ഐഎസ്ആർഒയുടെ നൂറാമത് വിക്ഷേപണം: ഉപ​ഗ്രഹത്തിന് സാങ്കേതിക തകരാർ

ബെം​​ഗളൂരു: ബുധനാഴ്ച വിക്ഷേപിച്ച നാവി​ഗേഷൻ ഉപ​ഗ്രഹത്തിന് ഞായാറാഴ്ച സാങ്കേതിക തകരാർ സംഭവിച്ചതിനെ തുടർന്ന് ബഹിരാകാശ ​ഗവേഷണ സംഘടനയുടെ ( ഐ എസ് ആർ ഒ ) നൂറാമത് റോക്കറ്റ് ദൗത്യത്തിന് തടസ്സം നേരിട്ടു. ശ്രീഹരിക്കോട്ടയിൽ സതീഷ് ധവാൻ സ്പെയ്സ് സെന്ററിലെ നൂറാം വിക്ഷേപണത്തിലൂടെ അയച്ച എൻ എൻ വി എസ് 02 ഉപ​ഗ്രഹത്തിനാണ് പ്രതിസന്ധി. സാങ്കേതിക തകരാർ മൂലം വിക്ഷേപണശേഷം ഉപ​ഗ്രഹത്തിന്റെ ഭ്രമണപഥം ഉയർത്താനായില്ല. പ്രതിസന്ധി മറികടക്കാനുള്ള ശ്രമത്തിലാണ് ശാസ്ത്രജ്ഞർ.

​ഗതി, ദിശ നിർണയ ആവശ്യങ്ങൾക്കായി ഇന്ത്യ വികസിപ്പിക്കുന്ന നാവിക് സംവിധാനത്തിലേക്കുള്ള രണ്ടാമത്തെ ഉപ​ഗ്രഹമാണ് എൻ വി എസ് 02. ഈ ശ്രേണിയിലെ ആദ്യ ഉപ​ഗ്രഹം 2-23 മേയ് 29 ന് വിക്ഷേപിച്ചു. ​ഗതി, ദിശ നിർണയ ആവശ്യങ്ങൾക്ക് അമേരിക്കയുടെ ജി പി എസിനെ
ആശ്രയിക്കുന്നതിന് പകരം സ്വയം പര്യാപ്തത കൈവരിക്കാനാണ് നാവികിലൂടെ ലക്ഷ്യമിട്ടിരിരുന്നത്. ജി എസ് എൽവിയുടെ പതിനേഴാം ദൗത്യമായിരുന്നു ഇത്.

അതേ സമയം ഉപദ​ഗ്രഹ സംവിധാനങ്ങള്ഡ ആരോ​ഗ്യകരമാണെന്നും ഉപ​ഗ്രഹം നിലവിൽ ​ ദീർഘവൃത്ത ഭ്രമണപഥത്തിലാണ്. ഒരു ദീർഘവൃത്ത ഭ്രമണപഥത്തിൽ നാവി​ഗേഷനായി ഉപ​ഗ്രഹം ഉപയോ​ഗിക്കുന്നതിനുള്ള ഇതര ദൗത്യ തന്ത്രങ്ങൾ ആവിഷ്ക്കരിച്ച് വരികയാണെന്നും ഐ എസ് ആർ ഒ അറിയിച്ചു.

ബുധനാഴ്ച രാവിലെ 6:23 ന്, ഐ എസ് ആർ ഒ അതിന്റെ നൂറാം ദൗത്യം അടയാളപ്പെടുത്തി ആന്ധ്രാപ്രദേശിലെ ശ്രീഹരിക്കോട്ടയിൽ എൻ വി എസ് 02 വഹിച്ചുകൊണ്ട് GSLV-F15 വിജയകരമായി വിക്ഷേപിച്ചു. അടുത്തിടെ ചുമതലയേറ്റ ബഹിരാകാശ ഏജൻസിയുയെ ചെയർമാൻ വി നാരായണന്റെ ആദ്യ ദൗത്യം കൂടിയാണിത്. ഐ എസ് ആർ ഒ യുടെ ഈ വർഷത്തെ ആദ്യ സംരംഭം കൂടിയാണിത്.

dd

170 കിലോ മീറ്റർ അടുത്ത ദൂരവും 37000 കിലോ മീറ്റർ അകന്ന ദൂരവും ദീർഘവൃത ഭ്രമണപഥത്തിലാണ് നിലവിൽ ഉപ​ഗ്രഹം ഭൂമിയെ വലയം വെക്കുന്നത്. ലിക്കുഡ് അപോജി മോട്ടർ എന്ന എ‍ഞ്ചിനാണ് ഭ്രമണ പഥം ഉയർത്തേണ്ടിയിരുന്നത്. എൻജിൻ വാൽവിന് തകരാർ സംഭവിച്ചതിന് പിന്നാലെ ത്രസ്റ്ററുകൾക്ക് കൃത്യമായി പ്രവർത്തിക്കാൻ സാധിക്കാതെ വരികയായിരുന്നു.

ഏതാനും ദിവസം മുൻപ് നൂറാം റോക്കറ്റ് വിക്ഷേണപണത്തിന്റെ ഓൺബോർഡ് വീഡിയോ ഐ എസ് ആർ ഒ പുറത്തുവിട്ടിരുന്നു. ജി എസ് എൽ വി എഫ് 15 റോക്കറ്റ് വിക്ഷേപണത്തിന്റെയും ബ​ഹിരാകാശത്ത് വെച്ച് ​ഗതിനിർണയ ഉപ​ഗ്രഹമായ എൻ വി എസ് 02 വേർപ്പെടുന്നതിന്റെയും ആറ് മിനിറ്റ് ദൈർഘ്യമുള്ള ദൃശ്യങ്ങളാണ് ഐ എസ് ആർ ഒ എക്സിൽ പങ്കുവെച്ചത്.