Click it and Unblock the Notifications
Just In
Don't Miss
-
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
മാധ്യമ നിയന്ത്രണം: 7 ദിവസത്തിനുള്ളില്‍ മറുപടി വേണം, കേന്ദ്രത്തോട് സുപ്രീം കോടതി
ദില്ലി: കാശ്മീരിലെ മാധ്യമ നിയന്ത്രണങ്ങളേയും ഇന്‍റര്‍നെറ്റ്, ഫോണ്‍ നിയമന്ത്രണങ്ങളേയും സംബന്ധിച്ച് 7 ദിവസത്തിനുള്ള റിപ്പോര്‍ട്ട് നല്‍കണമെന്ന് വ്യക്തമാക്കി കേന്ദ്രത്തിന് സുപ്രീം കോടതി നോട്ടീസ്. കശ്മീരി ടൈംസ് എക്‌സിക്യൂട്ടീവ് എഡിറ്റര്‍ അനുരാധ ഭാസിന്‍ നല്‍കിയ ഹര്‍ജിയിലാണ് കോടതിയുടെ നിര്‍ദ്ദേശം. 7 ദിവസത്തിനുള്ളില്‍ ഇത് സംബന്ധിച്ച വിശദമായ റിപ്പോര്‍ട്ട് സമര്‍പ്പിക്കണമെന്നും കോടതി കേന്ദ്രത്തോട് ആവശ്യപ്പെട്ടു.
കാശ്മീരിലെ വാര്‍ത്താവിനിമയ സംവിധാനങ്ങള്‍ പുന:സ്ഥാപിക്കണമെന്നും മാധ്യമങ്ങള്‍ക്കുമേല്‍ ഏര്‍പ്പെടുത്തിയിരിക്കുന്ന നിയന്ത്രണം പിന്‍വലിക്കണമെന്നും ആവശ്യപ്പെട്ടായിരുന്നു അനുരാധ ബാസിന്‍ കോടതിയെ സമീപിച്ചത്. 24 ദിവസമായി കാശ്മീരില്‍ മാധ്യമപ്രവര്‍ത്തകര്‍ക്ക് മേല്‍ നിയന്ത്രണം തുടരുകയാണെന്ന് അനുരാധയ്ക്ക് വേണ്ടി വാദിച്ച ബൃന്ദ ഗ്രോവര്‍ കോടതിയില്‍ പറഞ്ഞു. മാധ്യമ സ്വാതന്ത്രം നിഷേധിക്കപ്പെടുകയാണ്. മാധ്യമങ്ങളോട് സംസാരിച്ച ഡോക്ടറെ വരെ പിടിച്ചുകൊണ്ടുപോകുകയാണെന്നും വൃന്ദ ഗോവര്‍ കോടതിയോട് പറഞ്ഞു.
നേരത്തേ ആഗസ്റ്റ് 16 ന് സുപ്രീം കോടതി കേസ് പരിഗണിച്ചിരുന്നു. അന്ന് കുറച്ച് ദിവസങ്ങള്‍ക്കുള്ളില്‍ തന്നെ താഴ്വരയിലെ നിയന്ത്രണങ്ങള്‍ എടുത്തുകളയുമെന്നായിരുന്നു കേന്ദ്രം കോടതിയെ അറിയിച്ചത്. ഘട്ടം ഘട്ടമായി നിയന്ത്രണങ്ങള്‍ ഇല്ലാതാക്കണമെന്നും കോടതി കേന്ദ്ര ഏജന്‍സികളെ വിശ്വാസത്തില്‍ എടുക്കണമെന്നുമായിരുന്നു കേന്ദ്രം കോടതിയില്‍ അറിയിച്ചിരുന്നു. എന്നാല്‍ താഴ്വരയില്‍ ഇപ്പോഴും നിയന്ത്രണങ്ങള്‍ തുടരുകയാണ്
അതേസമയം കാശ്മീരിന്‍റെ പ്രത്യേക അവകാശം എടുത്തുകളഞ്ഞ കേന്ദ്രസര്‍ക്കാര്‍ നടപടിയെ ചോദ്യം ചെയ്തുള്ള ഹര്‍ജികള്‍ ഭരണഘടനാ ബെഞ്ചിന് വിടാന്‍ കോടതി തിരുമാനിച്ചു. എട്ട് ഹര്‍ജികളാണ് ഭരണഘടന ബെഞ്ചിന് വിട്ടത്. കേസില്‍ ഒക്ടോബറില്‍ വാദം കേള്‍ക്കും. സുപ്രീം കോടതി ചീഫ് ജസ്റ്റിസ് രഞ്ജന്‍ ഗൊഗോയിയുടെ നേതൃത്വത്തിലുള്ള ബെഞ്ചിന്‍റേതാണ് തിരുമാനം. കേസില്‍ കേന്ദ്രസര്‍ക്കാരിനും ജമ്മു കാശ്മീര്‍ ഭരണകുടത്തിനും നോട്ടീസ് അയക്കാനും ബെഞ്ച് നിര്‍ദ്ദേശിച്ചു.
കാശ്മീരില്‍ തടങ്കലില്‍ കഴിയുന്ന സിപിഎം കേന്ദ്ര കമ്മിറ്റി അംഗം മുഹമ്മദ് യൂസഫ് തരിഗാമിയെ കാണാന്‍ പാര്‍ട്ടി ജനറല്‍ സെക്രട്ടറി സീതാറാം യെച്ചൂരിക്കും കോടതി അനുമതി നല്‍കിയിട്ടുണ്ട്. തരിഗാമിയെ കാണാനില്ലെന്ന് കാണിച്ച് യെച്ചൂരി നല്‍കിയ ഹേബിയസ് കോര്‍പ്പസ് ഹര്‍ജിയിലാണ് തിരുമാനം.
