നവ വധുമാര്‍ക്ക് മന്ത്രിയുടെ കിടിലന്‍ സമ്മാനം!! നാലുകാലില്‍ വരുന്ന ഭര്‍ത്താവിനെ നേരിടാനത്രേ!!

ഭര്‍ത്താക്കന്മാര്‍ മദ്യപാനത്തിലേക്ക് കടക്കുകയോ ഭാര്യമാരെ ഉപദ്രവിക്കുകയോ ഭാര്യ പറയുന്നത് അനുസരിക്കാതിരിക്കുകയോ ചെയ്താല്‍ ഭര്‍ത്താക്കന്മാര്‍ക്കെതിരെ ബാറ്റ് ആയുധമാക്കാമെന്നാണ് മന്ത്രി പറയുന്നത്.

ഭോപ്പാല്‍: നവ വധുമാര്‍ക്ക് ബാറ്റ് സമ്മാനിച്ച് മന്ത്രി. മധ്യപ്രദേശ് ഗ്രാമ വികസന വകുപ്പ് മന്ത്രി ഗോപാല്‍ ഭാര്‍ഗവയാണ് 700 നവ വധുമാര്‍ക്ക് തടികൊണ്ടുള്ള ബാറ്റ് സമ്മാനമായി നല്‍കിയത്. ബാറ്റ് ഭര്‍ത്താക്കന്മാര്‍ക്കെതിരെ ആയുധമാക്കാനാണ് മന്ത്രി പറയുന്നത്.

ഭര്‍ത്താക്കന്മാര്‍ മദ്യപാനത്തിലേക്ക് കടക്കുകയോ ഭാര്യമാരെ ഉപദ്രവിക്കുകയോ ഭാര്യ പറയുന്നത് അനുസരിക്കാതിരിക്കുകയോ ചെയ്താല്‍ ഭര്‍ത്താക്കന്മാര്‍ക്കെതിരെ ബാറ്റ് ആയുധമാക്കാമെന്നാണ് മന്ത്രി പറയുന്നത്.

ഗാര്‍ഹകോട്ട ഗ്രാമത്തില്‍ സര്‍ക്കാര്‍ നടത്തിയ സമൂഹ വിവാഹത്തിലാണ് മന്ത്രി ബാറ്റ് സമ്മാനിച്ചത്. മദ്യപിച്ചെത്തുന്നവരെ തല്ലാനാണെന്നും പോലീസ് ഇടപെടരുതെന്നും നീളമുള്ള ബാറ്റില്‍ എഴുതിയിട്ടുണ്ട്. ആദ്യം ഭര്‍ത്താവിനോട് പറഞ്ഞു നോക്കണമെന്നും എന്നാല്‍ കേള്‍ക്കാന്‍ തയ്യാറാകാതെ വന്നാല്‍ പിന്നെ ബാറ്റ് സംസാരിക്കട്ടെ എന്നും മന്ത്രി പറയുന്നു.

ഗ്രാമത്തിലെ സത്രീകള്‍ മദ്യപിച്ചെത്തുന്ന ഭര്‍ത്താക്കന്മാരില്‍ നിന്ന് മര്‍ദനം നേരിടുന്നുണ്ടെന്നും ഇതിന് ശ്രദ്ധ ലഭിക്കുന്നതിനാണ് ഇങ്ങനെ ചെയ്തതെന്നുമാണ് മന്ത്രി പറയുന്നത്. സ്ത്രീകളെ പ്രകോപിക്കാനോ അക്രമത്തിന് പ്രരിപ്പിക്കാനോ അല്ല ഇത് ചെയ്തതെന്നും എന്നാല്‍ അക്രമം തടയുന്നതിനാണ് ഇതെന്നാണ് മന്ത്രി പറയുന്നത്.

English summary

A minister in central India gave an unusual wedding gift to nearly 700 newly-wed brides -- a wooden bat.