• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പ്രത്യേകം സെല്ലും സുരക്ഷയും ഇല്ല... കാര്‍ത്തി ചിദംബരത്തെ 24 വരെ കസ്റ്റഡിയില്‍ വിട്ടു

  • By Desk

ദില്ലി: ഐഎന്‍എക്സ് മീഡിയാ കേസില്‍ ചിദംബരത്തിന്‍റെ മകന്‍ കാര്‍ത്തി ചിദംബരത്തെ 24 വരെ കോടതി കസ്റ്റഡിയില്‍ വിട്ടു. കേസില്‍ കസ്റ്റഡിയിലായിരുന്ന കാര്‍ത്തിയെ ഇന്ന് അന്വേഷണ സംഘം വീണ്ടും കോടതിയില്‍ ഹാജരാക്കിയിരുന്നു. തനിക്ക് ജയിലില്‍ പ്രത്യേക സെല്ലും സുരക്ഷയും വേണമെന്ന കാര്‍ത്തി ചിദംബരത്തിന്‍റെ ആവശ്യവും കോടതി തള്ളി. ഇതോടെ കാര്‍ത്തിയുടെ കസ്റ്റഡി 15 ദിവസത്തേക്ക് കൂടി നീട്ടിയതായതായി കോടതി വ്യക്തമാക്കി.

ജയിലില്‍ പല അസൗകര്യങ്ങളും ഉണ്ടെന്നും പലരും തന്നെ ശല്യപ്പെടുത്തുന്നുണ്ടെന്നും ചൂണ്ടിക്കാട്ടി പ്രത്യേക സെല്‍ അനുവദിക്കണമെന്നായിരുന്ന കാര്‍ത്തി ചിദംബരം സിബിഐ കോടതിയില്‍ അറിയിച്ചത്.എന്നാല്‍ കാര്‍ത്തിയുടെ ആവശ്യം തള്ളിയ കോടതി ജയില്‍ നിയമങ്ങള്‍ പാലിക്കണമെന്നും വ്യക്തമാക്കി. വീട്ടില്‍ നിന്നും ഭക്ഷണം അനുവദിക്കണമെന്ന കാര്‍ത്തിയുടെ ആവശ്യവും കോടതി തള്ളി. അതേസമയം മാര്‍ച്ച് 15 ന് കാര്‍ത്തിയുടെ ജാമ്യ ഹരജി പരിഗണിക്കുമെന്നും കോടതി വ്യക്തമാക്കി.

അന്വേഷണം പൂര്‍ത്തിയായികൊണ്ടിരിക്കുകയാണെന്നും അതിനാല്‍ കൂടുതല്‍ ദിവസം കാര്‍ത്തിയെ കസ്റ്റഡിയില്‍ വെയ്ക്കേണ്ട ആവശ്യമില്ലെന്നും സിബിഐയുടെ പ്രത്യേക അന്വേഷണ സംഘം കോടതിയില്‍ വ്യക്തമാക്കി. ഫിബ്രവരി 28നാണ് കാര്‍ത്തിയെ സിബിഐ കസ്റ്റഡിയില്‍ എടുത്തത്. ചിദംബരം ധനമന്ത്രിയായിരിക്കെ ഐഎന്‍എക്സ് മീഡിയ സ്ഥാപനത്തിന് വിദേശത്ത് നിന്ന് 305 കോടി രൂപ നിക്ഷേപം സ്വീകരിക്കുന്നതിന് വിദേശ നിക്ഷേപ പ്രോത്സാഹന ബോര്‍ഡ് അനുമതി നല്‍കിയെന്നും അതിന് കാര്‍ത്തി ചിദംബരത്തിന് 3.5 കോടി രൂപ കോഴ ലഭിച്ചെന്നുമാണ് കേസ്.

English summary
A trial court sent Karti Chidambaram, son of former Union minister P Chidambaram, to judicial custody till March 24 in the INX Media corruption case.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more