ഇന്ത്യയുടെ ആദിത്യ എൽ-1; എന്താണ് യഥാർത്ഥ മിഷൻ? ലക്ഷ്യം എന്ത്? അറിയാം
ഇന്ത്യയുടെ ആദ്യ സോളാർ ദൗത്യമായ ആദിത്യ എൽ 1 സപ്റ്റംബർ 2ന് വിക്ഷേപിക്കാനുള്ള തയ്യാറെടുപ്പിലാണ് ഐഎസ്ആർഒ. സൂര്യനെയും ബാഹ്യവലയങ്ങളെയും കുറിച്ചുള്ള പഠനമാണ് ദൗത്യത്തിലൂടെ ഇസ്റോ ലക്ഷ്യമിടുന്നത്. മാത്രമല്ല കൊറോണൽ താപനം, മാസ് ഇജക്ഷൻ, ബഹിരാകാശ കാലാവസ്ഥ എന്നീ കാര്യങ്ങളും ദൗത്യം നിരീക്ഷിക്കും.
ഭൂമിയില്നിന്ന് ഏകദേശം 15 ലക്ഷം കിലോ മീറ്റര് അകലെയുള്ള എല്-1 (ലാഗോൻഷ് പോയന്റ്-1) പോയിന്റിന് ചുറ്റുമുള്ള ഭ്രമണപഥത്തിലാണ് എൽ 1 എത്തുക. ഗ്രഹണങ്ങളോ നിഗൂഢതകളോ തടസ്സപ്പെടുത്താതെ തുടർച്ചയായി സൂര്യനെ നിരീക്ഷിക്കാൻ ഈ ഭാഗം സഹായിക്കും. സോളാർ പ്രവർത്തനങ്ങളും ബഹിരാകാശ കാലാവസ്ഥയിൽ അവയുടെ സ്വാധീനവും തത്സമയം പഠിക്കാൻ കൂടി ലക്ഷ്യം വെയ്ക്കുന്നതാണ് ദൗത്യം.
ബഹിരാകാശത്തെ ഒരു സവിശേഷ സ്ഥാനമാണ് L1 പോയിന്റ്. വിക്ഷേപിച്ച് കഴിഞ്ഞ് 100 ഭൗമദിനങ്ങൾ കഴിഞ്ഞാണ് എൽ-1 പോയിന്റലെ ഹാലോ ഓർബിറ്റിൽ എത്താൻ പേടകത്തിന് സാധിക്കൂ.വിസിബിള് ലൈന് എമിഷന് കൊറോണഗ്രാഫ് (വി.ഇ.എല്.സി.), സോളാര് അള്ട്രാവയലറ്റ് ഇമേജിങ് ടെലിസ്കോപ്പ് (എസ്.യു.ഐ.ടി.), സോളാര് ലോ എനര്ജി എക്സ്റേ സ്പെക്ട്രോമീറ്റര്, ഹൈ എനര്ജി എല്-1 ഓര്ബിറ്റിങ് എക്സ്റേ സ്പെക്ട്രോമീറ്റര്, ആദിത്യ സോളാര് വിന്ഡ് പാര്ട്ടിക്കിള് എക്സ്പെരിമെന്റ്, പ്ലാസ്മ അനലൈസര് പാക്കേജ് ഫോര് ആദിത്യ, മാഗ്നെറ്റോമീറ്റര് എന്നിങ്ങനെ ഏഴ് പേലോഡുകളാണ് പേകടത്തിലുള്ളത്.
കൊറോണൽ ഹീറ്റിംഗ്, സോളാർ കാറ്റ് ആക്സിലറേഷൻ, കൊറോണൽ മാഗ്നെറ്റോമെട്രി, അൾട്രാവയലറ്റ് വികിരണത്തിന് സമീപമുള്ള സൗരവികിരണത്തിന്റെ ഉത്ഭവവും നിരീക്ഷണവും, ഫോട്ടോസ്ഫിയർ, ക്രോമോസ്ഫിയർ, കൊറോണൽ താപനം എന്നിവയുടെ നീരീക്ഷണമാണ് ദൗത്യത്തിലൂടെ ലക്ഷ്യം വെയ്ക്കുന്നത്.
മാത്രമല്ല സൗരവാതത്തിന്റെയും ബഹിരാകാശ കാലാവസ്ഥയുടെ രൂപീകരണത്തിനും ഘടനയ്ക്കും പിന്നിലെ കാരണങ്ങൾ കണ്ടെത്തുകയെന്നതും ദൗത്യത്തിന്റെ ലക്ഷ്യങ്ങളിലൊന്നാണ്. സൂര്യനെ കുറിച്ച് കൂടുതൽ വിവരങ്ങൾ ലഭ്യമാകാൻ ദൗത്യം സഹായിക്കുമെന്നാണ് വിലയിരുത്തപ്പെടുന്നത്.
ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്ന് പിഎസ്എൽവി എക്സ്എൽ റോക്കറ്റിലാണ് പേടകം വിക്ഷേപിക്കുക.ഇതിനുള്ള നടപടികൾ ആരംഭിച്ചിട്ടുണ്ട്. പേ ലോഡ് ഘടിപ്പിക്കാൻ ആവശ്യമായ ജോലികൾ ആരംഭിച്ചതായി ഐ എസ് ആർ ഒ അറിയിച്ചിട്ടുണ്ട്. ഭൂമിയുടെ താഴ്ച ഭ്രമണപഥത്തിലേക്കാണ് ഉപഗ്രഹത്തെ വിക്ഷേപിക്കുക. അവിടെ പ്രൊപ്പൽഷൻ സംവിധാനം ഉപയോഗിച്ച് ക്രമേണയാണ് ഭൂമിയുടെ ആകർഷണ വലയം ഭേദിച്ച് ഉപഗ്രഹം എൽ1 ഭ്രമണപഥത്തിലേക്ക് എത്തുക. 4 മാസമാണ് അവിടെയെത്താൻ സമയമെടുക്കുക.
Click it and Unblock the Notifications
Sign in with Google