ഇന്‍ഡിഗോ വിമാനത്തില്‍ പൊട്ടിത്തെറി.... എന്‍ജിന്‍ നിലച്ചു, ദുരന്തം ഒഴിവായത് തലനാരിഴയ്ക്ക്!!

മുംബൈ: ഇന്‍ഡിഗോ വിമാനത്തിന്റെ എന്‍ജിന്‍ യാത്രാ മധ്യേ നിലച്ചു. ചെന്നൈയില്‍ നിന്ന് കൊല്‍ക്കത്തയിലേക്ക് പോയ വിമാനത്തിന്റെ എന്‍ജിനാണ് തകരാറിലായത്. വലിയ പൊട്ടിത്തെറിയോടെയാണ് ഇത് നിലച്ചത്. അതേസമയം വന്‍ ദുരന്തമാണ് ഒഴിവായത്. വ്യോമയാന മന്ത്രാലയം വിഷയം അന്വേഷിക്കുമെന്നാണ് സൂചന. ജനുവരി മൂന്നിനാണ് സംഭവം നടന്നത്. ചെന്നൈയില്‍ നിന്ന് കൊല്‍ക്കത്തയിലേക്കുള്ള യാത്രയ്ക്കിടെയാണ് വിമാനം തകരാറിലായത്. എന്നാല്‍ സുരക്ഷിതമായി വിമാനം ലാന്‍ഡ് ചെയ്‌തെന്ന് ഇന്‍ഡിഗോ പറഞ്ഞു. എന്‍ജിന്‍ സംബന്ധിച്ച് സുരക്ഷാ വിവരങ്ങള്‍ പൈലറ്റുമാര്‍ക്ക് നല്‍കിയിരുന്നതായി ഇന്‍ഡിഗോ പറഞ്ഞു.

അതേസമയം വ്യോമയാന മന്ത്രാലയം ഈ വിഷയം ഗൗരവത്തോടെയാണ് കാണുന്നത്. വിമാനത്തിലെ എന്‍ജിന്റെ പ്രവര്‍ത്തനം വിലയിരുത്താല്‍ അടുത്ത ദിവസം മന്ത്രാലയം യോഗം ചേരുന്നുണ്ട്. എന്‍ജിന്‍ നിര്‍മാതാക്കളോട് ഇത്തരം എന്‍ജിനുകളുടെ നിര്‍മാണം നിര്‍ത്താനാണ് ആവശ്യപ്പെടുക. അല്ലെങ്കില്‍ കരാര്‍ തന്നെ റദ്ദാക്കാനാണ് ഒരുങ്ങുന്നത്. അതേസമയം ഇവരോട് എത്രയും പെട്ടെന്ന് എന്‍ജിന്‍ പ്രശ്‌നങ്ങള്‍ പരിഹരിക്കാനും നിര്‍ദേശിച്ചിട്ടുണ്ട്. തുടര്‍ച്ചയായുണ്ടായ പ്രശ്‌നങ്ങള്‍ ഇന്‍ഡിഗോയുടെ പ്രവര്‍ത്തനങ്ങളെ ബാധിക്കുന്നുവെന്നാണ് വിലയിരുത്തല്‍. ഒരു പ്രത്യേക കാറ്റഗറിയില്‍ വരുന്ന വിമാനങ്ങളുടെ എഞ്ചിന്‍ മാത്രമാണ് പ്രവര്‍ത്തരഹിതമാകുന്നത്.

English summary

Indigo plane Stalled mid air with loud bang forced to return to chennai