Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അച്ചാദിന്‍ എവിടെയെന്ന് ചോദിച്ച് പോഗ്ബയും; മോദിയെ ട്രോളി കോണ്‍ഗ്രസ്, ഏറ്റെടുത്ത് സോഷ്യല്‍ മീഡിയ
ഒരു പതിറ്റാണ്ട് നീണ്ടു നിന്ന യുപിഎ ഭരണത്തിന് അന്ത്യം കുറിച്ചുകൊണ്ടായിരുന്നു 2014 ല്‍ നരേന്ദ്രമോദിയുടെ നേതൃത്വത്തിലുള്ള ബീജെപി സര്‍ക്കാര്‍ കേന്ദ്രത്തില്‍ അധികാരത്തിലേറ്റത്. നിരവധി അഴിമതി ആരോപണങ്ങള്‍ നേരിട്ട മന്‍മോഹന്‍ സര്‍ക്കാറിനെ പരാജയപ്പെടുത്താന്‍ വന്‍ പ്രചരണങ്ങളും ബിജെപിക്ക് തുകയായി. അച്ചാദിന്‍ ആയേഗാ എന്ന മുദ്രാവാക്യം ആയിരുന്നു ഇതില്‍ പ്രധാനം.
ബിജെപി അധികാരത്തില്‍ വരികയാണെങ്കില്‍ രാജ്യത്തെ ജനങ്ങള്‍ക്ക് അച്ചാദിന്‍ (നല്ല ദിവസങ്ങള്‍) ഉണ്ടാകുമെന്നായിരുന്നു ബിജെപിയുടെ വാഗ്ദാനം. എന്നാല്‍ ബിജെപി അധികാരത്തില്‍ വന്ന് നാളുകളേറെആയിട്ടും അച്ചാദിന്‍ എവിടെ എന്നാണ് പ്രതിപക്ഷപാര്‍ട്ടികളുള്‍പ്പടേയുള്ളവര്‍ ചോദിച്ചു കൊണ്ടിരിക്കുന്നത്. ഇതിനെ ട്രോളിക്കൊണ്ട് ഇപ്പോള്‍ കോണ്‍ഗ്രസും രംഗത്ത് എത്തിയിരിക്കുകയാണ്.
അച്ചാദിന്‍
അധികാരത്തില്‍ വന്ന് നാല് വര്‍ഷങ്ങള്‍ പിന്നിട്ടെങ്കിലും തങ്ങള്‍ വാഗ്ദാനം ചെയ്ത അച്ചാദിന്‍ നടപ്പിലാക്കാന്‍ ബിജെപിക്ക് ഇതുവരെ സാധിച്ചിട്ടില്ല. പെട്രോള്‍-ഡീസല്‍ വിലവര്‍ധനവ് മുന്‍കാലങ്ങളിലേതിനേക്കാല്‍ ഓരോ ദിനവും കുതിച്ചുകൊണ്ടിരിക്കുന്നു. തൊഴിലില്ലായ്മയും രാജ്യത്ത് രൂക്ഷമാണ്.
ഉത്തരം ഇല്ല
ഈ സാഹചര്യങ്ങള്‍ നിലനില്‍ക്കേയാണ് മോദിയും ബിജെപിയും വാഗ്ദാനം ചെയ്ത അച്ചാദിന്‍ എവിടെ എന്ന് ജനങ്ങളും പ്രതിപക്ഷ പാര്‍ട്ടികളും ചോദിച്ചുകൊണ്ടിരിക്കുന്നത്. അധികാരത്തില്‍ വന്ന നാള്‍ മുതല്‍ ഈ ചോദ്യം പല കോണില്‍ നിന്ന് ഉന്നയിക്കുന്നുണ്ടെങ്കിലും ബിജെപി ഇതുവരെ കൃത്യമായ ഒരു ഉത്തരം ഇതുവരെ പറഞ്ഞിട്ടില്ല.
പരിഹാസം
പെട്രോള്‍ ഡീസല്‍ വിലവര്‍ധനവിന് പുറമേ നോട്ട് നിരോധനം ജിഎസ്ടി തുടങ്ങിയ പല കേന്ദ്രസര്‍ക്കാര്‍ നയങ്ങളും ജനങ്ങളെ ദുരിതത്തിലാഴ്ത്തി. പിന്നീട് ബിജിപെയുടേയും മോദിയുടേയും അച്ചാദിന്‍ വാഗ്ദാനം രാഷ്ട്രീയ എതിരാളികള്‍ പരിഹാസത്തോടെയാണ് പിന്നീട് കണ്ടിരുന്നത്.
ട്രോളിലൂടെ
പാര്‍ലമെന്റിന്റെ മണ്‍സൂണ്‍ സെഷന്‍ ഇന്ന് തുടങ്ങിയിരിക്കേ കോണ്‍ഗ്രസ് ഈ ചോദ്യം ഉന്നയിച്ച് വീണ്ടും രംഗത്ത് എത്തിയിരിക്കുകയാണ് ഇപ്പോള്‍. പതിവ് ആരോപണം എന്നതിലുപരി രസകരമായ ഒരു ട്രോളിലൂടെയാണ് കോണ്‍ഗ്രസ് മോദിയേയും അച്ചാദിന്‍ വാഗ്ദാനത്തേയും പരിഹസിച്ചിരിക്കുന്നത്.
പോഗ്ബ
ഫ്രാന്‍സ് ഫുട്‌ബോള്‍ താരം പോഗ്ബയുടെ ശരീര ചലനങ്ങളെ ഉപയോഗപ്പെടുത്തിയാണ് കോണ്‍ഗ്രസ് മോദിയേയും അച്ചാദിന്‍ വാഗ്ദാനത്തേയും ട്രോളിയിരിക്കുന്നത്. ലോകകപ്പ് ഫുട്‌ബോള്‍ കിരീടം ഫ്രാന്‍സ് നേടിയത് ആഘോഷിക്കുന്ന പോഗ്ബയുടെ ഏറെ ഹിറ്റായ ദൃശ്യങ്ങളായിരുന്നു ഇത്.
ഹിറ്റ് ട്വീറ്റ്
പോഗ്ബയെ ടാഗ് ചെയ്താണ് കോണ്‍ഗ്രസ് വീഡിയോ ട്വീറ്റ് ചെയ്തിരിക്കുന്നത്. പോഗബയ്ക്കും ഞങ്ങള്‍ക്കും ഓരേ അനുഭവമാണെന്നാണ് കോണ്ഗ്രസ്സിന്റെ ടീറ്റ്. കോണ്ഗ്രസ്സിന്റെ പരിഹാസം നിറഞ്ഞ ട്വീറ്റ് ഇതിനോടകം തന്നെ സോഷ്യല്‍ മീഡിയ ഏറ്റെടുത്തു കഴിഞ്ഞു.
|
ട്വീറ്റ്
കോണ്ഗ്രസ്സിന്റെ ട്രോള്‍
മഴക്കാല സമ്മേളനം
അതേസമയം പാര്‍ലമെന്റിന്റെ മഴക്കാല സമ്മേളനം പ്രതിപക്ഷ പാര്‍ട്ടികളുടെ പ്രതിഷേധത്തില്‍ മുങ്ങുമെന്നത് മുന്നില്‍ കണ്ട് ശ്രദ്ധ്വേയമായ നീക്കങ്ങളാണ് ബിജെപി നടത്തുന്നത്. കഴിഞ്ഞ സമ്മേളനത്തില്‍ മുഴുവന്‍ സഭ നിര്‍ത്തിവെക്കുന്നതിനും ബഹളത്തിനും കാരണമായ അവിശ്വാസ പ്രമേയത്തിന് ഏവരേയും ഞെട്ടിച്ചു കൊണ്ടാണ് ബിജെപി ഇന്ന് അവതരണാനുമതി നല്‍കിയത്.
രാജ്യസഭാ
പുതിയ അംഗങ്ങള്‍ സത്യപ്രതിജ്ഞ ചെയ്തുകൊണ്ടാണ് രാജ്യസഭാ നടപടികള്‍ ആരംഭിച്ചത്. വനിതാ സംവരണ ബില്ല്, മുത്തലാഖ്-നിക്കാഹ് ഹലാല വിരുദ്ധ ബില്ലുകള്‍ എന്നിവ സമ്മേളനത്തില്‍ പാസാക്കേണ്ടതുണ്ടെന്ന് നിയമമന്ത്രി രവി ശങ്കര്‍ പ്രസാദ് രാഹുല്‍ ഗാന്ധിക്കയച്ച കത്തില്‍ വ്യക്തമാക്കി. ഓഗസ്റ്റ് പത്തിനാണ് സമ്മേളനം അവസാനിക്കുക.
സര്‍വകക്ഷിയോഗം
സമ്മേളനത്തിന് മുന്നോടിയായി പ്രധാനമന്ത്രിയുടെ അധ്യക്ഷതയില്‍ സര്‍വകക്ഷിയോഗം ചേര്‍ന്നിരുന്നു. ഇരുസഭകളുടെയും സുഗമമായ നടത്തിപ്പിന് എല്ലാവരും സഹകരിക്കണമെന്ന് മോദി അഭ്യര്‍ഥിച്ചു. പ്രതിപക്ഷം പൂര്‍ണമായി സഹകരിക്കുമെന്ന് ഉറപ്പ് നല്‍കിയതായി ബിജെപി നേതാക്കള്‍ അറിയിച്ചു.
