Click it and Unblock the Notifications
Just In
Don't Miss
-
ഉദരാരോഗ്യം നശിച്ചാല് പഞ്ചറാകും മൊത്തം ശരീരം; കുടലിന്റെ ആരോഗ്യം വഷളാക്കും ഈ ശീലങ്ങള് -
IPL 2024: വിജയ വഴിയില് തിരിച്ചെത്താന് കെകെആര്, തിരിച്ചുവരാന് ലഖ്നൗ- ടോസ് 3 മണിക്ക് -
ആമസോണിനെ വെല്ലുവിളിച്ച് ഫ്ലിപ്പ്കാർട്ട്; ഐഫോൺ 15ന് 50,000 രൂപ ഡിസ്കൗണ്ട് -
മലയാള സിനിമയുടെ ഗെയിം ചെയ്ഞ്ചര് ആ മമ്മൂട്ടി ചിത്രമാണ്; തുറന്നു പറഞ്ഞ് വിനീത് ശ്രീനിവാസന് -
ബെംഗളുരുവിലെ ചൂടിന് ഒരു ബ്രേക്ക്, മൂന്നാർ വഴി തേക്കടി, പെരിയാർ യാത്ര.. -
ഏത് ഫാമിലി ഇലക്ട്രിക് സ്കൂട്ടർ വാങ്ങണമെന്ന കൺഫ്യൂനിലാണോ? മിടുക്കൻ റിസ്തയോ ഐക്യൂബോ എന്നറിയാം -
പണമിടപാടുകളിൽ ശ്രദ്ധ വേണം, തുലാക്കൂറുകാർക്ക് നല്ല ദിവസം, അറിയാം സമ്പൂർണ വാരഫലം
വീണ്ടും പാക് പ്രകോപനം: ഇന്ത്യ തിരിച്ചടിച്ചു!! ആക്രമണം ഉറി സെക്ടറില്‍
നിരവധി ഇന്ത്യന്‍ സൈനിക പോസ്റ്റുകളാണ് പാക് സൈന്യം ഷെല്ലാക്രമണത്തില്‍ തകര്‍ത്തത്
ശ്രീനഗര്‍: ജമ്മു കശ്മീരില്‍ ഇന്ത്യയുടെ ക്ഷമ പരീക്ഷിച്ച് പാക് സൈന്യം. കശ്മീരിലെ ഉറി സെക്ടറിലാണ് ഇന്ത്യന്‍ സൈന്യം വെടിനിര്‍ത്തല്‍ കരാര്‍ ലംഘിച്ച് ആക്രമണം നടത്തിയത്. ആക്രമണത്തില്‍ ഒരു ഇന്ത്യന്‍ സൈനികന് പരിക്കേറ്റു. നിരവധി ഇന്ത്യന്‍ സൈനിക പോസ്റ്റുകളാണ് പാക് സൈന്യം ഷെല്ലാക്രമണത്തില്‍ തകര്‍ത്തത്. ഇന്ത്യയും ശക്തമായ തിരിച്ചടി നല്‍കി. തിങ്കളാഴ്ച വൈകിട്ടായിരുന്നു ആക്രമണം.
തിങ്കളാഴ്ച രാവിലെ ജമ്മു കശ്മീരിലെ പൂഞ്ചിലെ ബാലെക്കോട്ടില്‍ നിയന്ത്രണ രേഖയ്ക്ക് സമീപത്താണ് വെടിവെയ്പുണ്ടായത്. ബാലെക്കോട്ടെയ്ക്ക് പുറമേ കശ്മീരിലെ രജൗരിയിലെ മഞ്ജാക്കോട്ടിലും ജമ്മു കശ്മീരിലെ ബിംബര്‍ ഗലി സെക്ടറിലും പാകിസ്താന്‍ വെടിനിര്‍ത്തല്‍ കരാര്‍ ലംഘിച്ച് ആക്രമണം നടത്തിയിരുന്നു. ഈ പ്രദേശങ്ങളില്‍ ഇന്ത്യന്‍ സൈന്യം ശക്തമായി തിരിച്ചടിക്കുകയും ചെയ്തു.
പാക് സൈന്യം പ്രകോപനമില്ലാതെയാണ് നിയന്ത്രണ രേഖയ്ക്ക് സമീപത്തുള്ള ബിംബര്‍ ഗലി സെക്ടറിലും രാവിലെ 7.30 മുതല്‍ തന്നെ വെടിവെയ്പ് ആരംഭിച്ചിരുന്നുവെന്ന് പ്രതിരോധ വക്താവിനെ ഉദ്ധരിച്ച് ഐഎഎന്‍എസ് വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു. ശനിയാഴ്ച പാക് സൈന്യം വെടിനിര്‍ത്തല്‍ കരാര്‍ ലംഘിച്ച് ആക്രമണം നടത്തയതിനെ തുടര്‍ന്ന് ഇന്ത്യ നല്‍കിയ തിരിച്ചടിയില്‍ ഒരു പാക് സൈനികന് കൊല്ലപ്പെട്ടിരുന്നു.
ഇന്ത്യന്‍ സൈന്യം നടത്തിയ വെടിവെയ്പില്‍ വാഹനത്തിന് വെടിയേറ്റതോടെ നാല് സൈനികരുമായി വാഹനം പുഴയിലേക്ക് മറിയുകയായിരുന്നു. ഇന്ത്യയുടെ ഭാഗത്തുനിന്നുണ്ടായത് വെടിനിര്‍ത്തല്‍ കരാര്‍ ലംഘനമാണെന്ന് ആരോപിച്ച് പാക് സൈന്യം രംഗത്തെത്തിയിരുന്നു. ഒരു സൈനികന്‍റെ മൃതദേഹം പുഴയില്‍ നിന്ന് കണ്ടെടുത്തെങ്കിലും മറ്റ് മൂന്ന് പേര‍െ കണ്ടെത്തുന്നതിനായി രക്ഷാപ്രവര്‍ത്തനം നടത്തിവരികയാണ്. ഇന്ത്യയുടെ വെടിനിര്‍ത്തല്‍ കരാര്‍ ലംഘനത്തിന് പാക് സൈന്യം തിരിച്ചടി നല്‍കിയെന്നും പാകിസ്താന്‍ വ്യക്തമാക്കി. വിഷയത്തില്‍ ഡിജിഎംഒ ചര്‍ച്ചയും നടന്നിരുന്നു. ഇതിനെല്ലാമൊടുവിലാണ് ഉറി സെക്ടറില്‍ ആക്രമണമുണ്ടാവുന്നത്.
