കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്ദിരാ ഗാന്ധി അധോലോക നായകന്‍ കരിം ലാലയെ സന്ദര്‍ശിച്ചിരുന്നു, വെളിപ്പെടുത്തി സഞ്ജയ് റാവുത്ത്!

Google Oneindia Malayalam News

പൂനെ: മുന്‍ ഇന്ത്യന്‍ പ്രധാനമന്ത്രി ഇന്ദിരാ ഗാന്ധി അധോലോക നായകന്‍ കരിം ലാലയെ സന്ദര്‍ശിച്ചിരുന്നുവെന്ന് ശിവസേന മുതിര്‍ന്ന നേതാവ് സഞ്ജയ് റാവുത്ത്. മുംബൈയെ അധോലോകം കീഴടക്കി വാണിരുന്ന കാലത്ത് ദാവൂദ് ഇബ്രാഹിമും ഛോട്ടാ ഷക്കീലും ശാരദ് ഷെട്ടിയും അടക്കമുളള അധോലോക നായകന്മാര്‍ക്കായിരുന്നു നഗരങ്ങളുടെ നിയന്ത്രണമെന്ന് മുന്‍ മാധ്യമപ്രവര്‍ത്തകന്‍ കൂടിയായ സഞ്ജയ് റാവുത്ത് പറഞ്ഞു.

സെക്രട്ടേറിയറ്റില്‍ ആര് ഇരിക്കണമെന്നും ആരാകണം പോലീസ് കമ്മീഷണര്‍ എന്നും തീരുമാനിച്ചിരുന്നത് അധോലോകം ആയിരുന്നുവെന്നും സഞ്ജയ് റാവുത്ത് ഒരു അഭിമുഖത്തില്‍ വ്യക്തമാക്കി.

congress

ഹാജി മസ്താന്‍ സെക്രട്ടേറിയറ്റില്‍ വരുമ്പോള്‍ അവിടെയുളള മുഴുവന്‍ പേരും താഴെ വന്ന് അദ്ദേഹത്തെ കാണാന്‍ കാത്ത് നില്‍ക്കുമായിരുന്നു. സൗത്ത് മുംബൈയിലെ പൈഥോനിലെ വീട്ടിലെത്തിയാണ് ഇന്ദിരാ ഗാന്ധി കരിം ലാലയെ കണ്ടിരുന്നത് എന്നും സഞ്ജയ് റാവുത്ത് വെളിപ്പെടുത്തി. മുംബൈയിലെ മദ്യ ലോബി, ചൂതാട്ട മാഫിയ, മോഷണ റാക്കറ്റ് എന്നിവയെ 1960കളില്‍ തുടങ്ങി 1980കള്‍ വരെ നിയന്ത്രിച്ചിരുന്നത് കരിം ലാല ആയിരുന്നു. 2002ലാണ് കരിം ലാല മരണപ്പെടുന്നത്.

അന്നത്തെ കാലം അധോലോകത്തിന്റെത് ആയിരുന്നു. എന്നാല്‍ പിന്നീട് അധോലോക നായകര്‍ എല്ലാവരും രാജ്യം വിട്ട് പോയി. ഇപ്പോള്‍ അധോലോകമെന്നൊന്നില്ലെന്നും ശിവസേനയുടെ രാജ്യ സഭാ എംപി കൂടിയായ സഞ്ജയ് റാവുത്ത് പറഞ്ഞു. 1993ലെ മുംബൈ സ്‌ഫോടനക്കേസിലെ പ്രതി കൂടിയായ ദാവൂദ് ഇബ്രഹിമിനെ കണ്ടിട്ടുണ്ടെന്നും ഫോട്ടോ എടുത്തിട്ടുണ്ടെന്നും സഞ്ജയ് റാവുത്ത് പറഞ്ഞു. നിലവില്‍ കോണ്‍ഗ്രസുമായി ചേര്‍ന്നാണ് ശിവസേന മഹാരാഷ്ട്ര ഭരിക്കുന്നത്.

English summary
Indira Gandhi used to meet gangster Karim Lala , Claims Sanjay Raut
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X