Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ജയില്‍ചാടിയ അഞ്ചു തടവുകാരെ വെടിവെച്ചുകൊന്നു
റാഞ്ചി: ബോളിവുഡ് സിനിമയെ അനുസ്മരിപ്പിക്കുന്ന രീതിയില്‍ പോലീസിനെ വെട്ടിച്ച് കടന്നുകളയാന്‍ ശ്രമിച്ച അഞ്ചു തടവുകാരെ സുരക്ഷാ ഗാര്‍ഡുകള്‍ വെടിവെച്ചു കൊലപ്പെടുത്തി. ഝാര്‍ഖണ്ഡിലെ ചായ്ബാസയിലെ ജയിലില്‍ ചൊവ്വാഴ്ച വൈകിട്ടോടുകൂടിയായിരുന്നു സംഭവം. കോടതിയില്‍ ഹാജരാക്കി തിരിച്ചുകൊണ്ടുവരികയായിരുന്ന വിചാരണ തടവുകാരാണ് ജയില്‍ ചാടാന്‍ ശ്രമിച്ചത്.
17 തടവുകാരുമായി കോടതിയില്‍ പോയി വരികയായിരുന്ന വാന്‍ ജയിലിന്റെ ഒന്നാം ഗേറ്റ് കടന്നശേഷം പുരുഷതടവുകാരുടെ ജയില്‍ഭാഗത്തെ രണ്ടാം ഗെയിറ്റിന് അടുത്തെത്തിയപ്പോഴായിരുന്നു സംഭവം. ഒരു തടവുകാരന്‍ കൈയ്യില്‍ ഒളിപ്പിച്ചു വച്ചിരുന്ന മുളകുപൊടി സുരക്ഷാ ഉദ്യോഗസ്ഥരുടെ മുഖത്തെറിയുകയായിരുന്നു. വാനിലെ കൂട്ടപ്പൊരിച്ചിലിനിടയില്‍ 17 തടവുകാരും പുറത്തുചാടി.
പുറത്തെത്തിയവര്‍ ഒന്നാം ഗേറ്റിലേക്ക് ഓടുന്നതിനിടയിലാണ് സുരക്ഷാ ഗാര്‍ഡുകള്‍ നിറയൊഴിച്ചത്. അഞ്ചുപേര്‍ സംഭവസ്ഥലത്തുവെച്ചുതന്നെ മരിച്ചു. മറ്റു 12 തടവുകാര്‍ സുരക്ഷാ ഉദ്യോഗസ്ഥരെ മറികടന്ന് രക്ഷപ്പെട്ടതായാണ് വിവരം. അതേസമയം രക്ഷപ്പെട്ടവരില്‍ 13 തടവുകാരുണ്ടായിരുന്നതായും സ്ഥിതീകരിക്കാത്ത റിപ്പോര്‍ട്ടുണ്ട്.
സംഭവത്തിന് പിന്നാലെ ഉയര്‍ന്ന പോലീസ് ഉദ്യോഗസ്ഥര്‍ സ്ഥലത്തെത്തി സ്ഥിതിഗതികള്‍ നിരീക്ഷിച്ചു. വെടിവെപ്പിനെക്കുറിച്ച് അന്വേഷിക്കുമെന്ന് സംസ്ഥാന സര്‍ക്കാര്‍ പ്രതിനിധി അറിയിച്ചു. വെടിവെപ്പ് നടന്ന പശ്ചാത്തലത്തില്‍ ജയിലില്‍ കലാപമുണ്ടാകാന്‍ സാധ്യതയുണ്ടെന്നതിനാല്‍ കനത്തു സുരക്ഷാ സംവിധാനം ഏര്‍പ്പെടുത്തിയിട്ടുണ്ട്
