കൊലയ്ക്കുശേഷം ഇന്ദ്രാണി ഷീനയുടെ മൃതദേഹത്തില് ലിപ്സ്റ്റിക്കും പെര്ഫ്യൂമും പുരട്ടിയത് എന്തിനാണ്?
മുംബൈ: ഷീന ബോറയുടെ കൊലപാതകം ഒരു വിചിത്ര കഥപോലെ നീളുകയാണ്. മകളായ ഷീന ബോറയെ സുന്ദരിയാക്കിയാണ് ഇന്ദ്രാണി മുഖര്ജി മടക്കി അയച്ചത്. മകളെ കൊലപ്പെടുത്തിയശേഷം മടിയിലിരുത്തി ഷീനയുടെ ചുണ്ടുകളില് ലിപ്സ്റ്റിക് പുരട്ടുകയും മുടി ചീകിയൊതുക്കി കെട്ടിക്കൊടുക്കുകയും പെര്ഫ്യൂം അടിച്ചുക്കൊടുക്കുകയും ചെയ്തത്രേ.
മകളെ കത്തിക്കാന് കൊണ്ടുപോകുന്നതിനു മുന്പ് സുന്ദരിയാക്കിയ ആദ്യത്തെ അമ്മ ഒരുപക്ഷേ ഇന്ദ്രാണിയായിരിക്കാം. ഇന്ദ്രാണിയും രണ്ടാം ഭര്ത്താവായിരുന്ന സഞ്ജീവ് ഖന്നയും മകളുടെ മൃതദേഹം റായിഗഡിനു സമീപമുള്ള മലയിടുക്കില് ഉപേക്ഷിക്കാന് കൊണ്ടുപോകുന്നതിനു ഇടയിലാണ് ഇതൊക്കെ സംഭവിക്കുന്നത്.
കൊലയ്ക്കുശേഷം മകളെ സുന്ദരിയാക്കി
ഷീന ബോറയെ കൊലപ്പെടുത്തിയതിനുശേഷം മൃതദേഹം ഉപേക്ഷിക്കാനായി കാറിലാണ് ഇന്ദ്രാണിയും ഭര്ത്താവ് പോയത്. യാത്രയ്ക്കിടെ ഇന്ദ്രാണി മകളെ മടിയിലിരുത്തി അവള്ക്ക് ലിപ്സ്റ്റിക് ഇട്ടുകൊടുക്കുകയും മുടി ചീകി കെട്ടിക്കൊടുക്കുയും ചെയ്തത്രേ. ദേഹത്ത് പെര്ഫ്യൂമും അടിച്ചുകൊടുത്തു.
ലിപ്സ്റ്റിക്കും പെര്ഫ്യൂമും ഉപയോഗിച്ചത് എന്തിനായിരുന്നു?
മൃതദേഹം ഉപേക്ഷിക്കാന് പോകുന്ന യാത്രക്കിടെ പോലീസിനു സംശയം തോന്നിക്കാതിരിക്കാനാണ് ഇന്ദ്രാണി ഇങ്ങനെ ചെയ്തതെന്നാണ് പറയുന്നത്.
ഷീനയെ എവിടെയാണ് ഉപേക്ഷിച്ചത്?
കൊലപ്പെടുത്തിയശേഷം ഇന്ദ്രാണിയും രണ്ടാം ഭര്ത്താവായ സഞ്ജീവ് ഖന്നയും മകളുടെ മൃതദേഹവുമായി കാറില് റായിഗഡിലേക്കാണ് പോയത്. റായിഗഡിനു സമീപമുള്ള മലയിടുക്കില് ഉപേക്ഷിക്കാനായിരുന്നു പദ്ധതി.
കത്തിച്ചതിനുശേഷം വലിച്ചെറിഞ്ഞു
മലയിടുക്കില് മൃതദേഹം കത്തിച്ചശേഷം വലിച്ചെറിയുകയായിരുന്നത്രേ.
ആര്ക്കും സംശയം തോന്നാത്ത തരത്തില്
പുലര്ച്ചെയായിരുന്നു ഇവര് യാത്ര തിരിച്ചത്. കാറിന്റെ പിന് സീറ്റില് ഇന്ദ്രാണിയുടെയും സഞ്ജീവ് ഖന്നയുടെയും മടിയില് കിടത്തിയാണ് ഷീനയെ കൊണ്ടുപ്പോയത്. ഷീനയുടെ തല ഇന്ദ്രാണി ഉയര്ത്തി പിടിച്ചിരുന്നു. സുഖമില്ലാത്ത ആളെ കൊണ്ട് പോകുന്ന പ്രതീതി ഉണ്ടാക്കാനാണ് ഇങ്ങനെ ചെയ്തത്.
കൊലപാതകം നടക്കുന്നത്
2012 ഏപ്രില് 24നു വര്ളിയിലെ ഇന്ദ്രാണിയുടെ ഫഌറ്റിന്റെ ഗാരേജില് വെച്ചാണ് ഷീന ബോറ കൊല്ലപ്പെടുന്നത്.