ചന്ദ്രയാൻ രണ്ട് പകർത്തിയ ആദ്യ ചിത്രങ്ങൾ പുറത്തു വിട്ടു; അഭിമാനത്തോടെ ഐഎസ്ആർഒ
ദില്ലി: ഇന്ത്യയുടെ ചാന്ദ്രപരിവേഷണ പേടകമായ പേടകമായ ചന്ദ്രയാൻ 2 പകർത്തിയ ആദ്യ ചിത്രങ്ങൾ ഐഎസ്ആർഒ പുറത്തു വിട്ടു. ചന്ദ്രന്റെ ഉപരിതലത്തിൽ നിന്നും 2650 കിലോമീറ്റർ ഉയരത്തിൽ നിന്നും പകർത്തിയ ചിത്രങ്ങളാണ് പുറത്ത് വിട്ടത്. അപ്പോളോ ക്രേറ്ററും മെറെ ഒറിയന്റലും ചന്ദ്രയാൻ പകർത്തിയ ചിത്രത്തിൽ കാണാം. ചന്ദ്രന്റെ ഭ്രമണ പദത്തിലാണ് ചന്ദ്രയാൻ 2 ഇപ്പോളുള്ളത്.
ഓഗസ്റ്റ് 21ന് പകർത്തിയ ചിത്രങ്ങളാണിതെന്ന് ഐഎസ്ആർഒ വ്യക്തമാക്കി. ചന്ദ്രന്റെ സതേൺ ഹെമിസ്ഫിയറിൽ സ്ഥിതിചെയ്യുന്ന 538 കിലോമീറ്റർ വ്യാസമുള്ള വിള്ളലാണ് അപ്പോളോ. നാസയുടെ അപ്പോളോ മിഷനുള്ള ബഹുമാന സൂചകമായാണ് ഈ പേര് നൽകിയത്. ഈ വിള്ളലിനകത്ത് നിരവധി ചെറു വിള്ളലുകളും ഉണ്ട്. നാസയുടെ ബഹിരാകാശ യാത്രികരുടെ പേരുകളാണ് ഈ വിള്ളലുകൾക്ക് നൽകിയിരിക്കുന്നത്.
കിഴക്കൻ സമുദ്രം എന്നാണ് ഓറിയന്റിലിന്റെ ലാറ്റിൻ പേര്. ലക്ഷക്കണക്കിന് വർഷങ്ങൾ മുൻപുണ്ടായ അഗ്നിപർവ്വത സ്ഫോടനത്തിന്റെ ഫലമായി രൂപം കൊണ്ടതാണ് ഇതെന്നാണ് സൂചന. ഏകദേശം 950 കിലോമീറ്ററാണ് ഇതിന്റെ വിസ്തൃതി. 300 കോടി വർഷങ്ങൾക്ക് മുമ്പ് രൂപപ്പെട്ടതാണിതെന്നാണ് സൂചന.
Take a look at the first Moon image captured by #Chandrayaan2 #VikramLander taken at a height of about 2650 km from Lunar surface on August 21, 2019.
— ISRO (@isro) August 22, 2019
Mare Orientale basin and Apollo craters are identified in the picture.#ISRO pic.twitter.com/ZEoLnSlATQ
കഴിഞ്ഞ ജൂലൈ 22നാണ് ചന്ദ്രയാൻ 2 വിക്ഷേപിക്കുന്നത്. ഓഗസ്റ്റ് 28, 30 സെപ്റ്റംബർ ഒന്ന് തീയതികളിൽ വീണ്ടും ചന്ദ്രയാൻ രണ്ടിന്റെ ഭ്രമണപദം ക്രമീകരിച്ച് ചന്ദ്രോപരിതലത്തോട് അടുക്കും. സെപ്റ്റംബർ ഏഴിന് രാത്രി 1.40ന് ചന്ദ്രനിലിറക്കാനാണ് പദ്ധതി.
Click it and Unblock the Notifications
Sign in with Google