• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വൃത്തികെട്ട സിനിമകള്‍ കാണാനാണ് കാശ്മീരില്‍ ഇന്‍റര്‍നെറ്റ് ഉപയോഗിച്ചിരുന്നതെന്ന് നീതി ആയോഗ് അംഗം

ദില്ലി: ജമ്മു കാശ്മീരില്‍ ഇന്‍റര്‍നെറ്റ് ഉപയോഗിച്ചിരുന്നത് വൃത്തികെട്ട സിനിമകള്‍ കാണാനാണെന്ന് നീതി അയോഗ് അംഗം വികെ സരസ്വത്. കാശ്മീരിനുള്ള പ്രത്യേക പദവി റദ്ദാക്കിയ പിന്നാലെ പ്രദേശത്ത് ഇന്‍റര്‍നെറ്റിന് വിലക്കേര്‍പ്പെടുത്തിയത് രാജ്യത്തെ സാമ്പത്തിക മേഖലയെ യാതൊരു തരത്തിലും ബാധിച്ചില്ലെന്നും സരസ്വത് പറഞ്ഞു. ധിരുഭായി അംബാനി ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ആന്‍ഡ് കമ്യൂണിക്കേഷന്‍ ടെക്നോളജിയുടെ വാര്‍ഷിക ബിരുദ ദാന ചടങ്ങില്‍ സംസാരിക്കുകയായിരുന്നു സരസ്വത്.

എന്തിന് വേണ്ടിയാണ് രാഷ്ട്രീയക്കാര്‍ക്ക് കാശ്മീരില്‍ പോകേണ്ടത്. ഇപ്പോള്‍ ദില്ലിയില്‍ നടക്കുന്നത് പോലുള്ള പ്രതിഷേധങ്ങള്‍ കാശ്മൂരിലും സംഘടിപ്പിക്കണം. ഇത്തരത്തിലുള്ള പ്രതിഷേധങ്ങള്‍ കത്തിക്കാന്‍ അവര്‍ ഉപയോഗിക്കുന്നത് സമൂഹമാധ്യമങ്ങളാണ്. അതുകൊണ്ട് തന്നെ അവിടെ ഇന്‍റര്‍നെറ്റ് സംവിധാനം ഇല്ലെന്നത് കൊണ്ട് എന്താണ് പ്രശ്നം. അവിടെ ഇന്‍റര്‍നെറ്റ് ഉപയോഗിച്ച് എന്താണ് ചെയ്യുന്നത്? വൃത്തികെട്ട സിനിമകള്‍ കാണുന്നതല്ലാതെ ഇന്‍റര്‍നെറ്റ് ഉപയോഗിച്ച് അവിടെയുള്ളവര്‍ മറ്റൊന്നും ചെയ്യുന്നില്ലെന്നും സരസ്വത് പറഞ്ഞു.

ടെലികോം ആണ് ഇന്ത്യയുടെ വികസനത്തിന്‍റെ താക്കോല്‍ എങ്കില്‍ എന്തുകൊണ്ടാണ് കാശ്മീരില്‍ ഇന്‍റര്‍നെറ്റ് സേവനങ്ങള്‍ റദ്ദ് ചെയ്തിരിക്കുന്നതെന്ന ചോദ്യത്തിനായിരുന്നു സരസ്വതിന്‍റെ വിവാദ മറുപടി. അതേസമയം പ്രസ്താവന വിവാദമായതോടെ കാശ്മീരിലെ ഇന്‍റര്‍നെറ്റ് വിലക്ക് സമ്പദ് വ്യവസ്ഥയെ ബാധിച്ചില്ലെന്ന് പറയാനാണ് താന്‍ ഉദ്ദേശിച്ചതെന്ന് സരസ്വത് പറഞ്ഞു.

സുപ്രീം കോടതിയുടെ ഉത്തരവിന്‍റെ അടിസ്ഥാനത്തില്‍ കഴിഞ്ഞ അഞ്ച് മാസമായി തുടരുന്ന ഇന്‍റര്‍നെറ്റ് വിലക്ക് കാശ്മീരിലെ ചില ഇടങ്ങളില്‍ ഭാഗികമായി പുനസ്ഥാപിച്ചിരുന്നു. സര്‍ക്കാര്‍ വെബ്സൈറ്റുകള്‍, ആവശ്യ സേവനങ്ങള്‍ എന്നീ മേഖലയിലാണ് ഇന്‍റര്‍നെറ്റ് ലഭ്യമായി തുടങ്ങിയത്. അതേസമയം സോഷ്യല്‍ മീഡിയയ്ക്കുള്ള വിലക്ക് ഇപ്പോഴും തുടരുകയാണ്.

പട്ടേല്‍ സംവരണ പ്രക്ഷോഭ നേതാവ് ഹാര്‍ദിക് പട്ടേലിനെ ജാമ്യമില്ല വകുപ്പ് പ്രകാരം അറസ്റ്റ് ചെയ്തു

കേരളത്തിലും ഇസ്ലാമോഫോബിയ ഉണ്ട്; കേന്ദ്രത്തിനെതിരെ പ്രതികരിക്കുമ്പോള്‍ സന്ദേശങ്ങള്‍ വരും: പാര്‍വതി

കെവി കാമത്ത്, സ്വപന്‍ദാസ് ഗുപ്ത; പ്രമുഖരെ അണിനിരത്തി മന്ത്രസഭ അഴിച്ചുപണിക്കൊരുങ്ങി നരേന്ദ്ര മോദി

English summary
Internet used in Kashmir for watching bad movies says Niti Ayog member
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X