Click it and Unblock the Notifications
Just In
Don't Miss
-
ഡാഷ്ക്യാം വാങ്ങാൻ ഉദ്ദേശിക്കുന്നുണ്ടോ, എൻട്രി ലെവൽ മോഡലുമായി സേഫ് ക്യാം -
സൗന്ദര്യയുടെ മരണ ശേഷം സ്വത്തുക്കൾക്ക് എന്ത് സംഭവിച്ചു; കോടികളുടെ സ്വത്തിൽ അവകാശം പറഞ്ഞ് വന്നവർ -
T20 World Cup: ലോകകപ്പില് രോഹിത്തും കോലിയും ഓപ്പണ് ചെയ്യണം; ഇന്ത്യയ്ക്ക് തന്ത്രമോതി ഇതിഹാസ താരം -
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
യാത്രക്കാര്‍ക്ക് ആശ്വാസം; രാജ്യത്തെ എല്ലാ റെയില്‍വെ സ്റ്റേഷനുകളിലും ഇനി വൈഫൈ
ദില്ലി: രാജ്യത്തെ എല്ലാ റെയില്‍വെ സ്റ്റേഷനുകളിലും വൈഫൈ സൗകര്യം ഏര്‍പ്പെടുത്താന്‍ റെയില്‍വെയുടെ തീരുമാനം. ഏതാണ്ട് 8,500 റെയില്‍വെ സ്റ്റേഷനുകളിലാണ് വൈഫൈ സൗകര്യമൊരുക്കുക. ഗ്രാമീണ മേഖലയിലുള്‍പ്പെടെ വൈഫൈ സൗകര്യം ഒരുക്കാന്‍ 700 കോടി രൂപയാണ് റെയില്‍വെ മന്ത്രാലയം ചെലവിടുന്നത്.
ഡിജിറ്റല്‍ ഇന്ത്യ യാഥാര്‍ഥ്യമാക്കുന്നതിന്റെ ഭാഗമായാണ് നടപടി. നിലവില്‍ 216 സ്റ്റേഷനുകളില് വൈഫൈ സൗകര്യമുണ്ട്. ഏതാണ്ട് 7 മില്യണ്‍ യാത്രക്കാര്‍ ഈ സൗകര്യം ഉപയോഗിക്കുകയും ചെയ്യുന്നു. എല്ലാ സ്റ്റേഷനുകളിലും വൈഫൈ വരുന്നതോടെ റെയില്‍ യാത്രക്കാരുടെ എണ്ണത്തിലും ഗണ്യമായ വര്‍ധനയുണ്ടായേക്കും.
ഇന്റര്‍നെറ്റ് ഇപ്പോഴത്തെ ലോകത്ത് ഒഴിച്ചുകൂടാകാത്ത സംഗതിയാണെന്ന് റെയില്‍വെ വക്താവ് പറഞ്ഞു. ഓരോ ദിവസവും ഇന്റര്‍നെറ്റിന്റെ ഉപയോഗം വര്‍ധിച്ചുവരികയാണ്. യാത്രാ വേളയില്‍ ഈ സൗകര്യം ലഭിക്കുന്നത് യാത്രക്കാര്‍ക്ക് വലിയ ആശ്വാസമാകും. റെയില്‍വെയുടെ നീക്കം രാജ്യത്തെ ഡിജിറ്റല്‍ യുഗത്തിലേക്ക് നയിക്കാനുള്ള പ്രയാണത്തിന് ആക്കം കൂട്ടുമെന്നും അദ്ദേഹം പറഞ്ഞു.
2018 മാര്‍ച്ച് മാസത്തോടെ 600 സ്റ്റേഷനുകളില് വൈഫൈ എത്തും. 2019 മാര്‍ച്ചോടെ 8,500 സ്റ്റേഷനുകളിലും വൈഫൈ എത്തിക്കാനാണ് പദ്ധതി തയ്യാറാക്കിയിരിക്കുന്നത്. ഗ്രാമീണ മേഖലയെ കൂടി പദ്ധതിയുടെ ഭാഗമാക്കുന്നതോടെ സാധാരണക്കാര്‍ക്കും ഇന്റര്‍നെറ്റ് പ്രാപ്യമാകുമെന്നാണ് റെയില്‍വേയുടെ കണക്കുകൂട്ടല്‍.
