊഴില്‍ നഷ്ടം, രൂപയുടെ മൂല്യമിടിവ് തുടങ്ങി തുടര്‍ച്ചയായ തിരിച്ചടികളാണ് സമ്പദ് മേഖലയില്‍ നേരിടുന്നത്. ഈ വര്‍ഷം രണ്ടാം പകുതിയില്‍ മൊത്തം ആഭ്യന്തര ഉല്‍പ്പാദനത്തില്‍ കനത്ത ഇടിവാണ് രേഖപ്പെടുത്തിയിരിക്കുന്നത്. ആറ് വര്‍ഷത്തിനിടെ ഇത്രയും ഇടിവ് രേഖപ്പെടുത്തുന്നത് ആദ്യമാണ്.
സെന്‍ട്രല്‍ സ്റ്റാറ്റിറ്റിക്‌സ് ഓഫീസ് (സിഎസ്ഒ) പുറത്തുവിട്ട കണക്കു പ്രകാരം ജൂലൈ മുതല്‍ സപ്തംബര്‍ വരെയുള്ള കാലയളവില്‍ ജിഡിപി 4.5 ശതമാനമായി കുറഞ്ഞു. 2012-13ന് ശേഷം ആദ്യമായിട്ടാണ് ഇത്രയും ഇടിവുണ്ടാകുന്നത്. കഴിഞ്ഞ ആറ് പാദവാര്‍ഷികങ്ങളായി ഇന്ത്യയുടെ ജിഡിപി കുറഞ്ഞുവരികയാണ്. നടപ്പ് സാമ്പത്തിക വര്‍ഷം ഇന്ത്യന്‍ ജിഡിപിയില്‍ ഈ വര്‍ഷം ആദ്യം പ്രഖ്യാപിച്ചതിനേക്കാള്‍ 1.5 ശതമാനത്തിന്റെ കുറവുണ്ടായി എന്നാണ് ഇന്ത്യ ടുഡെയുട ഡാറ്റ ഇന്റലിജന്‍സ് യൂണിറ്റ് പറയുന്നത്.
എട്ട് ധനകാര്യ സ്ഥാപനങ്ങളും റേറ്റിങ് ഏജന്‍സികളും ഇന്ത്യയുടെ ജിഡിപിയില്‍ ഈ വര്‍ഷം ആദ്യത്തില്‍ പ്രഖ്യാപിച്ച പ്രതീക്ഷാ വളര്‍ച്ചാ നിരക്കുമായി താരതമ്യം ചെയ്താണ് ഡിഐയു പരിശോധന നടത്തിയത്. റിസര്‍വ് ബാങ്ക്, എസ്ബിഐ, ലോക ബാങ്ക്, എഡിബി, ഐഎംഎഫ്, ക്രെഡിറ്റ് റേറ്റിങ് ഏജന്‍സികളായ ക്രിസില്‍, മൂഡിസ്, കെയര്‍ റേറ്റിങ് തുടങ്ങിയവരുടെ കണക്കുകളാണ് ഡിഐയു താരതമ്യം ചെയ്തത്.
2018നേക്കാള്‍ ഉയര്‍ന്ന വളര്‍ച്ച ഈ വര്‍ഷമുണ്ടാകുമെന്ന് എട്ട് സ്ഥാപനങ്ങളും വിലയിരുത്തിയിരുന്നു. എന്നാല്‍ മറിച്ചാണ് സംഭവിച്ചത്. ജനുവരി മുതല്‍ ഏപ്രില്‍ വരെയുള്ള കാലയളവില്‍ 7.3 ശതമാനം ജിഡിപി വളര്‍ച്ചയാണ് പ്രതീക്ഷിച്ചിരുന്നത്. വര്‍ഷാവസാനം 5.8 ശതമാനമായി കുറയുകയാണ് ചെയ്തത്. അതായത് പ്രതീക്ഷിച്ച വളര്‍ച്ചയില്‍ നിന്നും 1.5 ശതമാനത്തിന്റെ കുറവ് വന്നിരിക്കുന്നു. ഇന്ത്യ സാമ്പത്തിക ഞെരുക്കത്തിലേക്ക് പോകുകയാണെന്ന് നിരീക്ഷകര്‍ വിലയിരുത്തുന്നു. എന്നാല്‍ ഇന്ത്യന്‍ സാമ്പത്തിക മേഖലയ്ക്ക് യാതൊരു കുഴപ്പവുമില്ലെന്നാണ് ധനമന്ത്രി നിര്‍മല സീതാരാമന്‍ പ്രതികരിച്ചത്.
