പ്രതിയെ തനിച്ചാക്കി പൊലീസുകാര് വേശ്യാലയത്തില് പോയി, ബോറടിച്ച പ്രതി ഒറ്റയ്ക്ക് ജയിലിലെത്തി
കൊദെര്മ്മ: പ്രതികളുമായി ജയിലും ആശുപത്രിയിലുമൊക്കെ പോകുമ്പോഴെങ്കിലും പൊലീസുകാര്ക്ക് ഒരല്പ്പം ഉത്തരവാദിത്തം കാട്ടിക്കൂടേ. ഇല്ലെങ്കില് ഝാര്ഖണ്ഡിലെ കൊദെര്മ്മ ജില്ല ജയില് അധികൃര് കേള്ക്കുന്നത് പോലെ പഴി കേള്ക്കേണ്ടി വരും.
വിചാരണത്തടവുകാരനായ പ്രതിയേയും കൊണ്ട് റിംസ് ആശുപത്രിയില് പോയി മടങ്ങുകയായിരുന്നു പൊലീസുകാര്. ജയിലിലേക്ക് മടങ്ങുന്നതിനിടെ പൊലീസുകാര്ക്ക് ഒരു മോഹം . ബംഗാളിലെ അസാന്സോള് വേശ്യാലയത്തില് പോകണമെന്ന് . ആഗ്രഹം അടക്കിവയ്ക്കാനാവാത്തതിനാല് പ്രതിയെ തനിയെ വിട്ട് പൊലീസുകാരുടെ സംഘം നേരെ വേശ്യാലയത്തിലേയ്ക്ക് പോയി .
പൊലീസുകാര് മടങ്ങിയെത്തുമെന്ന് കരുതി പ്രതിയായി ബൈജു യാദവ് അവരെ കാത്തിരുന്നു . എന്നാല് പൊലീസുകാര് എത്താന് വൈകിയതോടെ ബൈജുവിന് ബോറടിച്ചു . ആത്മാര്ത്ഥത അല്പ്പം കൂടുതലയാതിനാലാകണം ബൈജു ഒറ്റയ്ക്ക് ജയിലേയ്ക്ക് തിരിച്ച് പോയി .
ഇതോടെ പൊലീസുകാര്ക്ക് പണികിട്ടിയെന്ന് പറഞ്ഞാല് മതിയല്ലോ . നാല് പൊലീസുകാരേയും പിരിച്ച് വിട് ടു. ഭക്ഷണം കഴിയ്ക്കാന് പാതിവഴിയില് ഇറങ്ങിയ ശേഷം പ്രതിയെ ഒറ്റയ്ക്കാക്കി പൊലീസുകാര് വേശ്യാലയത്തിലേയ്ക്ക് പോയതാണെന്നും സംഭവം അന്വേഷിയ്ക്കുന്നതിന് പ്രത്യേക സമിതി രൂപീകരിച്ചെന്നും എസ്പി പറഞ്ഞു .