• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വന്ദേമാതരത്തിന് പകരം ജനഗണമന, പരിഹാസ്യരായി ബിജെപി നേതാക്കള്‍

  • By

ഇന്‍ഡോര്‍: പരിപാടിയുടെ തുടക്കം വന്ദേമാതരത്തിന് പകരം ജനഗണമന പാടി വെട്ടിലായി ബിജെപി നേതാക്കള്‍. അപകടം മണത്തോടെ ജനഗണമന രണ്ട് വരിയില്‍ നിര്‍ത്തി വന്ദേമാതരം തുടര്‍ന്നു. എന്നാല്‍ നേതാക്കളുടെ അമളി സോഷ്യല്‍ മീഡിയയില്‍ വൈറലായിരിക്കുകയാണ്. ഇന്‍ഡോര്‍ മുനിസിപ്പല്‍ കോര്‍പ്പറേഷനിലാണ് സംഭവം.

കോര്‍പ്പറേഷന്‍റെ ബജറ്റ് അവതരണത്തിനിടെയായിരുന്നു സംഭവം. പരിപാടിക്ക് മുന്‍പ് കോര്‍പ്പറേഷന്‍ അംഗങ്ങള്‍ ജനഗണമന പാടുകയായിരുന്നു. ഇതോടെ മറ്റുള്ളവരും ഏറ്റുപാടി.എന്നാല്‍ രണ്ട് വരി പാടിയപ്പോഴാണ് ചിലര്‍ക്ക് അബദ്ധം പിണഞ്ഞത് മനസിലായത്. ഉടന്‍ തന്നെ അവര്‍ പാടുന്നത് നിര്‍ത്തി. അപ്പോഴാണ് അമളി മറ്റുള്ളവര്‍ക്കും മനസിലായത്. ഇതോടെ വന്ദേമാതരം പാടി അംഗങ്ങള്‍ അവസാനിപ്പിച്ചു. എന്നാല്‍ സംഭവത്തിന്‍റെ വീഡിയോ സോഷ്യല്‍ മീഡിയയില്‍ വൈറലായി കഴിഞ്ഞു. ബിജെപി എംഎല്‍എയും മേയറുമായ മാലിനി ഗൗഡിനേയും വീഡിയോയില്‍ കാണാം.

ഗാന്ധി കുടുംബാംഗങ്ങള്‍ ഇല്ല, കോണ്‍ഗ്രസ് നേതാക്കളുടെ പ്രത്യേക യോഗം,ഇനി നിയന്ത്രിക്കുക ഈ എട്ട് പേര്‍?

അതേസമയം സംഭവത്തില്‍ ഭരണകക്ഷി അംഗങ്ങള്‍ക്കെതിരെ നടപടി ആവശ്യപ്പെട്ട് പ്രതിപക്ഷം രംഗത്തെത്തി. ദേശീയ ഗാനത്തെ അപമാനിച്ചവര്‍ക്കെതിരെ നടപടിയെടുക്കണമെന്ന് നേതാക്കള്‍ ആവശ്യപ്പെട്ടു. അതേസമയം സംഭവത്തില്‍ വിശദീകരണവുമായി ചെയര്‍മാന്‍ അജയ് സിങ്ങ് നരുക രംഗത്തെത്തി. അംഗങ്ങളില്‍ ആര്‍ക്കോ ചെറിയൊരു നാവ് പിഴ സംഭവിച്ചതാണെന്നും അനാവശ്യ വിവാദങ്ങളുടെ ആവശ്യമില്ലെന്നും നരുക പ്രതികരിച്ചു.

പുതിയ അധ്യക്ഷന്‍ ആരായാലും ഇത്തിരി വിയര്‍ക്കും!! അധ്യക്ഷന് മുന്നിലുള്ള 5 വെല്ലുവിളികള്‍ ഇങ്ങനെ

English summary
Intead of vande mathram BJP leaders sings janaganmana, video goes viral
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X