ജന്മു-കാശ്മീര് എം എല് എ എന്ജിനിയര് റാഷിദിനെതിരെ കരിമഷി പ്രയോഗം
ദില്ലി: കാശ്മീര് എം എല്എയ്ക്കു നേരെ കരിമഷി പ്രയോഗം. കാശ്മീരില് ബീഫ് കഴിക്കുന്നതിനെതിരെ പ്രതികരിച്ചതിനാണ് എം എല് എ എന്ജിനിയര് റാഷിദിനെതിരെ കരിമഷി പ്രയോഗം നടത്തിയത്. മൂന്നു ആളുകള് അദ്ദേഹത്തിന്റെ മുഖത്തേക്ക് മഷി ഒഴിക്കുകയായിരുന്നു. പ്രസ്ക്ലബില് വാര്ത്താ സമ്മേളനം കഴിഞ്ഞ് ഇറങ്ങുമ്പോഴായിരുന്നു എം എല് എ റാഷിദ് ആക്രമിക്കപ്പെട്ടത്.
എം എല് എ ഹോസ്റ്റലില് ബീഫ് പാര്ട്ടി നടത്തിയതിന് നിയമ സഭയില് വച്ച് ഇദ്ദേഹത്തിന് ബി ജെ പി എം എല് എമാരുടെ മര്ദ്ദനമേറ്റിരുന്നു. ജന്മുകാശ്മീരിലെ സ്വതന്ത്ര എം എല് എയാണ് എന്ജിനിയര് റാഷിദ്.
സംഭവത്തില് ഹിന്ദു സേന എന്ന സംഘടന ഉത്തരവാദിത്വം ഏറ്റെടുത്തു. ഇതുമായി ബന്ധപ്പെട്ട് രണ്ടുപേരെ പോലിസ് കസ്റ്റഡിയിലെടുത്തു.
തനിക്കെതിരെ പ്രതിഷേധിക്കുന്നവര്ക്ക് ഭ്രാന്താണെന്നും തനിക്ക് നേര്ക്ക് മഷിയൊഴിച്ചതുക്കൊണ്ട് ഒന്നും മാറില്ലെന്നും അദ്ദേഹം പിന്നിട് പ്രതികരിച്ചു. പാകിസ്താനിലെ താലിബാന് വത്ക്കരണത്തെക്കുറിച്ചാണ് എല്ലാവരും സംസാരിക്കുന്നത്. എന്നാല് ഇന്ത്യയില് എന്താണ് സംഭവിക്കുന്നതെന്ന് കാണമെന്നും അദ്ദേഹം ആവശ്യപ്പെട്ടു.