അദ്വാനിയല്ല, സുമിത്ര മഹാജന് സ്പീക്കര്
ദില്ലി: വെറ്ററന് ലീഡര് എല് കെ അദ്വാനിയെ തഴഞ്ഞ് ലോക്സഭ സ്പീക്കര് സ്ഥാനത്തേക്ക് ബി ജെ പി സുമിത്ര മഹാജനെ തിരഞ്ഞെടുത്തതായി റിപ്പോര്ട്ട്. മധ്യപ്രദേശിലെ ഇന്ഡോറില് നിന്നുള്ള എം പിയാണ് 71 കാരിയായ സുമിത്ര മഹാജന്. ഇത് എട്ടാമത് തവണയാണ് മഹാജന് ലോക്സഭാംഗമാകുന്നത്. ഏറ്റവും കൂടുതല് കാലം എം പി ആയിട്ടുള്ള വനിത കൂടിയാണ് സുമിത്ര മഹാജന്.
ബി ജെ പി സമുന്നത നേതാവായ എല് കെ അദ്വാനി സ്പീക്കര് സ്ഥാനത്തേക്ക് താല്പര്യം അറിയിച്ചിരുന്നു. മന്ത്രിസഭയില് ഇടം കിട്ടാതായതോടെ അദ്വാനി സ്പീക്കറെങ്കിലും ആയേക്കും എന്നാണ് പ്രതീക്ഷിക്കപ്പെട്ടിരുന്നത്. സഭയില് സ്പീക്കറേക്കാള് പ്രധാനമന്ത്രിക്കാണ് പവര്. സ്പീക്കര് സ്ഥാനത്തേക്ക് അദ്വാനിയുടെ പാര്ട്ടിയിലെ സീനിയോരിറ്റിയും പരിചയസമ്പത്തും പരിഗണിച്ചേക്കും എന്ന റിപ്പോര്ട്ടുകളാണ് ഇപ്പോള് അസ്ഥാനത്തായിരിക്കുന്നത്.
മന്ത്രിസഭയിലും സ്പീക്കര് സ്ഥാനത്തും ഇല്ലാതായതോടെ എല് കെ അദ്വാനിയുടെ രാഷ്ട്രീയ ഭാവി എന്തായിത്തീരും എന്ന ആശങ്കയും ഉയരുന്നുണ്ട്. വാജ്പേയി പ്രധാനമന്ത്രിയായിരിക്കുന്ന കാലത്ത് ഉപപ്രധാനമന്ത്രി സ്ഥാനവും ആഭ്യന്തരവകുപ്പും അദ്വാനിക്കായിരുന്നു. അന്ന് പാര്ട്ടിയിലും സര്ക്കാരിലും രണ്ടാമനായിരുന്ന അദ്വാനിക്ക് മോദി യുഗത്തില് സ്ഥാനമാനങ്ങളില്ലാതായി.
71 കാരിയായ സുമിത്ര മഹാജന് ബി ജെ പിയിലെ സീനിയര് നേതാക്കളില് ഒരാളാണ്. വാജ്പേയി മന്ത്രിസഭയില് അംഗമായിരുന്ന മഹാജന് 2002 - 04 കാലത്ത് മാനവ വിഭവ ശേഷി, കമ്മ്യൂണിക്കേഷന്, പെട്രോളിയം തുടങ്ങിയ വകുപ്പുകളുടെ ചുമതലയിലായിരുന്നു. ഇന്ഡോര് യൂണിവേഴ്സിറ്റിയില് നിന്നും എം എയും എല് എല് ബിയും നേടിയിട്ടുണ്ട്. 1989 ലാണ് സുമിത്ര മഹാജന് ആദ്യമായി എം പി ആകുന്നത്.