കാണാതായ നാവികര് അന്തര്വാഹനിയില് മരിച്ച നിലയില്
മുംബൈ: അന്തര്വാഹിനി അപകടത്തില് കാണാതായ രണ്ട് നാവികരും മരിച്ചു. നാവികരെ അന്തര്വാഹിനിക്കുളളിലെ അടച്ചിട്ട മുറിയില് ആണ് മരിച്ച നിലയില് കണ്ടെത്തിയത്. നാവിക സേന ഇക്കാര്യം സ്ഥിരീകരിച്ചു.
കപീഷ് മുവാല്, മനോരഞ്ജന് കുമാര് എന്നിവരാണ് മരിച്ചത്. ഫെബ്രുവരി 26 ആണ് ഐഎന്എസ് സിന്ധുരത്ന എന്ന അന്തര്വാഹിനി അപകടത്തില് പെട്ടത്.
മുംബൈ തീരത്ത് പരിശീലന ഓട്ടം നടത്തുന്നതിനിടെയാണ് അന്തര്വാഹിനിയില് അപകടം ഉണ്ടായത്. ബാറ്ററി കമ്പാര്ട്ട്മെന്റില് ചോര്ച്ചയുണ്ടായി എന്നാണ് പറയപ്പെടുന്നത്. തുടര്ന്ന് വിഷപ്പുക ശ്വസിച്ച് അഞ്ച് നാവികര് ബോധ രഹിതരായിരുന്നു. ഇവരെ നാവികസേന ആശുപത്രിയിലേക്ക് മാറ്റുകയും ചെയ്തിരുന്നു.
കാണാതായ രണ്ട് നാവികരെ കണ്ടെത്താന് ശ്രമം തുടരുകയയിരുന്നു. അതിനിടെ ഫെബ്രുവരി 27 ന് രാവിലെയോടെ അന്തര്വാഹിനിയെ മുംബൈ തീരത്തെത്തിച്ചു. തുടര്ന്ന് നടത്തിയ പരിശോധനയിലാണ് അടച്ചിട്ട മുറിക്കുള്ളില് നാവികരുടെ മൃതദേഹങ്ങള് കണ്ടെത്തിയത്.
ഏഴ് മാസത്തിനിടെ നാവിക സേനയില് ഉണ്ടാകുന്ന മൂന്നാമത്തെ അന്തര്വാഹിനി അപകടം ആയിരുന്നു കഴിഞ്ഞ ദിവസം നടന്നത്. ഇക്കാലയളവില് നാവിക സേന ആകെ പത്ത് അപകടങ്ങളാണ് നേരിടേണ്ടി വന്നത്. ഇതേ തുടര്ന്ന് നാവിക സേന മേധാവി അഡ്മിറല് ഡികെ ജോഷി രാജിവച്ചിരുന്നു.