• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

നിർണായക ഘട്ടം കടന്ന് ചന്ദ്രയാൻ 2, എല്‍14 ക്യാമറ പകർത്തിയ ഭൂമിയുടെ അതിമനോഹര ചിത്രങ്ങൾ

ദില്ലി: ഇന്ത്യയുടെ അഭിമാന പദ്ധതിയായ ചന്ദ്രയാന്‍ 2 യാത്രയിലെ നിര്‍ണായകമായ ഒരു ഘട്ടം കൂടി പൂര്‍ത്തിയാക്കിയിരിക്കുകയണ്. ചന്ദ്രന്റെ ഭ്രമണ പഥത്തിലേക്ക് ചന്ദ്രയാന്‍ 2 കടന്നിരിക്കുകയാണ്. ഏറെ വെല്ലുവിളി നിറഞ്ഞ ഘട്ടമാണ് ചന്ദ്രയാന്‍ 2 പൂര്‍ത്തിയാക്കിയിരിക്കുന്നത്. സുപ്രധാനമായ നാഴികക്കല്ലാണ് ഇന്ത്യയുടെ ചന്ദ്ര ദൗത്യം പിന്നിട്ടിരിക്കുന്നത് എന്നാണ് ഐഎസ്ആര്‍ഒ ചെയര്‍മാന്‍ പ്രതികരിച്ചിരിക്കുന്നത്.

ജൂലൈ 22നാണ് ശ്രീഹരിക്കോട്ടയിലെ വിക്ഷേപണത്തറയില്‍ നിന്നും ഇന്ത്യയുടെ ബഹിരാകാശ സ്വപ്‌നങ്ങളും ചിറകിലേറ്റി ചന്ദ്രയാന്‍ 2 വിജയകരമായി കുതിച്ച് പൊങ്ങിയത്. 29 ദിവസം ഭൂമിയുടെ ഭ്രമണ പഥത്തില്‍ ചന്ദ്രയാന്‍ ചുറ്റിയ ശേഷമാണ് ചന്ദ്രന്റെ ഭ്രമണ പഥത്തിലേക്ക് കടന്നിരിക്കുന്നത്.

ചന്ദ്രയാന്‍ 2 പകര്‍ത്തിയ ഭൂമിയുടെ ആദ്യ ദൃശ്യങ്ങള്‍ ആഗസ്റ്റ് 4ന് ഐഎസ്ആര്‍ഒ പുറത്ത് വിട്ടിരുന്നു. എല്‍14 ക്യാമറ ഉപയോഗിച്ച് പകര്‍ത്തിയ ഒരു കൂട്ടം മനോഹര ചിത്രങ്ങളാണ് ഐഎസ്ആര്‍ഒ പുറത്ത് വിട്ടത്. ആഗസ്റ്റ് മൂന്ന് ശനിയാഴ്ച വൈകിട്ട് 5 മണിയോടെയാണ് ഈ ചിത്രങ്ങള്‍ പകര്‍ത്തിയത്.

ചന്ദ്രന്റെ ദക്ഷിണ ധ്രുവത്തില്‍ ഇറങ്ങി പര്യവേഷണം നടത്തുന്ന ലോകത്തിലെ തന്നെ ആദ്യത്തെ ദൗത്യമാണ് ഇന്ത്യയുടെ ചന്ദ്രയാന്‍ 2. സെപ്റ്റംബര്‍ 7ന് ചന്ദ്രയാന്‍ 2 ചന്ദ്രന്റെ ഉപരിതലത്തില്‍ ഇറങ്ങും. ചന്ദ്രന്റെ ഭ്രമണ പഥത്തില്‍ 13 ദിവസമാണ് ചന്ദ്രയാന്‍ 2 ഭ്രമണം നടത്തുക. 978 കോടി മുതല്‍ മുടക്കിലാണ് ഇന്ത്യ ചന്ദ്രയാന്‍ 2 നെ ചന്ദ്രനിലേക്ക് അയച്ചിരിക്കുന്നത്.

English summary
ISRO tweets beautiful pictures of Earth taken by Chandrayaan 2
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more