Click it and Unblock the Notifications
Just In
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്! വസ്തുത ഇതാണ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
വ്യാജ എക്സിറ്റ് പോള്‍ ഫലങ്ങളിലൂടെ വോട്ടർമാരെ സ്വാധീനിക്കുന്നു: മാധ്യമങ്ങള്‍ക്കെതിരെ കോണ്‍ഗ്രസ്
അഹമ്മദാബാദ്: ഗുജറാത്ത് നിയമസഭാ തെരഞ്ഞെടുപ്പ് പൂർത്തിയാകുന്നതിന് മുമ്പ് അഭിപ്രായ സർവേകൾ സംപ്രേക്ഷണം ചെയ്യുന്നതില്‍ നിന്നും മാധ്യമങ്ങളെ കർശനമായി വിലക്കണമെന്ന് ആവശ്യപ്പെട്ട് കോണ്‍ഗ്രസ്. ഇത് സംബന്ധിച്ച് പാർട്ടി തിരഞ്ഞെടുപ്പ് കമ്മീഷന് പരാതി നല്‍കി. തിരഞ്ഞെടുപ്പ് പൂർത്തിയാകുന്നതിന് മുമ്പുള്ള അഭിപ്രായ സർവേകള്‍ വോട്ടർമാരെ സ്വാധീനിക്കാനുള്ള നീക്കത്തിന്റെ ഭാഗമാണെന്നാണ് കോണ്‍ഗ്രസ് ആരോപിക്കുന്നത്.
എ ഐ സി സി ലീഗൽ സെൽ മേധാവി വിവേക് തൻഖയുടെ നേതൃത്വത്തിലുള്ള കോൺഗ്രസ് പ്രതിനിധി സംഘം തിരഞ്ഞെടുപ്പ് കമ്മീഷനെ കാണുകയും "മാധ്യമങ്ങളുടെ ചട്ട ലംഘനങ്ങൾ" തിരഞ്ഞെടുപ്പ് കമ്മീഷനെ അറിയിക്കുകയും ചെയ്തു.
തിരഞ്ഞെടുപ്പ് ഫലപ്രവചനവുമായി ബന്ധപ്പെട്ട പരിപാടികള്‍ക്കായി പുറപ്പെടുവിച്ച നിർദ്ദേശങ്ങൾ ലംഘിച്ചുവെന്ന് ആരോപിക്കപ്പെടുന്ന വാർത്താ ചാനലുകൾക്കെതിരെ നടപടിയെടുക്കണമെന്നും കോണ്‍ഗ്രസ് സംഘം തിരഞ്ഞെടുപ്പ് കമ്മീഷനോട് ആവശ്യപ്പെട്ടു. ഈ രീതി ഗുരുതരമായ പ്രശ്‌നമാണെന്ന് വിശേഷിപ്പിച്ച കോൺഗ്രസ് പ്രതിനിധികൾ, മാധ്യമങ്ങള്‍ വോട്ടർമാരെ സ്വാധീനിക്കുന്നതിനായി വ്യാജ തിരഞ്ഞെടുപ്പ് ഫലം പ്രവചിക്കുകയാണെന്ന് പറഞ്ഞു.
"ബാലറ്റ് പെട്ടികളുടെ സുരക്ഷ" സംബന്ധിച്ച് പാർട്ടിക്ക് ചില വിവരങ്ങൾ ഉണ്ടെന്നും കൃത്രിമം നടന്നിട്ടില്ലെന്ന് ഉറപ്പാക്കാൻ കമ്മീഷനോട് അഭ്യർത്ഥിച്ചുവെന്നും തൻഖ പറഞ്ഞു. ചില വാർത്താ ചാനലുകൾ 2022 ഗുജറാത്ത് നിയമസഭയുടെ ഫലപ്രചരണവുമായി ബന്ധപ്പെട്ട പരിപാടികൾ ചട്ടം ലംഘിച്ചും പ്രസിദ്ധീകരിക്കുന്നുണ്ടെന്ന് തെളിവ് സഹിതം കോൺഗ്രസ് തിരഞ്ഞെടുപ്പ് കമ്മീഷന് മുമ്പാകെ സമർപ്പിച്ച പരാതിയില്‍ ചൂണ്ടിക്കാട്ടുന്നു.
"ഈ പരിപാടികൾ ഒരു പ്രത്യേക പാർട്ടിക്ക് അനുകൂലമായി 'അഭിപ്രായ വോട്ടെടുപ്പുകൾ' പ്രസിദ്ധീകരിക്കുന്നു. ഗുജറാത്ത് തെരഞ്ഞെടുപ്പിലെ വിവിധ രാഷ്ട്രീയ പാർട്ടികളുടെ സാധ്യതകളെക്കുറിച്ചുള്ള പരിപാടികളും അവയുടെ ഫലപ്രവചനവും തെരഞ്ഞെടുപ്പിന് പോകുന്ന മണ്ഡലങ്ങളിലെ വോട്ടർമാരെ സ്വാധീനിക്കാൻ ലക്ഷ്യമിട്ടുകൊണ്ടുള്ളതാണ്," കോണ്‍ഗ്രസ് പരാതിയില്‍ പറയുന്നു.
എല്ലാവരും തിരഞ്ഞെടുപ്പ് ചട്ടങ്ങള്‍ പാലിക്കുന്നുണ്ടെന്ന കാര്യം കമ്മീഷന് ഉറപ്പ് വരുത്തണം. വാർത്താ ചാനലുകൾക്ക് അടിയന്തിര നിർദ്ദേശങ്ങൾ നൽകി പ്രശ്നം പരിഹരിക്കുന്നതിന് ഇന്ത്യൻ ഭരണഘടനയുടെ ആർട്ടിക്കിൾ 324 പ്രകാരമുള്ള അതിന്റെ അധികാരം വിനിയോഗിക്കാൻ ഞങ്ങൾ ഈ കമ്മീഷനോട് അഭ്യർത്ഥിക്കുകയാണെന്നും കോണ്‍ഗ്രസ് ആവശ്യപ്പെട്ടു.
Vastu Tips: അങ്ങനെ എല്ലായിടത്തും കണ്ണാടി വെക്കാന്‍ പറ്റില്ല: സ്ഥാനം തെറ്റിയാല്‍ വന്‍ ദോഷം
ഈ ലംഘനങ്ങൾ തിരഞ്ഞെടുപ്പ് നിയമങ്ങളുടെ പവിത്രതയെയും കമ്മീഷന്റെ അധികാരത്തെയും ദുർബലപ്പെടുത്തുന്നതിനാൽ അടിയന്തരമായി ഇടപെടണം. നാളെ പോളിംഗിന് മുന്നോടിയായി, ഫലം നേരത്തെ വന്നതുപോലെ അവർ രീതിപരമായ ഫലങ്ങൾ നൽകുകയാണ്. എക്സിറ്റ് പോളുകളും പ്രവചനങ്ങളും നിരോധിച്ചിട്ടുണ്ടെങ്കിലും ഇപ്പോഴും അത് നടക്കുന്നുണ്ടെന്നുമാണ് തിരഞ്ഞെടുപ്പ് കമ്മീഷനെ കണ്ടതിന് പിന്നാലെ കോണ്‍ഗ്രസ് നേതാവ് തന്‍ഖ പ്രതികരിച്ചത്.
തിരഞ്ഞെടുപ്പ് കമ്മീഷനെ ഭയക്കേണ്ടതില്ല. ഈ വിഷയത്തിൽ കമ്മീഷൻ ആശങ്കാകുലരായിരുന്നു, ഇത് ഗൗരവമുള്ള വിഷയമായതിനാൽ പരിശോധിക്കാമെന്ന് ഞങ്ങൾക്ക് ഉറപ്പുനൽകിയിട്ടുണ്ട്. പ്രദേശാടിസ്ഥാനത്തിലുള്ള പ്രവചനങ്ങൾ നൽകുന്ന അഭിപ്രായ വോട്ടെടുപ്പുകൾ ഫലം എന്തായിരിക്കുമെന്ന് പ്രവചിക്കുകയാണ്. ഇത് വോട്ടിംഗ് പാറ്റേണിനെ സ്വാധീനിക്കാനുള്ള നഗ്നവും ധിക്കാരപരവുമായ ശ്രമമല്ലാതെ മറ്റൊന്നുമല്ല. ഇത് നമ്മുടെ ജനാധിപത്യത്തെ ദുർബലപ്പെടുത്തുന്നുവെന്നും കോണ്‍ഗ്രസ് നേതാവ് പറഞ്ഞു.
