ജമ്മു കശ്മീരില് സൈന്യം രണ്ട് ഭീകരരെ വധിച്ചു: കൊല്ലപ്പെട്ടത് ഹിസ്ബുൾ ഭീകരർ!!
കഴിഞ്ഞ ദിവസം സുരക്ഷാ സേന സോപ്പോറിലെ പസൽ പൊര പ്രദേശത്തും വ്യാപകമായി തിരച്ചിൽ നടത്തിയിരുന്നു
ശ്രീനഗര്: ജമ്മു കശ്മീരിൽ ഇന്ത്യന് സൈന്യം രണ്ട് ഭീകരരെ വധിച്ചു. നോർത്ത് കശ്മീരിലെ ബാരാമുല്ല ജില്ലയിലെ സോപ്പോരിലാണ് ഏറ്റുമുട്ടലിൽ രണ്ട് ഭീകരരെ വധിച്ചത്. ഹിസ്ബുള് മുജാഹിദ്ദീന് ഭീകരരാണ് കൊല്ലപ്പെട്ടത്. പ്രദേശത്ത് കൂടുതല് ഭീകരർ ഒളിഞ്ഞിരിക്കുന്നുണ്ടെന്ന വിവരത്തെ തുടർന്ന് പ്രദേശത്ത് തിരച്ചിൽ ശക്തമാക്കിയിട്ടുണ്ട്. കഴിഞ്ഞ ദിവസം സുരക്ഷാ സേന സോപ്പോറിലെ പസൽ പൊര പ്രദേശത്തും വ്യാപകമായി തിരച്ചിൽ നടത്തിയിരുന്നു.
ഭീകരര് ഒളിഞ്ഞിരിക്കുന്നുണ്ടെന്ന വിവരത്തെ തുടർന്ന് 22 രാഷ്ട്രീയ റൈഫിൾസ്, എസ്ഒജി, സിആർപിഎഫ് എന്നീ സേനകള് നടത്തിയ തിരച്ചിലിലാണ് ഭീകരരെ വധിച്ചത്. സംഭവത്തെ തുടര്ന്ന് പ്രദേശത്തെ ഇന്റര്നെറ്റ് ബന്ധം വിച്ഛേദിച്ചിട്ടുണ്ട്. ചൊവ്വാഴ്ച രാവിലെ ദക്ഷിണ കശ്മീരിലെ പുല്വാമയില് സിആര്പിഎഫ് ക്യാമ്പിന് നേരെ ആക്രമണമുണ്ടായിരുന്നു. എന്നാല് പരിക്കുകളൊന്നും റിപ്പോര്ട്ട് ചെയ്തിട്ടില്ല.