പിഎസ്എല്വിയുടെ 50ാം വിക്ഷേപവും വിജയകരം; ഇന്ത്യയുടെ ആദ്യ ചാര ഉപഗ്രഹം ഭ്രമണപഥത്തില്
ശ്രീഹരിക്കോട്ട: ഇന്ത്യയുടെ ബഹിരാകാശ ദൗത്യത്തിന് മുതല്ക്കൂട്ടായി പിഎസ്എല്വിയുടെ അമ്പതാം വിക്ഷേപണവും വിജയകരമായി പൂര്ത്തിയായി. ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്ന് ഉച്ചകഴിഞ്ഞ് 3.2 5ഓടെയാണ് ഇന്ത്യയുടെ ഏറ്റവും പുതിയ ചാര ഉപഗ്രഹമായ റിസാറ്റ്-2 ബിആര് 1 ആണ് വിജയകരമായി വിക്ഷേപിച്ചത്. ഇതോടൊപ്പം 9 ചെറു ഉപഗ്രഹങ്ങളും പിഎസ്എല്വി ഭൂമിയുടെ ഭ്രമണ പഥത്തില് എത്തിക്കും.
ന്യൂ സ്പേസ് ഇന്ത്യ ലിമിറ്റഡുമായുള്ള വാണിജ്യ കരാര് പ്രകാരം യുഎസ്, ഇറ്റലി, ജപ്പാന്, ഇസ്രായേല് തുടങ്ങിയ രാജ്യങ്ങളുടെ ഉപഗ്രഹങ്ങളാണ് പിഎസ്എല്വി വഹിക്കുന്നത്. 21 മിനിറ്റും 19.5 സെക്കന്ഡുമെടുത്താണ് ഉപഗ്രഹങ്ങളെ ഭ്രമണപഥത്തിലെത്തിക്കുക.628 കിലോഗ്രാം ഭാരമുള്ള റിസാറ്റ്-2 ബിആറിന് 5 വര്ഷമാണ് കാലാവധി. കൃഷി, ദുരന്തനിവാരണത്തിനുള്ള സഹായം, വാനനിരീക്ഷണം തുടങ്ങിയവയാണ് റിസാറ്റ്-2 ബിആര് വഴി ലക്ഷ്യമിടുന്നത്.
ഭൂമിയില് നിന്നും 576 കിലോമീറ്റര് അകലെയുള്ള ഭ്രമണ പഥത്തിലാണ് ഈ ഭൗമനിരീക്ഷണ ഉപഗ്രഹം എത്തിക്കുന്നത്. കഴിഞ്ഞ മാസം അതായത് നവംബര് 27നാണ് ഐഎസ്ആര്ഒ കാര്ട്ടോസാറ്റ് 3 ഉപഗ്രഹം വിജയകരമായി വിക്ഷേപിച്ചത്. ഉയര്ന്ന റെസല്യൂഷന് ഇമേജിംഗ് ശേഷിയുള്ള മൂന്നാം തലമുറ ഉപഗ്രഹമായിരുന്നു കാര്ട്ടോസാറ്റ് 3. ജൂലൈയില് ചന്ദ്രയാന് 2 ന് ശേഷം ഇസ്രോയുടെ രണ്ടാമത്തെ വിക്ഷേപണമായിരുന്നു അത്. എസ്.ആര് ബിജുവാണ് ദൗത്യത്തിന്റെ ഡയറക്ടര്.
#WATCH ISRO launches RISAT-2BR1 and 9 customer satellites by PSLV-C48 from Satish Dhawan Space Centre (SDSC) SHAR, Sriharikota; RISAT-2BR1 is a radar imaging earth observation satellite weighing about 628 kg. pic.twitter.com/mPF2cN9Tom
— ANI (@ANI) December 11, 2019