കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പോലീസിന് നേരെ കല്ലെറിയുന്ന പ്രതിഷേധക്കാര്‍... ജാമിയയിലെ പുതിയ വീഡിയോ പുറത്ത്, വീണ്ടും ട്വിസ്റ്റ്

Google Oneindia Malayalam News

ദില്ലി: ജാമിയയിലെ സംഘര്‍ഷത്തില്‍ പോലീസ് അതിക്രമങ്ങളില്‍ ആരോപണ പ്രത്യാരോപണങ്ങള്‍ വര്‍ധിക്കുന്നു. കഴിഞ്ഞ ദിവസം പോലീസ് റീഡിംഗ് റൂമില്‍ കയറി വിദ്യാര്‍ത്ഥികളെ മര്‍ദിക്കുന്ന വീഡിയോ പുറത്തുവന്നിരുന്നു. എന്നാല്‍ പുറത്തുവന്ന പുതിയ വീഡിയോയില്‍ പ്രതിഷേധക്കാര്‍ പോലീസിനെതിരെ കല്ലെറിയുന്നതാണ് ഉള്ളത്. വീഡിയോയില്‍ ഉള്ളത് വിദ്യാര്‍ത്ഥികള്‍ തന്നെയാണെന്ന് സൂചനയുണ്ട്. ഇതോടെ ഇരുഭാഗത്തും പ്രശ്‌നങ്ങള്‍ ഉണ്ടായെന്ന് വ്യക്തമാകുകയാണ്.

1

അതേസമയം പ്രകോപനം ഉണ്ടാക്കിയത് വിദ്യാര്‍ത്ഥികളാണെന്ന സംശയം ഇതോടെ ശക്തമായിരിക്കുകയാണ്. ഡിസംബര്‍ 15ന് വൈകീട്ട് 6.21ന് റെക്കോര്‍ഡ് ചെയ്ത സിസിടിവി ദൃശ്യത്തിലാണ് ഇക്കാര്യങ്ങള്‍ ഉള്ളത്. മുഖംമൂടി ധരിച്ച പ്രതിഷേധക്കാര്‍ പോലീസ് ഉദ്യോഗസ്ഥര്‍ക്ക് നേരെ കല്ലെറിയുന്നതാണ് വീഡിയോയില്‍ ഉള്ളത്. വൈകീട്ട് 5.03ന് റെക്കോര്‍ഡ് ചെയ്ത സിസിടിവി ദൃശ്യത്തില്‍ പോലീസിനെതിരെ അക്രമികള്‍ ടിയര്‍ ഗ്യാസ് ഉപയോഗിക്കുന്നതും കാണാം.

അക്രമികളില്‍ നിന്ന് വലിയ രീതിയിലുള്ള പ്രകോപനം പോലീസ് നേരിടേണ്ടി വന്നെന്നാണ് വ്യക്തമാകുന്നത്. 6.20ന് ഉള്ള ദൃശ്യത്തില്‍ ഗേറ്റ് നമ്പര്‍ ഏഴിന് പുറത്ത് വെച്ച് ഒരു കൂട്ടം അക്രമികള്‍ വലിയൊരു കല്ല് പൊട്ടിക്കുന്നതായി കാണാം. ഇത് പോലീസിന് നേരെ എറിയുന്നതിന് വേണ്ടി പൊട്ടിക്കുന്നതാണെന്ന് വ്യക്തമാണ്. അതേസമയം കേസുമായി ബന്ധപ്പെട്ട് ജാമിയയിലെ 10 വിദ്യാര്‍ത്ഥികളഴെ ചോദ്യം ചെയ്‌തെന്ന് ദില്ലി പോലീസ് വ്യക്തമാക്കി.

ക്യാമ്പസിന് അകത്തും പുറത്തുമുള്ള സിസിടിവി ദൃശ്യങ്ങള്‍ പരിശോധിക്കുന്നതായി പോലീസ് വ്യക്തമാക്കി. കൂടുതല്‍ വിദ്യാര്‍ത്ഥികളെ ചോദ്യം ചെയ്യാനാണ് പോലീസിന്റെ ശ്രമം. അതേസമയം കല്ലെറിയുന്ന വീഡിയോയില്‍ കൂടുതല്‍ അന്വേഷണം നടത്തുമെന്ന് ജാമിയ കോഓര്‍ഡിനേഷന്‍ കമ്മിറ്റി വ്യക്തമാക്കി. അതേസമയം ഈ വിഷയത്തില്‍ ഇതുവരെ കോടതിയോ സര്‍ക്കാരോ ഇടപെട്ടിട്ടില്ല. പോലീസ് നടപടിയെ ഇരുവരും ചോദ്യം ചെയ്തിട്ടുമില്ല. എന്നാല്‍ പോലീസുകാര്‍ക്ക് കല്ലേറില്‍ പരിക്കേറ്റിട്ടുണ്ടെന്ന് ജെസിസി നേതാവ് പറഞ്ഞു.

ബീഹാറില്‍ വജ്രായുധവുമായി കോണ്‍ഗ്രസ്.... നിതീഷിനെ പൂട്ടാന്‍ രാഹുല്‍, ബിജെപിക്കെതിരെ ഹിന്ദു ഫോര്‍മുലബീഹാറില്‍ വജ്രായുധവുമായി കോണ്‍ഗ്രസ്.... നിതീഷിനെ പൂട്ടാന്‍ രാഹുല്‍, ബിജെപിക്കെതിരെ ഹിന്ദു ഫോര്‍മുല

English summary
jamia protest new cctv clips show protesters pelting stones
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X