ഷീന ബോറയെ കൊലപ്പെടുത്തിയത് സഹോദരനെന്ന് ഇന്ദ്രാണി
മുംബൈ: ഷീനബോറ കൊലക്കേസില് പുതിയ വെളിപ്പെടുത്തലുമായി മുംബൈ മിറര്. ഷീനയെ കൊലപ്പെടുത്തയത് സഹോദരന് മിഖായേലാണെന്ന് ഇന്ദ്രാണി നേരത്തെ തന്നെ പറഞ്ഞതായാണ് മാധ്യമം പുറത്തുവിട്ടത്. പീറ്ററുടെ സഹോദരന് ഗൗതം മുഖര്ജിയെ ഉദ്ദരിച്ചണ് പത്രം പുതിയ വിവരം പുറത്തുവിട്ടിരിക്കുന്നത്.
ഷീന ബോറ കൊല്ലപ്പെട്ടകാര്യം ഇന്ദ്രാണി തന്റെ രണ്ടാം ഭര്ത്താവ് പീറ്റര് മുഖര്ജിയോട് നേരത്തെ തന്നെ പറഞ്ഞിരുന്നതായി ഗൗതം വെളിപ്പെടുത്തി. കേസില് അറസ്റ്റിലായി ബെക്കുള ജയിലില് കഴിയുന്ന വേളയില് ഇന്ദ്രാണിയെ പീറ്റര് മുഖര്ജി സന്ദര്ശിച്ചിരുന്നു. അപ്പോഴാണ് ഇത്തരമൊരു കാര്യം ഇന്ദ്രാണി പീറ്ററിനോട് പറഞ്ഞിരിക്കുന്നതെന്ന് ഗൗതം പറയുന്നു.
പീറ്ററിന്റെ നിരപരാധിത്വം തുറന്നുകാട്ടുകയായിരുന്നു ഗൗതമിന്റെ ഉദ്ദേശം. മിഖായേലിനെ താന് കൊലപ്പെടുത്തിയില്ലെന്ന് ഇന്ദ്രാണി പറഞ്ഞു. മിഖായേല് ആണ് കൊലപാതകി. മിഖായേലിനെ രക്ഷിക്കാനായി മൃതദേഹം മാറ്റാന് സഹായിക്കുക മാത്രമാണ് താന് ചെയ്തതെന്നും താന് നിരപരാധിയാമെന്നും ഇന്ദ്രാണി പറഞ്ഞു.
കേസില് പീറ്റര് മുഖര്ജി നിരപരാധിയാണെന്ന് ഗൗതം പറഞ്ഞു. യാതൊരു തെളിവും പീറ്ററിനെതിരെ കണ്ടെത്തിയിട്ടില്ല. പീറ്ററെ വിവാഹം കഴിച്ചശേഷവും ഇന്ദ്രാണി തന്റെ ആദ്യ ഭര്ത്താവ് സഞ്ജീവ് ഖന്നയുമായി ബന്ധം പുലര്ത്തിയിരുന്നതായും ഗൗതം പറഞ്ഞു.