Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ആപ്പിന്റെ ക്ഷണം ഇറോം ഷര്‍മിള നിരസിച്ചു
കൊല്‍ക്കത്ത: ലോക്‌സഭ തിരഞ്ഞെടുപ്പില്‍ മത്സരിക്കാനുള്ള ആം ആദ്മി പാര്‍ട്ടിയുടെ ക്ഷണം ഇറോം ശര്‍മിള നിരസിച്ചു. മണിപ്പൂരിന്റെ ഉരുക്കുവനിത എന്നറിയപ്പെടുവന്ന ഇറോം ശര്‍മിളയെ ആം ആദ്മി പാര്‍ട്ടി നേതാക്കളാണ് തിരഞ്ഞെടുപ്പില്‍ മത്സരിക്കാനായി ക്ഷണിച്ചത്. ശര്‍മിളയുടെ സഹോദരനായ ഇറോം സിംദജിതാണ് ഇക്കാര്യം അറിയിച്ചത്.
ആം ആദ്മി പാര്‍ട്ടിയുടെ ക്ഷണം സ്വീകരിക്കേണ്ടതില്ല എന്ന് ഇറോം തീരുമാനിക്കുകയായിരുന്നു. ആപ്പ് എന്നല്ല ഇറോം ശര്‍മിളയ്ക്ക് ഒരു പാര്‍ട്ടി രാഷ്ട്രീയത്തിലും വിശ്വാസമില്ല എന്ന് അവരുടെ സഹോദരന്‍ പറഞ്ഞു. തന്റെ രാഷ്ട്രീയപ്രവര്‍ത്തനം സ്വതന്ത്രമായി തുടരാനാണ് ശര്‍മിളയുടെ തീരുമാനം. മണിപ്പൂരിലെ സായുധസേന പ്രത്യേകാധികാര നിയമം പിന്‍വലിക്കണമെന്ന ആവശ്യവുമായി കഴിഞ്ഞ 13 വര്‍ഷമായി നിരാഹാരസമരത്തിലാണ് ഇറോം ശര്‍മിള.
ഇംഫാലിലെ മാലോം എന്ന ഗ്രാമത്തില്‍ 2000ത്തില്‍ ആസ്സാം റൈഫിള്‍സിലെ സൈനികര്‍ നടത്തിയ വെടിവെപ്പില്‍ ഗര്‍ഭിണിയടക്കം പത്ത് പേരാണ് കൊല്ലപ്പെട്ടത്. ഇതേത്തുടര്‍ന്നാണ് പ്രത്യേകാധികാരനിയമം പിന്‍വലിക്കണമെന്ന ആവശ്യമുയര്‍ത്തി ഇറോം അനിശ്ചിതകാല നിരാഹാരസമരം തുടങ്ങിയത്. ട്യൂബ് ഉപയോഗിച്ച് മൂക്കിലൂടെ നല്‍കുന്ന ഭക്ഷണമാണ് ഒരു പതിറ്റാണ്ടിലേറെയായി ഇറോമിന്റെ ജീവന്‍ നിലനിര്‍ത്തുന്നത്.
അഴിമതിക്കെതിരായ മുദ്രാവാക്യവുമായി രാഷ്ട്രീയ രംഗത്തേക്ക് കടന്നുവന്ന ആം ആദ്മി പാര്‍ട്ടി തങ്ങളുടെ ആദ്യ ശ്രമത്തില്‍ തന്നെ ദില്ലി ഭരണം പിടിച്ചെടുത്തിരുന്നു. എന്നാല്‍ ജനലോക്പാല്‍ വിഷയത്തില്‍ രാജിവെച്ച അരവിന്ദ് കെജ്രിവാളും കൂട്ടരും ലോക്‌സഭ തിരഞ്ഞെടുപ്പിനെ ലക്ഷ്യം വെക്കുകയാണ് ഇപ്പോള്‍. ഇതിന്റെ ഭാഗമായാണ് പൊതുരംഗത്തെ പ്രമുഖരെ ആപ്പില്‍ മത്സരിപ്പിക്കാന്‍ ശ്രമം നടക്കുന്നത്.
